影片
以上資料只供參考, 請與餐廳確認詳情
喺大埔返工lunch選擇其實唔多 依間車仔麵算係抵食之選 午市套餐四十幾蚊包埋飲品 豬皮非常入味，牛肚好易咬，蘿蔔清甜冇筋。簡單一碗麵但入面每樣出品都好高質！而且出餐速度快，非常適合打工仔食嘅quick lunch！另外如果食得辣嘅話都好推薦佢地嘅辣菜脯，好惹味，又唔會話太辣，配埋麵啱啱好
繼續閱讀
大埔昌運中心《郭仔記車仔麵》，很多年的了，不少大埔街坊們一定認識。佢哋有飯亦有車仔麵，同時有好多餸選擇。如果有選擇困難症，唔想諗食乜餸，都可以叫佢哋嘅套餐。今日我就叫咗個A4餐：八寶麵（有時菜，豆卜，蘿蔔，豬紅，豬皮，魚蛋，雞翼尖，紅腸）仲奉送雞翼呢！麵底亦有多款選擇，最後比較想食油麵，而呢度嘅油面亦都好爽滑，湯底我叫了秘製辣汁，桌上還有辣菜脯可任意添加呢！套餐奉送飲品，凍飲只需加$2，五十多元便可吃到飽飽了，好抵食。
繼續閱讀
不時都想食車仔麵，想搵間正常車仔麵都唔容易，好多食開既唔係質素下降，就係執埋🥲呢間麵檔都算保持到水準，湯底唔錯，蘿蔔、牛肚都夠入味又唔係死咸。另外佢既魚蛋腸粉都ok，可以一試。
繼續閱讀
大埔老字號「郭仔記」一向出名車仔麵麵店，位於大埔安慈路4號昌運中心地下86-87號舖。這天趁著悠閒假期特地前往。店內裝潢簡樸，卻人頭湧湧，座無虛席，可見人氣之盛。我點的牛三寶麵料足味豐，牛丸彈牙有嚼勁，金錢牛肚軟嫩可口，牛筋腩則油香四溢。選用的幼麵煮得恰到好處，配上店家特製辣汁和菜脯，層次豐富。太太的餐盤四寶各有特色，尤其振興墨魚餅外脆內嫩，手打鯪魚肉新鮮彈牙，豬腸清甜不膩，水魷魚入口爽滑。兩杯凍檸茶清爽解膩，甜度適中，為這頓地道港式小食畫上完美句點。難怪店內常見街坊熟客，這樣實在的味道，確實值得專程前來。
繼續閱讀
🔹咖哩魚蛋金黃色咖哩汁香氣四溢，咬落魚蛋彈牙，咖哩味道濃郁，帶有一點微辣，整個口感非常滑順，熱辣辣咖哩汁夠哂入味！🔹碗仔翅街頭小食點少得碗仔翅！有齊爽脆木耳、軟嫩肉絲同埋夠哂爽口既粉絲，配上適量胡椒粉、浙醋再加入麻油等調味料，更可提升味道層次！入口先有酸香味，夾雜麻油香，口感彈牙，湯又夠濃稠，湯配料豐富，分明層次感令人回味～🔹檸底可樂食完兩款街頭小食，即刻叫返杯檸底可樂，飲落去酸酸甜甜，清新又解膩，最岩就係食完重口味野食再飲返啖，完美組合～郭仔記車仔麵✨地址：大埔安慈路4號昌運中心地下86-87號舖
繼續閱讀
您可能會有興趣的...