道日本料理

營業中

休息中

每天返工都經過足足有幾過年頭，見佢舖頭細細都5係首選考慮午市揾飯食之一。但今日突然想食下日本野在大窩口冇乜選擇之下； 就同同事提議下一齊去試下。諗住今日得2條友容易D揾位，结果一去到有位yeah。自然都係叫左兩個餐， 1）滑蛋吉列豬扒飯同埋2)鹽燒鯖魚便當。 食物送上時候擺設冇乜需要講究午市係冇乜要求啦但係食物入口可以加分。喜見午市冇加一， 午餐來講算合理價錢可以下次考慮食其他食品。注意但付款只收現金，payme， 同轉數快。

道日本料理喺大窩口已經開業好多年，之前係大廈街一間外賣小店，後來搬咗去前面大鋪有得堂食，我哋住附近通常都係叫外賣，whatsapp落單然後大約15分鐘就有得攞。滑蛋吉列豬扒飯五十幾蚊幾抵食，極上魚生丼128蚊用料非常新鮮，有一隻大牡丹蝦，帶子三文魚都好新鮮，唯獨是嗰pat平吞拿魚茸可以慳返。花之戀卷三款雖然小貴要九十幾蚊，但用料好新鮮，海膽，三文魚子同蟹子全部都好好味，三文魚亦好新鮮，另外一提呢間店而家有會員制，可以掃qr code入會儲分，積分可以用嚟換嘢食。

Openrice搵左一陣壽司舖，見到呢間價錢ok，環境夠靜夠曬私隱，就帶b🐷去食下。whatsapp卜枱準時去到，夠方便，荃灣過去係有啲距離，但都係一條直路易行。菠菜蛋卷 $48原來係冷盤，原本見佢哋特別推介見幾新鮮就試吓，菠菜🥬好飽滿，用蛋皮包住加上芝麻醬帶上酸酸鹹鹹既味道。新鮮手握壽司 $16-24/2件每樣都正正常常，食材新鮮，芥辣八爪魚🐙黃金魷魚左口魚北寄貝三文魚🍣帆立貝夠晒吸引，賣相唔錯，擺盤幾好，但芥末唔算好辣。新鮮拖羅茸海鮮卷 $128估唔到拖羅茸可以咁綿密又滑，仲有大大粒嘅三文魚子點綴，加埋爽脆嘅蘿蔔令到口感更加平衡唔會食到好漏，呢個真係令我好驚喜，好食推介👌🏻👍🏻🥰。地點:餐廳位置近大窩口站，但係我哋係荃灣站行過去都係15分鐘左右，位於街市隔離係一間地舖，原來仲有另外一間分店喺荃景圍嗰邊，都係主要做街坊生意。環境:雖然店面比較細，但係有種好溫馨嘅感覺，木系嘅裝修加埋壽司師傅喺料理台用心工作，比較近，港式少少，背後仲播緊香港嘅流行音樂🤣😂。價錢:買單每人$250，用手機落單，隨時之外，客人可以WhatsApp佢哋睇吓當日有咩新鮮嘅魚，佢哋仲會有特別推介俾客人。

他們家三文魚刺身好好吃，配上真正的wasabi（不知道真假wasabi差別的，可上網查），無得彈！一份$55，日頭堂食不加一，晚市加一。其它各種壽司套餐全部試過，中規中矩。

地道日本餐廳，小店裝修服務好刺身🐠呢到每日都有時令新鮮到嘅魚刺身，如果想知有咩新鮮魚絕對可以WhatsApp佢哋，問吓佢哋今日有咩選擇 今次小編叫左笛鯛同金線鯛，佢切得好薄刀功好勁，食落去真係好新鮮，再點佢個酸酸柚子汁，真係帶出魚嘅鮮味🤤自選壽司🍱三文魚，帶子，火炙左口魚，鰻魚，蟹籽，魷魚壽司 每一款壽司飯都係適中，刺身亦都好新鮮，特別推介火炙左口魚，食落去入口即溶，城鎮如香油喺個口中，呢個係必叫嘅壽司🤩蟹籽沙律 🥗滿滿嘅蟹籽配上沙律醬，再加埋切好一條條好友嘅青瓜絲同蟹柳，絕配🤣厚燒玉子呢個真係好厚好足料，會見到一層層嘅玉子，再加上食落去好滑又唔會好膩😍

今次試咗這家店嘅幾款招牌菜，直接講，味道真係正！🔥 紫菜壽司拼盤色香味俱佳，食落海鮮味道超鮮嫩，令人一啖接一啖！😋 北極貝壽司好彈牙，細細啖都食到貝肉嘅鮮味，實在過癮。帶子日式蒸蛋滑嘟嘟，濃郁蛋香配埋新鮮帶子，啖啖滋味，真係百食不厭！我另外叫咗日本炒麵，呢個真係出奇地好食，面係Q彈嘅，醬汁恰到好處，唔會過鹹，又唔會太淡，仲有啲微微煙韌嘅口感，簡直一流。清酒蒸蜆即叫即蒸，保證新鮮，酒香四溢，蜆肉又鮮甜，一啖口嚟嘅鮮味，真係賞心悅目。整體嚟講，這間日料店真係值得推介，無論係食物質素定係環境氣氛，都幾符合我嘅預期。食物份量亦都足夠，價錢公道，絕對係食貨朋友嘅好選擇！下次仲想再黎光顧，試下其他菜式！💯👌🎉

點講都要搞掂個肚先喱。今次同鐘意食嘅兄弟姊妹衝入道日本料理，一進門就俾啲裝潢同環境吸引住，樣樣都好有日本feel。我哋點咗三色魚生丼飯，質素真係出乎意料，三文魚、帆立貝、鯛魚細膩得滑唔溜手，加埋溫泉蛋，真係花生🥜！蟹子沙律就keep住清新路線，蟹籽Q彈飽滿，啖啖蟹味🦀！焦糖鵝肝話你知，華麗轉身就係咁。勁香軟膩，簡直係高級食材中嘅戰鬥機✈️，苦啲嘅焦糖同鵝肝嘅油潤，拌埋一齊嘅時候真係頂，喎！新鮮拖羅海鮮卷就像啲海味嘅煙火匯演🎆，拖羅茸、帆立貝、三文魚子，每一啖都新鮮得嚟香噴噴，食落口中間係即刻嘩嘩聲！整體食落去，心情開心好似做完Spa咁，味蕾都跳起芭蕾，真系揾到寶藏食店。知道呢度人多競爭激烈，你哋啲食家下次唔該記得早啲book位啦！🍣🍚👍

🤸🏻極上魚生丼 $128三文魚、油甘魚、帆立貝、八爪魚、鯛魚、吞拿魚蓉、三文魚子、牡丹蝦一次過食到咁多款刺身啱晒選擇困難症患者(｡•̀ω-)最正係帆立貝、吞拿魚蓉帆立貝肥美吞拿魚蓉唔腥（我平時麻麻吞拿魚蓉，今次都覺得好食）八爪魚唔韌ʕ •ᴥ•ʔ牡丹蝦略嫌唔夠新鮮三文魚可以再肥美啲❤️‍🔥火炙魚生丼 $98好多款魚生，三文魚好大塊(⁎⁍̴̛ᴗ⁍̴̛⁎)🦆焦糖鵝肝壽司 $42我係為左佢而嚟真係好肥美(-´∀`-)充滿油脂香(˶‾᷄ ⁻̫ ‾᷅˵)表面仲有燒過，有層脆脆焦糖但略嫌唔夠熱但朋友嗰件燒過龍，有啲苦

間中有時喺社交媒體網站都見到有人話呢間日本餐廳性價比好高，啲嘢食都幾抵食，有晚終於同朋友夾到時間去試吓啦❣️😂不過佢啲位置都唔算係好就腳，真係好適合住喺附近嘅街坊或者返工人去～～～ 舖頭都係好細間。一入到去已經會問你想飲凍茶定係熱茶，呢個真係幾特別幾細心！叫咗海膽壽司，三文魚腩壽司，加州卷，菠蘿串燒，牛舌等唔算太多選擇，但係都仲可以揀到啱食嘅嘢！最推介係三文魚腩壽司！三文魚，肥瘦均勻，識落油脂幾香😋😋😋

今日同媽咪去左依間日本餐廳食lunch，我哋叫咗一件焦糖鵝肝壽司，大大塊鵝肝，配上焦糖， 十分惹味。另外值得推介嘅係明太子玉子燒，一份40幾蚊，即叫即整，熱辣辣嘅玉子配上玉子燒，媽媽都讚好。店員推薦我地食清酒煮蜆，本以為應該味道一般，但又出奇地鮮甜，兩人份都幾好食。另外，依間的燒多春魚都幾好食，熱辣辣，配上檸檬汁，幾不錯。依間價錢算是合理，款式多樣，店員服務都OK。如果大家經過熊貓酒店附近也可以來光顧。

今日行過見到呢間鋪頭望落唔差，決定入去試吓三文魚壽司係食日本野基本又經典嘅選擇。佢三文魚勁新鮮。三文魚肉質鮮美，口感豐富，搭配傳統的壽司飯，帶來左經典又美味的組合。粒粒刺身飯，由新鮮的刺身魚切成一粒粒，放在壽司飯上。刺身可以包括各種魚類，如三文魚、鯛魚、玉子蛋等。粒粒刺身飯展現了不同魚嘅鮮味和口感，一次過品嚐多種刺身。鹽燒三文魚魚頭，魚頭被鹽燒至外皮酥脆，內部肉質鮮嫩。品嚐到魚頭豐潤肉質同獨特的風味。鵝肝壽司，相當奢華嘅選擇，結合左鵝肝同壽司的美味。鵝肝切片放在壽司飯上面，提供左濃郁的口感同豐富的風味。總結來講，呢一間壽司號絕對值得一試再試。

見到PND推薦 就諗住去試一試個日一去到員工就被落單紙我哋係門口要寫好食咩比佢哋 我哋表示想坐低慢慢決定 期間排隊係我哋後邊嘅客人都早過我哋入座原來唔決定好食乜，就冇得入座真係唔知咩制度？諗住都嚟到就入去試一試 所以勁快寫好張紙即刻比佢 然後員工先迅速安排入座首先，我哋叫咗個蕎麥面 有一嚿Wasabi同一隻鵪鶉蛋，個蕎麥麵好難食，連日本便利店冷凍蕎麥麵都好食過佢之後我哋散叫咗好多款壽司，諗住小店應該會職場手握壽司，點知都係提前整好放舊刺身上去，味道一般。跟住嗌咗生蠔，見一直未上菜就諗住催下，個職員即刻話下生蠔冇貨喎，心諗冇貨你又落單？總之呢間嘢由排隊入座到用餐，都貼錢買難受。

刺身壽司食物相睇落真係好靚好吸引啊!!!但真係好貴唔可以成日食, 好彩佢有啲丼飯或壽司拼盤可以選擇, 價錢非常之合理,三色魚生丼: 份量好多啊, 三文魚同油甘魚好厚身好鮮甜肥美, 好鍾意食特上壽司盛: 包括三文魚,油甘魚,熟蝦,呑拿魚,赤身帆立貝, 時令魚, 相比之下我鍾意丼飯多啲

今日嚟到大窩口嘅一間小店叫做道日本料理，呢間小店都係小編嘅朋友介紹嘅，朋友話呢間小店抵食好食，叫小編一定要推介畀大家。所以今日小編就嚟會一會佢喇！三色魚生丼飯 $80呢個三色魚生就包括有帆立貝三文魚同鯛魚，仲有蟹子同埋溫泉蛋，但非常之新鮮完全冇腥味，撈埋溫泉蛋食魚生飯口感非常之順滑同豐富。蟹子沙律 $32蟹子沙律都係基本嘅蟹籽、青瓜絲同蟹柳絲，加埋一啲嘅沙律醬。但呢個價錢嚟講其實都算非常之大份，小編都會推介嘅！焦糖鵝肝壽司 $42呢個鵝肝壽司真係不得了，小編最初只係諗住試一件咋，但系好食到小編即刻再加單。鵝肝燒到勁香，口感有少少creamy，入口即溶嘅，配合埋一啲嘅焦糖味同油香，成件壽司已經得到層次上嘅昇華！新鮮拖羅海鮮卷 $128呢個海鮮卷非常豐富呀，海鮮卷入面包住帆立貝，面層有大量拖羅茸，亦有醃蘿蔔同三文魚子，底層軍艦核心仲有帆立貝。口感同味道都好好！整體嚟講，魚生新鮮，性價比高！不過小店始終比較細，有心去試，建議大家預早少少訂定位！

6月尾食咗一碟三文魚刺身同鰻魚飯之後連續幾日唔舒服，又屙又嘔，明顯間餐廳食物處理有問題，食物安全管理不足，導致顧客身體受損，我以後唔敢再幫襯！如果去呢間餐廳食飯，真係要考慮清楚！