部隊炸雞

營業中

休息中

現在叫了個套餐，好抵食，份量夠多，睇佢張餐單相啲雞勁少，但係它做起後係大份左，雞選了椒鹽味，食第二次真係好好食，炸粉薄，雞肉嫩，椒鹽粉多絕不孤寒，飯卷得2款選，之前選牛肉已經好食，今次選了蟹肉，講真牛肉好食啲，假蟹柳加左少少蘿蔔絲咁都ok啦。至有驚喜係套餐裡的2款配菜，一辣蘿蔔干泡菜，好辣但係條條好爽脆，起初以為食緊蔥，原來泡蘿蔔干咁好食，夾飯卷食好正，大豆芽有醃過吾酸的甜，係涼拌的可解濟口。一個人食這套餐太飽，因為和相片不同，到餐啲雞有全份咁多飯卷有5大件。加杯凍飲好大杯65元好抵食

睇完醫生太餓，之前常食甜辣炸雞，辣炒年糕已經好食，今午新叫泡菜牛肉飯卷，仲擔心牛好so，估吾到咁好食，料多又大件，飯係韓國米，牛肉好甜嫩嫩的有青瓜雞蛋泡菜牛肉紅蘿蔔粒，一大舊填滿個口腔好滿足，拿餐時見到賣相較濕潤，口感吾乾，調味好ok。泡菜吾辣。一碟多件我仲配了小食，紫芋丸子，食過多次，好綿，有奶香味。叫套餐加十蚊多杯熱飲及小吃。下次可試過推薦的炸蝦卷

食左呢間餐廳幾次，野食水準都keep到，所以特登想寫個好評話俾大家知。芝士牛肉包飯好抵食個牛肉有汁，芝士唔算多，但係性價比高。另外值得推薦個蛋黃醬炸雞拌飯，飯份量好多又軟熟😋特別係個溏心蛋好加分，最好食係個炸雞，仲有三隻味揀，我就揀咗椒鹽味，唔算厚粉，食落去仲係脆的，沙律醬加埋紫菜撈飯好好食，只可惜沙律醬唔算好夠，要再加沙律醬嘅話要額外加錢🤔價錢方面喺門牌睇嘅價錢同入面用QR code落單嘅Menu有出入，記住留意返張單叫佢減返錢🤗

新都城新開一間韓式店舖部隊炸雞，在新都城韓國嘢都真係好多間好大競爭，不過我諗同部隊炸雞最有正面競爭的就是Hungry Korean(HK) 。部隊炸雞就有顧名思義就有炸雞食HK則沒有， 而hungry korean就有牛肉湯鍋，豆腐鍋，鐵板燒肉， 部隊就沒有了。兩間都是行快餐路線，先付款後取餐。食任何主食都可以加10元轉套餐有飲品小食，我哋今次揀咗芬達汽水同埋薯餅。全州牛肉拌飯牛肉蔬菜都滿滿的好足料，牛肉偏甜不過我鍾意不過飯唔夠醬建議店家在店內自助區放置韓式甜辣醬和麻油，供客人自由添加牛肉炒粉絲熱辣辣炒得好香牛肉飯卷一盒有十粒這份則是肉偏少但係飯很多建議如果大家揀飯卷的話可以其中一個人揀炸雞另一個人揀飯卷， 這樣便份量剛剛好了