54
20
3
港鐵柯士甸站 F出口, 步行約1分鐘 繼續閱讀
電話號碼
23207455
開飯介紹
店舖以懷舊港式茶室作主題,供應食物多元化,如港式車仔麵、中式吊燒雞、及西式小食等。店內菜單最特別是創新的芫茜湯車仔麵,選用的是新鮮生芫茜。 繼續閱讀
營業時間
今日營業
11:00 - 22:30
星期一至日
11:00 - 22:30
付款方式
AlipayHK 支付寶
其他資料
當面支付
食評 (93)
等級4 2020-01-13
104 瀏覽
<呢間中菜真係好高質>👍🏻呢間喺新開既 tst戲曲中心 既遊園茶記 中式既裝修 舊式茶餐廳佈局 中菜質素好好 無論少炒 燒味 甜品都十分出色🔥🍴九層塔薑葱粉絲蝦煲 218 蚊🌿🦐一上枱黑色瓦煲熱辣辣🔥 薑葱 再加埋九層塔十分香 . 蝦肉 有6 隻 十分新鮮 🦐 蝦肉彈牙 盡吸薑葱味 底層既粉絲 足料有口感 盡吸蝦同醬汁味 正👍🏻🍴燒味雙拼 化皮燒腩仔 🐷 桶子油雞🐤148 蚊其實我唔太明白佢既桶子油雞 可能係客家菜鍾意將雞放入木桶入面整 佢既油雞 熟程度剛好 油雞油好香甜入味 雞皮爽滑 雞肉嫩滑 好味 🐥燒腩仔 皮夠香脆加埋軟骨既 肥膏同瘦肉 口感中和番好正🐷 點埋芥辣都好味🍴豉汁排骨煲仔飯🍚🐷148 蚊用瓦煲上既煲仔飯 一上枱好香 大葱 加上辣椒豉汁 🌶 飯夠多 熱辣辣飯味攻上黎 好香 排骨勁正 盡吸豉汁味 夠香滑口感 白飯飯粒分明 落埋甜豉油正🍚🍴雪蓮子蟲草花燉竹絲雞🐤48 蚊勁足料大碗既燉湯 蟲草花足料 瘦肉加上彈牙既竹絲雞🐤 落足料 湯味好香甜 好潤好正🍴紅豆冰❄28 蚊呢個紅豆冰有兒時食既級數 奶味好香 紅豆甜度剛好 細粒夠林 最正既冰係碎冰❄飲落冰凍又有口感 正🍴話梅陳皮梳打38 蚊🥤話梅夠酸甜 , 陳皮夠靚 加埋梳打水 好味🍴黑芝麻奶凍35 蚊🍡奶凍一上枱已經勁香芝麻味 ,口感軟滑 勁濃芝麻味 應該我食過最正既芝麻奶凍之一 👍🏻🍴紅棗雪耳燉桃膠 48蚊🍡好好味既甜品 紅棗夠甜 所以糖水都好香甜 雪耳爽滑 桃膠爽口 仲有 d銀杏增加口感 好味#中菜 #紅棗 #桃膠 #雪耳 #芝麻 #奶凍 #粉絲煲 #煲仔飯 #排骨 #烏雞 #蟲草花 #燒腩仔 #油雞 Score 平均分 <7/10>Taste 味道:👍🏻👍🏻👍🏻👍🏻Present 外觀:👍🏻👍🏻👍🏻Decor&Hygiene 環境衞生:👍🏻👍🏻👍🏻👍🏻Value for $ 性價比:👍🏻👍🏻👍🏻👍🏻Service 服務:👍🏻👍🏻~~~~~~~~~~~~~#遊園茶記尖沙咀柯士甸道西88 號戲曲中心地下2 至3 號鋪~~~~~~~~~~~~ 繼續閱讀
(以上食評乃用戶個人意見 , 並不代表OpenRice之觀點。)
等級4 2020-01-10
116 瀏覽
呢間絕對唔係一間普通嘅茶餐廳,睇佢嘅裝潢同埋佈置,就知道呢間其實係一間好有心思嘅中菜館!可能因為呢間茶記係戲曲中心入面,裝修比較古色古香!食物當然就係食中菜啦,有套餐亦都有散叫。呢度仲有啲特色飲品,有啲真係好少喺其他地方見到!!食中菜最鍾意一開始先飲湯,今晚要左呢個雪蓮子蟲草花竹絲雞燉湯。燉湯味道濃郁,而且都幾足料之後叫咗燒味雙拼燒肉同埋燒鵝都幾好食!燒肉個皮真係脆卜卜!侍應推介桂花脆生蠔一碟有四隻,生蠔好大隻好飽滿!炸完之後淋咗桂花糖,花香撲鼻,好特別,好好味之後要個主食。我哋要咗黃鱔煲仔飯,份量都幾多,應該最少有三碗飯!個黃鱔飯好香、好足料 如果鍾意食黃鱔嘅就真係要叫呢個飯!之後叫咗個甜品呢個係黑糖蜂蜜糕,口感QQ,黑糖味都幾重,我覺得幾好食我仲飲咗杯話梅陳皮梳打味道幾特別,鹹鹹甜甜咁樣成餐飯都好滿意,而且今晚餐廳唔多人!如果唔係有戲曲上演,呢度人流都唔算太多,絕對係食飯傾計嘅好地方 繼續閱讀
(以上食評乃用戶個人意見 , 並不代表OpenRice之觀點。)
地道香港人,最愛港式茶記美食簡單,味美,價錢合理,水準不錯 戲曲中心內有間餐廳經典港式加潮式美食,仲有特色車仔麵古代宮庭設計,環境都好靚,岩打卡之餘食物水準都幾好 首創鹹檸檬燉鵝湯雪蓮子蟲草花燉竹絲雞 用上獨特既燉湯配搭咸檸檬味不濃,但味道清甜易入口潮州湯水之中 一般以鴨燉湯為主這裡改以鵝燉,這種燉湯四季都岩飲雪蓮子蟲草花燉湯更加補,止咳化痰 補氣入口更為清潤 燒味雙拼招牌蜜汁叉燒配桶子油雞叉燒厚切上菜,油雞肉嫩叉燒肉帶甜香,油雞加蔥油,撈飯一流! 失傳懷舊椒鹽豬排松露野菌雞球煲仔飯跟一般的椒鹽豬排有少許不同是好乾爽的,單純香而不膩,豬排炸得脆有辣椒絲,蔥花等配埋,越食越滋味新派煲仔飯配搭,松露加雞球燒得好香脆既飯焦,雞肉沾上濃濃松露醬香呢個配搭有驚喜,香氣滿滿,食落感覺好清爽 手工反沙芋惹味山楂糕即點即製,20分鐘左右上菜反沙芋頭夠鬆化,只係外層糖衣太厚我本身係潮州家庭,食慣左薄糖衣凍話梅陳皮梳打紅豆冰港式特飲,紅豆粒粒夠綿陳皮特飲開胃遊園.茶記地址:九龍尖沙咀柯士甸道西88號戲曲中心地下2-3號舖營業時間:星期一至星期日  上午11時至晚上11時電話:(852)2320-7455 繼續閱讀
(以上食評乃用戶個人意見 , 並不代表OpenRice之觀點。)
等級4 2019-10-08
1975 瀏覽
西九文化區醞釀多年,首座建築物名為戲曲中心終於落城,糅合了中西特色,造型前衛,對我來說,完全難以聯想到與歷史悠久的粵劇有關。建築主體以燈籠為概念,採用中國傳統的月拱門圖案以營造其流暢的外牆形狀等,蛋形劇場位於戲曲中心頂層。中庭展覽懷舊主題,是驛亭還是枱橋?總之就是拍照位。我猜想,欣賞戲曲多半會約埋志同道合者,若然可先在飯店集合絕對是個好主意,所以戲曲中心內設有餐廳。今晚我與唱曲已經20年的媽咪同行,參觀了中心之後,在遊園.茶記吃飯。為了配合戲曲中心的形象,遊園.茶記裝潢如古代宮廷,設有開放式庭園,很不一樣的茶記,主打潮州菜及懷舊茶餐廳食物。首創鹹檸檬燉鵝湯 $48首先一人一個湯,據說以來自潮汕、浸了多年的鹹檸檬烹調的燉鵝湯是招牌,自然不能錯過,味道清香甜美,唯獨是鹹檸檬味沒有想像中的強。雪蓮子蟲草花燉竹絲雞 $45雪蓮子竹絲雞湯相比剛才的鵝湯味道更濃,滋潤養顏,越飲越開心。金牌滷水鵝件雙拼滷水鵝肝 $148這裏的金牌滷水走清香滷風格,充滿花椒八角香,但並不太深色。鵝件拼鵝肝份量不少,汁水豐富,鵝肉鬆軟皮軟帶脂肪,鵝肝肥美,基本的都做到。桂花脆生蠔 $178特色在體積巨大的金蠔,煎至外脆,但內心保持如生嫩般的口感,與甜美的桂花香配合。台山興哥手工黃鱔煲仔飯 $178黃鱔煲仔飯非常補,特別適合女士,手拆黃鱔都要花點功夫,所以香港並不多餐廳供應。米飯是炒過的,所以味道豐富。手工反沙芋 $78傳統潮州甜點,同樣是手工菜,反沙即是糖,但整體並不太甜。黑芝麻奶凍 $38媽咪話這個黑芝麻奶凍,口感似小時候食潮州月餅,我覺得密度非常高,近乎芝麻醬,非常香,會很飽肚。雙檸柚子蜜(熱) $28 + 紅豆冰 $25雙檸即是青檸加檸檬,雙重口味份外香酸。懷舊紅豆冰,愈飲愈有味道。茶記仍在試業階段,有可進步的空間,招牌芫荽車仔麵看來吸引,下次再來的話一定要嚐。 繼續閱讀
(以上食評乃用戶個人意見 , 並不代表OpenRice之觀點。)
等級4 2019-09-29
1095 瀏覽
呢間香港地道茶室,隱藏係戲曲中心入面,雖然戲曲中心無咩人,但係餐廳入面反而幾多人! 除咗有好多傳統同創新嘅茶餐廳美食之外,原來仲有燒味、小炒、煲仔飯等等,都幾適合聚餐食野之前,我地先飲咗一個特別嘅燉湯,係呢到首創嘅鹹檸檬燉鵝湯,呢個配搭真係好新奇,未聽過人用鹹檸檬燉湯,由於係醃咗嘅檸檬,所以其實係無酸味嘅,但係你會飲到陣陣鹹檸檬嘅味,其實同鵝肉味道幾夾,不過飲到最後,嗰底有啲苦澀,可能飲之前要攪一攪,鵝肉係用黎熬湯,所以有啲粗糙另外叫咗個燒味雙拼,分別揀咗招牌蜜汁叉燒同化皮燒腩仔,蜜汁叉燒係半肥瘦,質感幾腍,而且甜甜嘅蜜糖,同豬肉好夾,仲食到少少燒烤嘅焦味,好惹味,但係略厭有啲位太過燶。另外化皮燒腩仔真係推介,豬皮燒烤的好脆口,無烤燶,而腩肉都唔會只係得肥膏,肉嘅比例較多,所以食落唔會覺得好油膩呢到都幾鍾意用醃製咗嘅柑橘類水果黎煮野食,就好似之前嘅鹹檸檬燉鵝湯,同呢個咸柑桔肉排,份量都真係幾多,一份應該夠4個人食,食落有啲似陳皮嘅味道,但係伴隨甜甜嘅果蜜味,鹹鹹甜甜咁,都幾特別最後鹹食仲有台山興哥手工黃鱔煲仔飯,呢個菜式係我全晚最鍾意嘅,成煲都充滿細細條嘅黃鱔,而且每一粒白飯都沾滿咗醬汁,所以味道好濃郁,可惜一開始太快攬勻啲飯,所以整唔到脆脆嘅飯焦,嗚嗚...... 但係整體上,呢個煲仔飯絕對係必嗌~甜品就揀咗傳統潮式甜點,手工反沙芋,清甜嘅芋條,用甜炸粉包裹住,再放係砂糖上面,表面好脆口,但係我略厭太甜,因為芋頭又甜,炸粉又甜,仲有砂糖係底添,我諗咁甜先係佢傅統應有嘅味道掛 繼續閱讀
(以上食評乃用戶個人意見 , 並不代表OpenRice之觀點。)