114
20
14
港鐵上水站 A3 出口, 步行約4分鐘 繼續閱讀
電話號碼
26392286
附加資料
晚飯供應到深夜
營業時間
今日營業
11:00 - 02:30
星期一至日
11:00 - 02:30
付款方式
Visa Master 現金
其他資料
深夜營業
酒精飲品
電話訂座
加一服務費
電視播放
招牌菜
16安士西冷牛排 焗公司豬扒飯 龍脷柳
食評 (160)
等級4 2020-08-19
1147 瀏覽
限聚之下,把握下午仍可以二人飯聚的時間,三人分兩枱的機會,跟美國回來的朋友來個下午茶食好西。 選了這間西餐廳連酒吧的雅適餐廳,過了一個愉快的下午。星期日的Menu也有很多選擇,而且睇落價錢也吸引。 假期feel 的牛排配啤酒,好正!大熱天時,要飲下啤酒,朋友跟負責人研究桶裝跟樽裝的味道,負責人好仔細介紹桶裝好飲好多。平時總不會兩款同時來比較,今次學到野這裡的龍蝦酥皮湯,有驚喜。 我平時好怕市面有些味道好稀薄的龍蝦湯,但這湯用龍蝦之餘,也有用魚及蝦的海鮮來煮湯,味道是有海鮮的湯底,所以特別鮮甜及濃味。酥皮好酥脆,非常好食。喜歡濃味的朋友必試。蒜蓉包也好香脆,而且好大塊,這個很想encore. 小食要了半打焗法國田螺,田螺大隻,味道有好香的香草味,要讚。 薯蓉也很香滑。朋友選了香草焗海鱸魚,這個份量合眼緣,而且魚肉也很嫩滑。 可以一下就KO 了的選擇。個黑椒汁要讚,特別濃又夠辣,我用了來點脆脆薯條食。我這個牛魔女當然選了新西蘭西冷牛排啦!5成熟真是剛剛好,顏色靚到令人賞心悅目。好有牛味及好juicy. 廚師有料到而個拌菜沙律的醬汁是芥末醬做的,很配搭,好味道。食完主菜,又繼續啤酒時間,叫了個荷蘭腸焗薯蓉,估不到腸是有脆邊的,配薯蓉很好食,而且送酒一流。 而我係呃芥末醬食的,芥末跟荷蘭腸好搭配。最後坐到6點清場才離開,真是一個好舒服的下午。 這餐廳可以再Encore. 走時發現可以買牛排回去自己煎,獨立包裝,非常方便。 可否請大廚回家煮? 我應該煎不到在餐廳食到5成熟這個靚排的水準I will be back! 繼續閱讀
(以上食評乃用戶個人意見 , 並不代表OpenRice之觀點。)
等級4 2020-08-10
1024 瀏覽
晏晝嘆完金都點心返屋企再訓,訓醒六點半到晚餐時間喇!豬一般的生活,訓飽食、食飽訓,夫復何求,人生一樂也!出乎意料好多食客到此晚飯,被叔叔嬸嬸、阿婆阿伯重重包圍,您地可否靜少少,講說話細聲一點呢?真係非常騷擾十分吵耳,我想安安樂樂清靜地享用佳餚。牆壁掛著幾十年前畢打奧適雅餐廳門口照片勁有趣,仲有剪報都好得意!藍妹生啤,飲得日本啤多,試試陀地啤吧。忌廉蘑菇湯,厚杰似汁可以撈意粉食,罐頭味濃。Asahi 朝日生啤,曉奧指定生啤,還有麒麟都係。焗法包,熱到燙手香噴噴,被深深吸引著。難得牛油能夠完全溶掉讓麵包吸引透徹,使我不愛包的都食指大動,狠狠地咬下!外脆內軟,濃厚麵包味道,牛油咸香幼滑,真係好好味。焗芝麻餐包,打開好似百香果!熱辣辣將牛油迅速溶掉立即吸收,脆卜卜的包皮芝麻香口,包肉綿綿像乜墳。焗脆包,比起以前凍冰冰麵包好食百倍有驚喜!微暖塗上滿滿略溶牛油,香脆包皮配嚥韌包肉,麵包味出眾跟牛油咸香撞得精采絕倫,小有地給我兩啖吞晒落肚。焗餐包,一向走包的我面對如此燙手外脆內軟香噴噴麵包,不得不心動!整磚牛油塞入,耐心等候溶化被吸收,半件入口趙得不亦樂乎。發現麵包經常轉款,唔係次次一樣架喎。羅宋湯,茄味濃加菜蔬甜,微暖不夠好飲,我想要熱湯呢!立即直接一啖連渣倒入口,暢快禮成。酥皮龍蝦湯,新鮮出爐滾熱辣,小心燙手啊!酥皮牛油香氣散發四周,聞到已口水流。非常滾燙味道不錯,過熱起晒粒粒,粗糙不夠幼滑。西冷串燒,全熟牛味濃,乾鞋而嚥韌。避風塘風沙雞中翼,何解會用上甜辣椒粉?有韓式的味道,沒有辣椒沒有蒜蓉。炸得不過不失,外脆內微嫩,再炸就會太乾硬。香草牛油焗田螺,香草味厚厚,牢牢黏著軟腍田螺肉,滾熱辣捲上薯蓉齊齊食,美味萬分!整道菜煮理得非常出色,稱心滿意拍爛手掌。黑椒汁大蝦牛柳薯菜,港式牛柳食 5 成熟較安心。過熟的大蝦硬實但蝦味濃厚散發蝦甜味,軟塾牛柳實在難得,牛味可口出眾,沾上香辣黑椒汁再三回味。幼滑薯蓉包著牛柳,味道融合更和味,單食薯蓉加埋黑椒汁同享更醒神。黑椒汁美式雜扒全餐意粉,食肉獸殷物,豐富到不得了!煙肉、肉腸、雞扒、薄牛扒、厚豬扒,醃味略重還頂得住。黑炆炆勁樣衰的全熟牛扒,其貌不揚但食落不太差,豬扒外油膩內略乾合格。蒜蓉汁 16 安士安格斯 T 骨牛扒意粉,首先處理掉西冷那邊,肉眼那邊緊隨消滅!西冷結實牛味香濃甜美嚼勁可愛,肉眼鬆軟綿綿牛羶味突出。重味蒜蓉汁,蒜香霸道帶著濃濃汁底,拼上清淡牛扒也不錯,襯托意粉更恰到好處。不滑溜的嚥韌香草意粉別樹一格特別掛汁,能捲起大量蒜蓉汁濕潤地塞滿嘴仔,大喜大喜。黑椒汁碳燒厚切牛仔骨 3 成熟配焗薯,說好的加 $19 蚊升級珍寶蘆筍呢?我仲想睇下有幾大碌,漏單了。師傅好功力,真的給我暖暖 3 成牛肉,純天然牛味突出甜美,外層味濃有趙頭,裡面嬌嫩淡紅嫩滑水潤。血淋淋嫩肉最喜歡,食得開開心心。焗薯酸忌廉焗薯有誠意,鹽水烚西蘭花有點咸,落雞粉會更好。焗茄汁吉列豬扒飯,不是螢光橙是古早艷紅色,聞得到的酸甜茄汁味,陣陣肉香撲鼻。立即起動!炒飯沒什麼色水,呷一啖乾爽軟塾不濕,蛋香突出焗味芳香。吉列豬扒薄薄一層幼滑麵包糠,鬆脆不硬不刮口更加索汁,肉質軟綿豬肉甜味濃郁,肉汁四射。茄汁吉豬躺在炒飯送入口,齊齊嘴嚼,味道融合昇華,無比美味!牛魔王焗飯,咖哩牛腩黑椒牛肉骨鴛鴦焗飯,色澤鮮明帶光澤,盡是吸睛。先試咖哩後黑椒,咖哩會完全被黑椒蓋過,食完咖哩再食黑椒較好,否則有點不想食咖哩既感覺,因為黑椒汁微辣香甜。牛仔骨油潤牛味濃有嚼勁,雖然咖哩濃郁香料芳香,牛腩鬆化軟腍不乾硬,牛筋黏滑入味,但都不及黑椒牛仔骨出色。炒飯底有蛋香有飯香粒粒乾爽嚥韌爽汁一流,大大舊肉大大啖炒飯多多汁,好食到打冷震!焗肉醬意粉,不計成本大量肉醬,比例幾乎一比一。酸咪咪茄汁肉醬,勁多幼細肉碎掛滿意粉,還有陣陣芝士咸香,只係意粉過份濕腍。蒜蓉汁燒春雞意粉,似乎大埔 Cozy 春雞好食好多呢。食雞梗係要揸住咬,髀仔插入抽出,香皮嫩肉全部沒收細味,平庸無意見。比乳鴿厚肉多倍,焗得超級透徹,一咬骨肉完全分離,皮薄多汁,肉質結實羶香。雞胸微汁,不幸始終離不開乾鞋的質地。特濃蒜蓉汁,味道濃厚,蒜味非凡。彈滑意粉不粉不黏,拖著大量蒜蓉汁大啖大啖啜,超級開心愉快,比茶記高質,就連 B&S 都做不到如此色香味的意粉。 繼續閱讀
(以上食評乃用戶個人意見 , 並不代表OpenRice之觀點。)
等級1 2020-11-12
0 瀏覽
野食cheap到爆,間餐廳好睇唔好食。牛扒叫五成黎左八成,仲要又鞋,多根到痴線完全冇牛味,食左一舊已經放棄左。另外叫咗個焗豬扒飯,首先賣相已經極差一pat茄汁就咁撻上去,相都唔想影。乜配料都冇,就咁茄汁+豬扒+飯就完,都算了試左一啖個茄汁,仲難食過樽裝果隻茄汁…個豬扒冇乜問題,還好。個炒飯底完全唔似炒過,又水又冇味。唔記得講個白湯,都多蘑菇,但冇忌廉味,好似飲緊忌廉湯但又好似唔係咁。成餐飯比較好食嘅係個餐包…總結 完全唔值呢個價錢,真係食大家樂都好過食佢! 繼續閱讀
(以上食評乃用戶個人意見 , 並不代表OpenRice之觀點。)
等級1 2020-10-20
219 瀏覽
生日飯去食,緊係開開心心食,因為食物沒有問題,所以再去食,5點幾入去緊係Happy hour先, 咁staff問飲野定食飯,當然係飲野同食飯,野食一點都冇問題,但staff好有問題,到最後埋單時才發現原來要飲happy hour係要坐bar枱個邊,我地共飲了6杯,有2杯話跟餐(49蚊)所以係平左,所以有4杯係比82蚊一杯(7點30分埋單),但小心佢地原來放左係枱上面餐牌仔有講wor,生意係咁做(古惑)係要坐bar枱先叫happy hour,咁樣叫人點再去呢!再好的食物呃人就唔使唸。 繼續閱讀
(以上食評乃用戶個人意見 , 並不代表OpenRice之觀點。)
等級2 2020-10-17
268 瀏覽
放工去食西餐 去左上水平時其實都食開呢間 今日再去 果然質素一樣都係咁正講下環境先 外表好似bar咁 但入到去都係酒吧咁嘅樣 但係西方鄉村果種酒吧feel 由木而成嘅環境咁同時佢個燈光半光半暗 又有少少粉紅嘅招牌燈 成件事令到個氣氛好舒服叫左個西冷牛扒配飯加大啡菇同埋咸豬手配飯咁先講下上菜先 會有湯 有麵包先嘅湯就正常發揮啦麵包 就即叫即回焗 上到黎都係熱嘅 今日係轉左個包嘅種類 變左芝麻包咁嘅包 好似煎堆嘅味 但冇煎堆咁油 好食嘅 簡單講就芝麻味重 勁脆西冷牛扒 好好味 嫰 肉味少左d 不過西冷係咁 大啡菇 老實講 其實係出面間間西餐廳嘅味道都差唔多 都係超重菇味 因為都只係食食材本身嘅味咸豬手 外皮超脆 內皮好"膠" 肉少左d 如果個醬係配酸嘅醬 比如芥末 我會覺得更好 因為減膩而飲品叫左凍檸水 驚喜嘅係估唔到佢咁樣上比我 免卻左我叫少冰 同埋糖水甜度自己加 都係叫暖心安排啦服務方面非常好 收碟快 叫侍應舉幾秒就有人理價錢呢個價位(兩人大約食左三百尾四百頭嘅價錢)相當合理 會不斷再黎食 繼續閱讀
(以上食評乃用戶個人意見 , 並不代表OpenRice之觀點。)