11
6
1
港鐵黃埔站 C2 出口, 步行約1分鐘
繼續閱讀
開飯介紹
來自日本的大阪燒專門店，客人可親身體驗製作各款大阪燒。
繼續閱讀
營業時間
星期一至四
12:00 - 16:00
17:30 - 22:00
星期五至日
12:00 - 22:00
公眾假期
12:00 - 22:00
公眾假期前夕
12:00 - 22:00
以上資料只供參考, 請與餐廳確認詳情
招牌菜
食家推介
今日A姐M佬要幫手照顧兩個小朋友，午餐就梗係唔可以求求其其，除咗要有營養，仲要夠好玩先得嘅！所以我哋就嚟到主打自己動手自己燒嘅鐵板燒：道頓堀御好燒專門店。道頓堀御好燒專門店除咗晚間放題又抵又多嘢食之外，近期仲推出咗期間限定，四款超得意嘅天竺鼠車車御好燒料理，可以自己設計成超得意嘅天竺鼠車車，夠晒得意又可以打卡呀！Choco什錦御好燒我哋第一個挑戰嘅天竺鼠車車御好燒料理就係Choco什錦御好燒，由於我哋大家都係第一次嘗試，所以店員都好細心講解烹調同設計嘅方法。呢個Choco什錦御好燒係嚟自動畫入面，爽朗又賢淑嘅天竺鼠車車：朱古力！Choco什錦御好燒入面有香腸同蝦仁，食嘅時候好有口感，加上味道濃郁，令人食指大動！Potato薯仔沙律御好燒2位小朋友同我哋講，呢個係天竺鼠車車嘅主角馬鈴薯呀！為咗唔想極受歡迎嘅主角變樣，所以我哋整嘅時候真係非常小心，盡量要將佢完美還原！好彩我都不負所望，大家可以打卡喇！呢個Potato薯仔沙律御好燒入面有好多薯仔，但重點係個沙律調味醬汁，唔會好溜，口感軟綿，非常開胃。Shiromo煙肉生菜蕃茄班戟好多小朋友都唔鍾意食蔬菜，但當蔬菜變成Shiromo煙肉生菜蕃茄班戟就大受歡迎喇！呢個Shiromo煙肉生菜蕃茄班戟靈感嚟自天竺鼠車車嘅西羅摩，佢最鍾意就係食生菜呀！呢個班戟入面爽脆嘅生菜同煙肉當然係口感嘅來源，而酸甜嘅蕃茄就令到大家都非常開胃，就連平時少食菜嘅小朋友都好快就清咗碟啦！Choco朱古力班戟至於甜品就揀咗Choco朱古力班戟，同樣嚟自動畫入面，爽朗又賢淑嘅天竺鼠車車：朱古力！班戟本身嘅朱古力味已經非常濃郁，表面加埋朱古力醬，令朱古力更香濃，好好味呀！
繼續閱讀
-《道頓堀御好燒專門店》🏮🎎依間野一直都想試㗎喇、幾得意大阪燒自己整自己食🧏🏼♀️提返大家、佢係有幾種唔同野有唔同既整法、分別有御好燒、文字燒、廣島燒、野菜御好燒等等記得跟返佢個指示的整法😂😂當日我哋因為唔知有分別、全部整錯晒一pat屎咁🤷🏻♀️另外佢有三款唔同價錢嘅放題分別係$208 $268 $328價錢高啲嘢食種類就多啲！咁今次就揀咗中間嗰個$268🙋🏼♀️另外佢可以加$38任飲（生啤、清酒、汽水）老實講嘢食就真係唔係話特別好食、唔係特別高質嘅食材！但係真係好好玩、環境好有feel🙆🏼但去chill下+DIY下大阪燒都好！同埋價錢又唔係貴！所以都係唔錯嘅選擇！推🙋🏼♀️佢有超級多分店㗎！自己去OpenRice揀一間就腳架啦😘
繼續閱讀
女朋友話想食鐵板燒，但又想有d新意，今次就再佢黎到依間餐廳DIY放題啦。😊😊星期六晚人不算多，座位都算寬敞，我地今次揀左佢地56道菜既放題，有超過5款日本特色既燒物揀，真係整既時間多過食既時間，得兩個鐘其實比其他普通個半鐘放題食得仲要趕。食物本身既味道係無乜，靠既都係醬汁同木魚碎。同埋餐廳都提供足夠指引去DIY，所以都幾難失敗，過程都幾好玩👍除左有得DIY外，仲有其他燒肉同菜比大家選擇，種類都算幾豐富，唔夠飽仲可以叫佢地既飯/炒麵食添！
繼續閱讀
一站式自己為自己服務既日式御好燒餅店，叫完之後剩係比面粉汁同埋d材料你自己燒，其實性價比好低。燒既過程都要起碼10幾分鐘，如果有時間先好去食。材料亦都唔多，而且亦冇其它野食。
繼續閱讀
之前去關西旅行，隨便一間質素都有返咁上下，深深被當地嘅大阪燒、廣島燒吸引住。想念日本嘅日子，一於去道頓堀，自己整！ 餐牌分御好燒、廣島燒、文字燒、炒麵炒飯、鐵板燒、班戟，每個種類更有肉類、海鮮、芝士、蔬菜等配料選擇，每客定價約$78-118不等。幾款分享套餐包含御好燒、鐵板燒、前菜、甜品同埋飲品，價格頗實惠，而且配搭多，係不錯選擇 👍 另有120分鐘放題，有38品、57品及75品，分別$198/$258/$328每位，小童長者更有優惠價，最啱長期餓底嘅朋友，可以一試。餐牌更有每種食品嘅製作步驟，以及所需時間，掃QR Code仲有簡單影片介紹，清晰易明，唔識煮野食嘅我都冇問題 💪🏼 =========================道頓堀雜錦文字燒 $98眼見「廣島燒」步驟相對複雜，今次試試簡單嘅「文字燒」先～ 先將蔬菜拌炒後做成圓形，然後喺蔬菜配料中間挖個窿，將水水的麵糊倒入窿中間，當麵糊唔再流嚟流去就食得 👌🏼估唔到「文字燒」底部能形成鍋巴，焦焦香香，但唔能夠調節鐵板溫度嘅關係，放喺鐵板上面未食嘅「文字燒」，燶得好快 😕配料有：五花腩、魷魚、蝦，味道一般般，豬冇醃，海鮮有雪味 軟芝士厚燒班戟 $68職員細心清潔鐵板，再上班戟 👍 職員提醒如要流心效果，每邊煎2分鐘，將麵糊整到約一吋厚。可惜蓋上鑊蓋後，班戟扁咗，口感似麥記熱香餅，不過不失 🤔由於未達每人最低消費$100，店員建議我哋嗌多杯嘢飲，我哋叫咗凍烏龍茶（$15 ）及百事可樂（$15）。整體來講，好玩、容易操作，而且可以試到自己手勢 😆 不過抽氣通風麻麻，整嘅時候煙霧離漫，頭髮同衫吸滿氣味。雖然餐廳提供衣服清新噴霧嚟治「標」，但係如果可以改善個「本」會更加好。=========================道頓堀御好燒專門店 (黃埔天地黃埔號) 📍 紅磡黃埔天地黃埔號(第6期)AEON Style地下G01號舖
繼續閱讀