遇見小麵 (TKO Spot)

營業中

休息中

遇正打風日唔使返工，梗係瞓到自然醒先落街搵野食，去到商場一樓見餐廳人客超多，橫掂未試過，一於試一試。餐廳主打食重慶麻辣野，喜歡吃辣、喜歡吃重慶味道、喜歡吃川渝風味的朋友仔，不要錯過啊！菜式有分辣和不辣，食物飲品配搭好多，就算不吃辣的也有其他選擇，價錢亦好親民，自助QR code落單，完成後直接喺手機比埋錢，若想支付現金，店員亦樂於幫助。蔥油拌麵+軟骨丸子（2粒）跟餐蔥油拌麵不辣的，麵條粗身，口感煙韌，不算太重口味。軟骨丸子有軟骨咬口，咬落去軟韌，真材實料，軟骨唔難咬。經典清燉牛肉麵湯麵份量不少，牛肉好軟好淋，但只得三片薄牛肉，完全唔抵食。蔥蘇骨湯抄手薄薄的餃子皮包住飽滿的肉餡，細細粒，皮薄、彈牙、爽滑，輕輕一咬就吃到肉餡內有菜粒及香料，味道豐盈，適合不能食辣的人。原味酥脆雞排（1塊）雞皮香脆，雞肉超嫩又有肉汁，最驚喜，又唔會好膩。鍋巴土豆鍋巴土豆比想像中有驚喜，外焦內嫩，甜甜地，好吃。爆漿豆腐串（2串）望落以為係豆卜，點知咬落去原來入面係滑滑嘅豆腐。茉莉凍凍酸梅湯（跟餐）飲品酸梅湯酸酸甜甜，出面咁熱叫呢杯好開胃，還加上冰粉，夏天點這個很不錯白玉厚椰乳（跟餐）飲品有淡淡椰香味，白玉似仙草

見佢新開張，諗住叫個蔥油拌麵試吓，返到去一打開個底啲麵係未熟仲係一嚿嚿撈又撈唔開，淨係食佢熟咗嗰啲麵都味道一般，唔見有咩突出，冇諗過第一次食就咁差，唔知係咪佢人多忙得滯定點，餃子就一般般正正常常咁，冇下次

TKO 某商場近月開了一間國內很有名的連鎖店，喜歡吃麵的我當然身先士卒去品嘗一下先幾年在上海也吃過傳統的上海湯麵，例如雪菜肉絲麵之類的東西，印象中國內的麵條比較粗和很飽腹，今天下午就點了一個很傳統的重慶碗雜麵，之前在網上也看過，看見他們吃得津津有味，今天有些期待端上來看見不似預期，沒有湯是撈麵，說實話有點失望，不似網上看見的有很多湯的那種。也是照吃無誤，感覺麵條比較軟身，容易入口，味道點了微辣，可以接受，口味偏重的那種，但畢竟廣東人口味偏清淡，真的要看自己口味，我個人就可以接受，如果放湯會更好。幸好吃完沒有口渴，下次去一定要叫湯麵才可以。

見到呢間遇見小面啱啱開就係試吓，見好多人所以叫了外賣，安格斯肥牛陽光蕃茄湯麵睇相好似幾吸引同夏天想食啲湯麵，所以叫了這一個湯麵及茉莉凍凍酸梅湯加咗個爆漿豆腐串。等了10多分鐘就可以攞到外賣時間可接受，返到屋企打開個面是冇湯的湯麵，我都睇睇張單係咪是乾撈麵！原來真係忘記咗比湯。唯有食乾撈麵吧。但係是沒有味道的只有牛臊味。而飲品茉莉凍凍酸梅湯的味道還非常一般，感覺是預製飲品好似是沖出來的味道有一點假。醬爆豆腐串個人口味覺得太多孜然粉，所以味道感覺一般，但豆腐的口感很滑，口感亦不錯只是孜然粉太多。不過以這個價錢方便來說收費高了一點，好似加青菜咁收了5蚊是沒有加俾我的，有沒有被湯麵的湯！一共收了$72蚊寧願食碗雲吞麵加個油菜，應該沒有下次了。