27
8
4
電話號碼
24721292
營業時間
今日營業
10:30 - 23:30
星期一至日
10:30 - 23:30
付款方式
現金
食評 (44)
等級2 2019-09-17
143 瀏覽
流浮山海鮮宴~邦記🐟🦐紅燒班腩骨&炒班片(又名:炒球炆骨)香港最好食嘅海班兩味一定係邦記❤️炆骨炸得岩岩好,加埋個汁唔怕整淋舊魚。即食嘅一定係食骨😝炒球超級滑,啖啖肉,食埋個魚皮骨膠原,補一補先😉豉椒炒聖子微微辣嘅聖子配豉椒香口好match❤️粉絲蒸扇貝大大隻扇貝,蒸得岩岩好🥰撈埋蒜蓉粉絲🈵酥炸生蠔個炸粉配得好夾,食落口好鬆化🤤如果啲蠔再大隻d就好啦😋白灼紅鬚蝦白灼可以食到蝦嘅原汁原味:啲蝦好實肉,好甜美🤪招牌炒飯炒飯好有鍋氣,啲飯粒粒分明,好味🙆🏻‍♀️總結:海鮮要另買嘅,海鮮費同加工費大約付每位$300-$600。味道就偏鹽嘅,食開淡味嘅朋友可以講聲淡味少油。 繼續閱讀
(以上食評乃用戶個人意見 , 並不代表OpenRice之觀點。)
等級2 2019-03-17
1022 瀏覽
好耐冇去過流浮山 媽咪提議去食海鮮 其實我哋成家都係海鮮愛好者 呢間邦記 我哋都經常食 . 首先我哋就去揀海鮮 阿媽最鍾意食蝦 我老竇就話要食蟹 我老公最鍾意就係食魚 lah ... 但係得五個人邊度食到咁多海鮮呀 媽我好亂啊 . 唯有就係放棄我最鍾意嘅賴尿蝦啦 . 我哋叫咗清蒸奄仔蟹 正鹽焗東風攞 我咁大個女都係第一次食鹽焗東風攞咋, 師傅好犀利煮到啱啱熟 勁滑囉清蒸黑瓜子 火候啱啱好勁滑 豉油王中蝦 呢個就一般般白灼聖子就係我嘅最愛 真係好好食記住要食埋佢個炒飯同雞翼 平時有湯送 但係今日晏左到 冇得飲添 ... 😅😅😅 繼續閱讀
(以上食評乃用戶個人意見 , 並不代表OpenRice之觀點。)
等級4 2019-01-07
1099 瀏覽
同朋友講起食海鮮, 諗起都有一排無去流浮山食海鮮喇, 於是就約咗一大班朋友一圍枱去流浮山食啦~冰鎮鮑魚 - 一上枱 咁大碟 冰 係真係幾吸睛, 鮑魚好彈牙蒜蓉粉絲蒸扇貝 時間蒸得啱啱好唔會韌 椒鹽鮮魷 - 魷魚好新鮮肉質好淋, 炸粉唔會過厚味道ok酥炸生蠔 - 炸得勁酥脆, 生蠔勁大隻, 個個都讚好食, 一咬勁多號蠔汁彈出嚟添上湯龍蝦炒飯底 - 次次都會叫伊麵底, 今次試下炒飯底, 炒飯吸哂上湯龍蝦味 勁正👍大大隻蝦彈牙新鮮每人大約500蚊, 價錢合理好味👍 繼續閱讀
(以上食評乃用戶個人意見 , 並不代表OpenRice之觀點。)
等級2 2018-11-23
1047 瀏覽
等咗好耐終於約咗一班朋友一齊去流浮山 邦記食海鮮,我哋每次去都會自備海鮮,今次買咗8斤東星煮二味,炒班球和炆班頭腩,大蝦,老闆介紹一個上湯大蝦炒飯,個個讚不絕口。聖子用蒜蓉粉絲蒸非常清甜有鮮味大家食到滿載而歸,非常開心,期望下一次再嚟。。。。 繼續閱讀
(以上食評乃用戶個人意見 , 並不代表OpenRice之觀點。)
等級4 2018-02-15
2484 瀏覽
雞年快過去,最開心就是一家人齊齊整整食餐團年飯。老豆今年在股市大有斬獲,所以他帶大家去流浮山吃海鮮做團年飯。老豆一早就跟相熟的酒家訂了檯和海鮮,我們一到酒家就可以叫起菜。雖然酒家已預留一張大檯給我們,可是,老豆實在太豪氣,叫了很多餸菜,食九大簋咁,食極都仲有,食物放滿檯,實在太誇張了,我們唯有密密食,報答佢對我哋嘅厚意。第一道菜是龍躉兩食之一的炒龍躉骨。用龍躉起肉後的魚骨撈入炸漿,然後油炸,之後埋茨。好香口,好入味,好好食。第二道菜是豉油王蝦。雖然蝦不是很大隻,但是它們是游水蝦,香煎後,用豉油王煎焗,豉油味入晒蝦殼和蝦身內,滋味無窮。第三道菜是鹽油水雞。雞是本地的走地雞,皮薄肉多,有雞味。做法雖然簡單地只用鹽油水去把雞淥熟,但是這個做法可以完全保留到雞本身的味道,而鹽水的鹹味在淥煮過程中,會滲入雞內,所以味道會有類似鹽焗雞的效果,好食!第四道菜是龍躉兩食之二的西芹炒龍躉球。龍躉起肉之後用來煎炒,肉身和魚皮夠厚,有質感,夠鮮味。西芹炒得爽脆,跟龍躉炒球配搭得很好。第五道菜是香蒜粉絲蒸扇貝。扇貝新鮮又大隻,用香蒜和粉絲去蒸熟,再加些豉油,是很傳統的做法,但是又是最好吃的食法。第六道菜是青炒菜芯。有咁多海鮮做餸,當然要吃些蔬菜來中和一下,都幾嫩,無渣。第七道菜是清蒸鮑魚。鮑魚好大隻,比一般的蛋撻還要大隻。清蒸後,撤上蔥花和澆上熟油、豉油,鮮美,肉厚,彈牙。第八道菜是薑蔥煮蠔。每隻蠔都很大隻,又新鮮,唔腥。加薑蔥來煮熟,再用蠔油來埋茨,好手勢!第九道菜是薑蔥糕蟹。兩隻蟹都有好多糕,肉又多,很鮮味。我們食得很高興啊! 好滿足! 老豆見到啲仔女開心,佢更加開心啦。雖然有些餸食唔晒,但係我哋都無嘥嘢,將食剩的雞和蟹打包返屋企。希望年年有今日,年年有餘啦! 繼續閱讀
(以上食評乃用戶個人意見 , 並不代表OpenRice之觀點。)