都匯漁港

黎飲早茶，好耐冇食既柴魚豬骨粥係好食既。。。。但其他普遍都好咸，韮菜海皇腸入面唔知點解係椰菜頭仲要唔熟。。。。難食，其他得個咸字，10:41叫5樣野剩底嗰樣11:23都未到，問左2次都話再等等，到第三次行出去再問啲侍應終於做野拎到出黎仲講等咁耐係正常？？？？？？？一句唔好意思都冇，唉，真係唔可以係酒樓要求有好既服務態度應該好難。。。雖然俾左10%…Read More

**都匯漁港食評：油光四溢，膩感纏繞**慕名試食都匯漁港，整體食物質素未如理想，**最大問題在於「油膩感」過重**，貫穿多道菜色，影響用餐體驗。**招牌脆皮乳鴿**雖皮脆肉嫩，但明顯油淋過甚，咬下時油脂滲出，多吃半隻已感膩滯。**避風塘炒蟹**風味本應惹味，奈何大量炸蒜與辣椒被油泡浸透，蟹件亦掛滿油光，香辣之餘只覺滿口油膩，蓋過鮮味。**西蘭花炒蝦仁**本該清爽，但蝦仁過油泡後外層油潤，碟底更積聚一層明油，西蘭花亦似未徹底瀝乾油份，令人卻步。**蜜汁叉燒**肥肉比例高，蜜汁與油脂交融，甜膩感倍增。**乾炒牛河**鑊氣尚可，但河粉油亮得反光，牛肉與芽菜同樣油潤，未能做到乾身香口。點心方面，**炸春卷**與**煎蘿蔔糕**亦難逃油膩命運，春卷皮吸油，蘿蔔糕煎得過於油潤，碟上油跡明顯。**總結：** 都匯漁港食材尚算新鮮，但烹調手法普遍**重油**，令菜式負擔過重，鮮味與層次被油膩感掩蓋。追求清爽口感者需三思，或建議要求廚房「走油」處理。整體而言，是次體驗被油膩主導，難言滿足。…Read More

鳳德商場唯一街坊酒樓，裝修新淨企理又光猛，茶客好多好爆場沙薑豬手粒豬手肉質未夠淋，仲係偏爽彈紫菜芋泥夾紫菜就有啲搞笑，放係面頭當加咗。。。不過個芋泥夾係幾特別，上下兩層加白芝麻夾住中間嘅芋頭茸，好香脆，調味偏淡啲韮菜鮮蝦角本身諗緊係果種沙律明蝦角，上枱見到又覺得幾特別嘅，用餃子皮包住啲餡料去炸，係特別脆口，唔需要醬汁都已經好食羅漢齋腸粉正常發揮。腸粉麵係一貫嘅厚皮，羅漢齋餡料適中嘅，多啲更好燒賣燒賣皮有高有矮😂一定係手工包，非預製貨啦！出品高質鮮蝦菜苗餃餃皮通透、平均，欠缺少少煙韌，餡料豐富飽滿豉汁蒸鳳爪好味，個汁唔太多唔太稠，同埋個底可見少油！基本上好少酒樓做到少油流沙奶皇包流沙欠奉。。。。麵包嘅方面正常川芎白芷蒸雞呢個點心真係少見，多數只係藥膳蒸。佢蒸出嚟藥材味適中，未算過強，同時雞肉保持嫩滑淋，底下雞汁唔會一層油浮面，非常少油健康擂沙湯丸建議唔洗試！湯圓現成貨唔緊要，不過偏硬實啲，比較一般…Read More

肥華住處楼下間，飲早茶新主場酒楼早茶特價點心食品，日日都係嗰幾款，成半年都一成不變真喺龍肉都食到厭，有見及此在2月28日揾食肥華和靚媽决定，重返鳳德村呢間飲早茶前主場，飲早茶連午膳一餐就攪掂。此店今餐最出色嘅食品，就喺嗰張點心紙內，列明每位限選一款指定食品嘅，嗰碗藥膳鳳爪及蟹籽燒賣用$9個8價錢，食到咁嘅質素食品肥華認為喺超超值。而其他早市特價食品，此店亦有多款選擇，價錢收街坊價味道亦OK睇嚟肥華都要重投呢個舊主場懷抱飲早茶食午膳嘞。⭐️⭐️⭐️⭐️⭐️😋😋😋😋😋…Read More

茶樓話, 叉燒和燒肉無得一斤一斤咁賣, 只有一個例牌兩個例牌喎..... 價錢方面, 以屋村連鎖式茶樓嚟講, 真係抵食到呢..... 想試下$10一片叉燒係咩體驗, 可以買嚟試下…Read More

第一次來到這酒樓晚膳，發覺這裏的食物也不錯呀！價錢公道、食物質數又不錯，值得再幫襯。今天不是假期，環境較清靜，出菜時間亦較快，非常理想。～澳洲龍蝦乳豬全包宴 ($1298) 6位用•鴻運當頭乳豬乳豬皮脆肉滑，沾上乳豬醬更美味。•上湯焗澳洲龍蝦伊麵底爽口龍蝦配伊麵很好吃。•XO翡翠帶子蚌片甜豆西斤爽口，帶子蚌片亦鮮甜。•酥脆乳酪奶卷伴薯菜脆口薯條配脆奶卷，脆上加脆。•紅燒龍皇海寶𡙡不濃不淡，味道適中。•清蒸大珍珠龍躉斑蒸得恰到好處，肉滑鮮美。•金瑤原隻鮑魚伴鮮蔬鮑魚實在太小。•當紅醬皇脆皮雞皮脆肉滑，不錯。•功夫廚神炒飯粒粒飯炒得味道也不錯。•精美熱甜糕層層薑汁糕微甜，薑味突出。～陳皮蒸大連鮮鮑 ($98)六隻鮮鮑蒸得恰到好處。～孖寶A ($188)•黃金煎海蝦海蝦用鹹蛋王醬包裹著，煎得香脆惹味。•蜜汁叉燒伴海蜇叉燒腍滑，蜜味突出，燒得微焦。海蜇爽口彈牙。…Read More

都匯漁港，位於鑽石山鳳德道111號鳳德商場3樓F301及F303號舖。今年同屋企人食團年飯的地方，沒有驚喜都是一般的圍餐。菜式都是預早做定的，所以上枱的時候每款都是微溫。圍餐都是龍蝦伊麵、燒味拼盤、西蘭花炒珊瑚蚌、炸蝦球、蒸魚、髮菜蠔豉、炸子雞、糯米飯和壽桃包等等，而我比較喜歡壽桃包，起碼是即蒸熱辣辣的。整體性價比一般。🏷️溫馨提示 ~ 整個用餐體驗均屬個人分享意見，只作參考。都匯漁港地址: 鑽石山鳳德道111號鳳德商場3樓F301及F303號舖…Read More

主旨：投訴侍應態度不佳尊敬的管理層您好！我希望透過這封信表達我對於在貴酒樓用餐時所遇到的令人失望的服務經歷。在 2024-7-31當天，下午茶時段 我和家人選擇到貴酒樓用餐，但我們的用餐體驗卻受到一名侍應的惡劣態度影響。當我詢問菜單上的幾道菜品時，該侍應不僅語氣冷淡，還顯得非常不耐煩，讓我感到非常不舒服。隨後，我們在點餐過程中多次要求澄清，但該侍應並未耐心解答，反而用輕蔑的語氣回應。我們下單後侍應阿姐 （黑色衣服）抌張單喺枱面 篤住張單你盲㗎唔識字 選擇兩種食品太過分，嚇親老人家我理解餐廳的工作壓力，但作為服務行業的從業者，良好的態度和專業的服務是非常重要的。客人應該能夠在用餐的時候享受愉快的氛圍，而不是受到侍應的負面情緒影響。這次經歷令我對貴酒樓的服務質素產生了質疑，未來是否還會選擇來這裡用餐也成為了一個問題。我希望貴管理層能夠重視這個問題，並對相關的工作人員進行適當的培訓，以提升服務水平。相信改進後的服務會讓來自各地的顧客有更好的用餐體驗。…Read More

甘岩行街 第一次係呢間野同老人家去飲茶點心紙上面寫住幾樣嘢，選兩樣嘢我冇睇清楚揀左三樣嘢點知個阿姐抌張單喺枱面 篤住張單唔講嘢嗰吓我都唔知發生咩事以為三樣嘢唔得諗住拆咗佢點知佢一開聲講你盲㗎唔識字 揀兩樣嘢 佢意思叫我再揀多一樣，total四樣嘢 啲態度差到一個點啲嘢又難食，態度又差喺香港飲茶，真係第一次遇到咁態度 …Read More

7月6日揾食肥華，選擇在呢間，飲早茶主埸酒樓，和一班小學校友食晚飯，肥華深信一個成功嘅飯局，個主因並不是，餐枱上嘅菜餚，而喺飯局内嘅氣氛，而今晚出席呢個，老同學敍會飯局嘅，同學仔，大家互訴小學時，在校内嘅，趣事，瘀事，逸事，甚至情史，大家都一下子，腦海都係，五十多年前童年時回憶。而今晚此酒楼，亦提供到舒適場地，OK嘅食品及優質服務，給客人享用，可說是為此成功飯局，錦上添花，令到今晚出席一 眾同學，包括，揾食肥華及靚媽，都有一個歡樂偷快嘅晚上👏👏👏👍👍👍。…Read More

同屋企人去附近酒樓食晚飯，宜家做緊晚市優惠，晚市特價4選1，真係幾抵食架，88蚊有乳豬食或者19.8一隻乳鴿，好耐都未食過乳豬就試下啦～⭐️乳豬（例）雖然望落去幾細碟，但佢比既部位肥瘦適中，咬落去皮脆肉嫩，舊舊都好好食😂如果份量多d就好，乳豬係按人數決定份量，2個人食都係比例牌，多d人食會大份d⭐️上湯西澳龍蝦伊麵龍蝦好新鮮，肉質爽口彈牙，咬落去仲有肉汁，真係要讚下呢度個廚師，伊麵煮得好好食，個汁吾會好油膩，保留到龍蝦既鮮味，會再encore總體而言，酒樓食物質素好好，職員都會介紹下果日有咩好食，上菜速度快，可惜酒樓響屋村商場裡面，仲要行樓梯上去先到，比較靜。…Read More

今晚家庭敍會，相約在都匯漁港晚膳，此酒樓在屋邨樓下，面積相當大，客人並不多，坐得相當舒服。酒樓提供很多優惠，有孖寶，三寶等等，燒鹅，雞，乳豬及及乳鴿也有特價，我們一行8人，叫了一隻燒鹅，咕嚕肉，時菜牛肉，魚香茄子四個菜也吃不完，餘下燒鵝打包。燒鵝好抵食，只須298，雖然不很大隻，但味道相當好，唔會太肥，肉質也很嫩，唔錯。…Read More

12月3O日大約早上10點半左右，揾食肥華又同靚媽，到主埸飲茶順便食埋午飯，可能受到香港人，鍾情於北上消費風氣影响，肥華呢個主場，出到孖寶及自行配撘特價餐，唻招客，此店場面仍然未見熱鬧，吉枱甚多，香港食店慘淡經營情况，可見一班！以今時今日，在酒楼食一碗柴魚豬骨粥，一碟生竹牛肉，一碟瑞士汁炒牛河，一隻生炸BB鴿，再加一碟白西生菜，連埋兩位茶錢加一，埋單唔使$200蚊，都留唔到港人在港消費，認為唔低，真係肥華都冇計‼️…Read More

在此主場飲早茶和食晏時，食過多次腐乳通菜，發覺此店嘅腐乳醬非常惹味，十分出色，肥華心諗，如果食羊腩煲有咁正嘅，腐乳醬配合，個食味一定係，無懈可擊，10月24日知道此店已推出，羊腩煲，揾食肥華急不及待，捉埋靚媽去食呢個最佳配搭，可能希望越大，失望越高，雖然個腐乳醬依然出色，但主角羊肉，則味淡及唔夠淋，所以今餐呢個羊腩煲，祇值C+評分，反而呢餐兩個配角，蒸海班仔及燒雞，味道甚佳，篜魚火候啱啱好，燒雞上枱熱辣辣，呢兩味配角都有A級水平，搶盡主角羊腩煲風頭，不過以今晚嘅消費唻講，有酒，有菜，有肉，有魚，有靚媽陪食飯，呢餐晚飯，肥華俾👍👍👍…Read More

9月7日揾食肥華連同靚媽外家親人，一行六人在此間酒楼，提早食中秋節團圓飯，其實此間酒楼已成為肥華和靚媽，飲早茶嘅主場，今次特登吹雞唻食晚飯，就係要試吓佢嘅晚飯特價套餐質素，有冇早茶啲食品咁得，今次肥華拍板點咗半席$938元包茶位及加一，嘅鮑魚龍皇宴，而此席食品質素在坐各人都說Ok，加上份量十足又冇收開瓶費，最後埋單，搭棚計数，每個人頭都係$16O左右，呢餐中秋團圓飯，都可以講得係平，靚，正，講唔定此店日後，會成為肥華宴客嘅主場👍👍👍…Read More