逸龍軒

營業中

休息中

今日同屋企人去開北角, 就嚟呢間食午餐… 呢度以前係海逸軒, 據聞outsource咗星期六特別少人.. 不過最好訂位… 費事白行Btw, 記得免運申請會員，好似有8折定9折..🫣今日雖然得4個人，但係要打包D嘢比老豆食, 所以叫咗好多嘢1） 點心拼盤+芋角2） 咕嚕肉3） 烤乳鴿以下因為太吸引唔記得影相4）籠仔蒜蓉蒸龍躉頭腩飯 👍👍👍👍👍 $198呢個真係好好食, 我母親大人食到讚不絕口.. 連唔食蒜蓉嘅朋友都食咗2碗… 真心推介5）勝瓜魚湯龍躉片👍👍👍👍👍 $298呢個都係真心好食, 龍躉嫩滑, 勝瓜甜, 魚湯清甜, 一個字”正”!

好耐都無飲茶 公司附近間酒店嘅中菜好似幾好三個人 叫咗一個點心拼盤 加一籠荷葉斑腩飯點心拼盤有蝦餃、鮑魚燒賣、蘿蔔絲酥、紫薯酥點心不過不失 金魚餃係幾得意嘅蘿蔔絲酥裡面幾juicy 好味荷葉斑腩飯出色嘅 金蒜喺面好香 加埋炒飯底 好好味

安格斯牛肉腸粉變咗安格斯牛口感係唔同嘅不過都係腸粉一條😅金邊蝦餃皇只係外觀多咗金箔口感都係普通蝦餃千島蘿蔔糕呢個有啲唔理解完全唔夾炸蘿蔔糕有啲怪口感變咗一pat嘢唔好食遠年陳皮牛肉球幾大粒陳皮我唔愛食 好彩牛肉球無牛皮味實肉嘅 唔削龍蝦湯海皇卷同普通腐皮卷無分別飲唔出係龍蝦湯試一次就夠 去番啲普通酒樓就可以

在openrice 找酒店中餐廳，發現此處重新裝修，新穎年青，重新再了解佢，比以前色調舒服，環境寬敞開揚，2人枱大大張。 前菜琥珀合桃，樣子一般都脆，有粒發酶。 叉燒稣$42，皮不夠鬆。鮑魚燒賣$40，鮑魚略咸，肉亦略咸。 樱花蝦蒸蘿蔔糕$36，咸， 奪蘿蔔鮮甜，臘味都ok。 生拆澳洲龍蝦泡飯$78，大碗，多芫荽葱，大粒龍蝦肉，但無蝦味，有炸米，但都收貨。紫薯蟠桃仔$38, 最好味，黃蕊紫芯白花瓣以普通酒樓食物水準比較可以，以酒店水準就不合格。

自從上次公司食飯去過呢間餐廳之後，就心思思想食多次啦。今次一行四人同屋企人去，2個老人家都讚好食。埋單每人$200 都唔洗就食到千絲蘿蔔酥出面啲蘿蔔酥一般都係好食嘅，所以呢個都沒有太大驚喜。外皮做到夠鬆軟，唯一同出面唔同嘅係裡面嘅餡係素千島蘿蔔糕嚟到都有猶豫係咪我哋點嘅，再望真啲原來係蘿蔔糕。同埋千島係指千島醬。比較新色啲嘅一款蘿蔔糕，配上千島醬出奇地夾春風得意腸必吃，裡面不是油炸鬼，而係一件炸到好脆好脆好鬆化嘅嘢（唔知咩黎），外面腸粉好軟熟豉油係另上，個人覺得唔點豉油仲好食鮑魚燒賣鮑魚食落唔似罐頭鮑魚，好難得食到粒鮑魚同燒賣係唔似分開兩件食物金箔蝦餃金箔純粹係連個點心收得貴啲，完全冇特別不過隻蝦無雪味值得讚花膠瑤柱灌湯餃*值得試* $58好足料嘅灌湯餃，一大片花膠大粒瑤柱。味道濃郁而且花膠花膠爽口,略嫌湯唔夠。蒜泥白肉《不用點》與個人期望好大分別，期望係好多蒜頭喺面，但原來醬汁係另上而且醬汁只食到鹹味亦都冇乜蒜頭味另外仲點左個蚊伊麵不過冇影相。加上太飽無食，未能評價。另外侍應嘅服務都好好，唔會扮睇唔到。而且會主動收碟同斟茶。總共食咗$768，平均每人$200都唔使。呢個質素都值得試。

朋友生日，幾對couple想搵個靜靜地既地方食下飯、傾下計知道新開來試下頭盤：荔枝西紅柿－呢個好好食！粒粒車喱茄去晒皮，酸酸甜甜既荔枝汁，好開胃。麻醬茄子－個名好似唔係exactly呢個，反正佢係麻醬淋上啲茄子到。茄子做到爽爽地，唔會太淋有口感，幾好。小食：冰燒三層肉－即係燒腩仔，呢個大推！皮脆肉香，朋友老公話無試過咁好食。waiter話佢地係用新鮮五花腩做，唔怪得咁好食。燉湯：花膠螺頭黃耳－燉湯好足料，隻花膠大到好誇張。好誇張。好誇張。食完都飽晒：o小菜：？？明蝦球－又係唔記得左個名，keep到隻蝦外脆內爽，最特別係個沙律醬係柚子味，好特別法式鑲蟹蓋－我本身好鍾意食蟹蓋，佢二百幾蚊我覺得非常ok，啖啖蟹肉，食到佢真材實料，佢mix左薯仔洋蔥，好大隻，兩個人share岩岩好。帶子濃湯脆香苗－炸米上面有隻炸帶子，個waiter會用個紫砂茶壺倒d湯入去，社交平台必點。不過粒帶子炸左我個人就一般般喇，炸米反而幾好食。甜品：陳皮凍糕－有陣陣陳皮香味，食到咁飽，食呢個酸酸甜甜既甜品好舒服，陳皮粒粒可以多啲就好了

今天中午跟朋友到逸龍軒午𧬆，約在12:45下單叫了四款點心和一客燸米飯，1:00 左右送來其中兩款點心，之後等到1:20 也再沒有其他食物提供。請經理更進，他卻回覆我們枱號沒有任何點歺記錄。之後經理関心嘅竟然唔係漏單嘅食物，而係我哋已進食嘅點心，話要更進番張單。經理嘅回應好似是生怕我哋會小付賬單咁。之後經理話入廚房睇下有冇已弄好嘅點心可以先供應我哋，但等到1:30 亦再無任何更進，最後只好埋單走人。我想講經理全程無講過一句對唔住或者唔好意思，真係想像唔到去酒店用歺會遇上咁差嘅服務。

早排網上見到北角海逸酒店中菜廳「逸龍軒」出咗個好特別的中式點心tea set, 點心造型好卡通都好適合一家大細食，今日我先帶囡囡到炮台山東岸公園放吓電先～到中午搭港鐵過條馬路好快就去到逸龍軒，嘩！交通好方便喎～入座後等左10分鐘左右tea set出場，當然相機食先啦！同囡囡影番夠本先！食物分三層第一層有天鵝造型的芋角、小鳥的鳳梨酥。第二層我囡囡比較喜歡因為有兩粒好鮮味的松露煎帶子，蜜梨鹹水角都好鬆脆。要讚下個叉燒既汁好香、肉質又嫩滑。第三層最搶眼就一定係隻懶瞓豬奶凍，可能太可愛啦！囡囡反而唔捨得食咗佢落肚，但我就喜歡食懷舊西米布丁，因為裏面有蓮蓉好香好好味。最後嘆吓花茶傾吓計天倫樂好滿足，價錢都幾實惠。

北角海逸酒店內的中菜廳「逸龍軒」環境舒適寬敞而且更設有海景位置，食物出品我欣賞佢的「金邊蝦餃」一條金邊令賣相提升當然質素有保證！「蜜梨咸水角」怕熱氣的我食完唔會想像中熱氣還可食多粒添～「南瓜黑椒牛柳粒」真係我最愛，牛肉好嫩好多肉汁，廚師一定好有功架連南瓜都可以炸到外脆內軟，食到停唔到口～呢個午餐好滿足，一定有下次！提提大家唔想摸門丁記得訂枱座。

早排約左客人開lunch meeting, 見到北角海逸酒店中菜廳重開，就book左黎試下, lunch hour 都幾full, 好彩book左，否則要搏搏有冇檯。店員安排左個窗邊位俾我地，感覺唔錯，環境雅緻。我地點左點心拼盤，春風得意腸粉，釀蟹蓋，小籠包，馬拉糕同焦糖燉蛋。呢幾款食物都幾好味，特別係個釀蟹蓋，真係好多蟹肉係入面👍🏻 樓面唔算好多職員，有時都要舉一陣手先有職員幫忙，所以都要預鬆少少時間埋單。整體質素中上，聚會見客，都算係一個唔錯既地方！

位於北角海逸酒店2樓既中菜廳，環境舒適，服務態度專業，食物質素好。我覺得鮑魚雞煲、咕嚕肉、牛柳粒同燉湯可以推介一下。雖然酒店式環境，但又保存中式酒樓服務，可能新開張既關係 ，冷氣好似唔多夠，可以改善一下，值得推介