逸軒

Yat Heen
24
5
1
港鐵第一城站 D 出口, 步行約7分鐘; 港鐵石門站B出口,步行8分鐘 繼續閱讀
電話號碼
36531112
營業時間
今日營業
11:00 - 15:00
18:00 - 22:00
星期一至日
11:00 - 15:00
18:00 - 22:00
付款方式
現金
其他資料
網上訂座
酒精飲品
電話訂座
賞訂座積分
加一服務費
前往餐廳網站
http://www.alva.com.hk/en/dining/yat-heen.html
有關餐廳
位於帝逸酒店二樓的逸軒提供現代精緻粵式佳餚,由屢獲殊榮、以糅合傳統粵菜精髓及創新概念而聞名的主廚梁耀基主理。逸軒選用優質有機食材及可持續海鮮創作特色美饌,包括點心及多款素食選項。此外更備有精選葡萄酒單(提供美酒配對選項)及多款精品中國茶,昇華優質用餐體驗。

裝潢高雅的逸軒是親友共聚或商務飲宴首選,寬敞的用餐場地可以改造為五間別緻的私人包廂,或者打通整個空間,以迎合不同場合需要。連同前廳及室外庭院在內,整個空間可容納共130位賓客。

有關獎賞計劃
招牌菜
草飼安格斯牛叉燒 松露帶子炒飯 烏金乳豬 野菌湯豆腐 黑松露燴原隻花膠筒
食評 (32)
等級4 2020-11-14
214 瀏覽
難得週一放假半天到沙田閒遊,當然要吃好一點。還記得上回到訪帝逸酒店試了它的日本料理「源峰」,食後感不俗,今趟一於試一試它的中菜廳「逸軒」。「逸軒」作為酒店餐廳的一員,餐廳的用餐環境及服務有一定保證,食客能舒適寧靜地用餐。是晚挑選了一個名為「尚膳」的套餐。八道菜人均消費不用五百元定價具競爭力。飯餐前菜「逸軒三錦碟」顧名思義由三小碟組合而成,以雅緻的石碟盛載,由左至右依序為話梅聖女果、金牌黑豚叉燒,以及海蜇手撕雞。所謂聖女果其實是不同顏色品種的車厘茄。去皮後的車厘茄口感稚嫩多汁,輕以話梅鹹鹹酸酸的味道襯托特別生津醒胃。金牌黑豚叉燒肉質都算腍,但製作不算十分出色。海蜇手撕雞洋溢濃厚泰式風味,酸辣搶香。海蜇被切為小段沉藏於小杯之底,出力稍嫌不足。「白玉海皇燴拉絲雪燕」為席間的湯品。雪燕屬植物膠質,被坊間譽為「平民燕窩」,外觀呈半透明,滑嫩中見彈性。因本質無味,放湯後主要依靠冬瓜的甜蜜味道上味。湯羹的海鮮以切細粒的蝦肉為主,能豐富湯汁的食感。海鮮大盤二選一。花竹蝦為小編喜愛的蝦種之一,蝦肉鮮甜爽口,加上菜式用上具質量的蝦隻製作這道「日式蔥燒汁花竹蝦」,滿足感更為持久豐富。菜式以各式雜蔬菇菌伴碟,尤其引入搶味的香蔥,甚合小編口味。秋冬時份是吃蟹的好時節,菜餚「香檳汁松葉蟹蓋」簡單以一片紅葉作點綴,成功帶出那份秋天氣息。松葉蟹蓋表面泛黃微焦脆,略帶誘人的芝士味道。蟹蓋內裡蟹肉豐富,與洋蔥香檳忌廉汁的味道十分合拍。唯一美中不足之處是蟹羔份量不及預期豐盛,少了一份滋味。「蒜蓉蒸開邊波士頓龍蝦」屬額外追加項目 ($128/半只),用料新鮮。但因烹調手法家常,難予食客特別印象。「腿汁海參天白花菇」可選擇加配「腿汁南非 8 頭鮑魚」。海參本味清淡,口感爽彈。花菇厚身味濃,比海參更好吃。加配的鮑魚製作入味,咬下仍保一定嚼勁。同樣屬追加食品,南非鮑魚比波士頓龍蝦吸引。「鮮茄雙菇浸時蔬」以鮮茄上湯浸煮雜蔬雜菌而成,選材口味豐富。唐芹味道鋒芒畢露,是好是壞視乎個人喜好。盛載「順德生煎雞」的小砂煱浮載於紅豆之上,擺盤別緻。菜式出品熱氣沸騰,薑蔥香氣撲鼻。雞件表面金黃,成功封住雞肉的鮮味,肉質嫩感亦較預期優越。主食「櫻海老鰻魚炒絲苗」屬相對重味的炒飯,飯粒外觀圓潤,經炒煮後色水沉穩勻稱,乾濕度恰宜。櫻海老恰如其分發揮其點綴功能。鰻魚切細粒後食感不太實在,感覺有少許浪費。最後的「甜品薈萃」由桂花糕及芒果糕拼湊而成,中西合璧,是一個清簡的甜品組口。在酒店吃中餐,動輒人均消費近千元。現在以一半的預算便可享用一份八道菜的晚餐,菜餚水準亦有交代,值得試試。 繼續閱讀
(以上食評乃用戶個人意見 , 並不代表OpenRice之觀點。)
等級8 2020-11-10
3053 瀏覽
曾幾何時,一年會入嚟好幾次石門,因為老婆嗰邊有親人住晌「碧濤花園」,不過,搬出新界之後,都已經好少入嚟呢頭,當時都見到呢區開始有少少發展,今次再訪,已經好多都唔同晒。是日又喺郊遊日,專誠過到嚟「帝逸酒店」內嘅中菜餐「逸軒」食晏,因為,晌官網睇到個套餐好正,橫掂有排都未出得門外遊,而老婆又唔多喜歡「Staycation」,所以,趁出開外面郊遊就食番餐好嘅嚟代替旅行。周邊都算喺工廈,所以,新簇嘅「帝逸酒店」就顯得更突出。新界區叫做地方大,所以,酒店大堂都較為偌大而空間感強,接待處後的一大幅植物牆,加添綠化後,感覺更好。「逸軒」就在大堂左旁嘅樓梯拾級而上,餐廳嘅門面都比想像中大及有氣派。門口已設有好多防疫措施及提醒,雖然疫情緩和咗好多,但始終社區都仲有啲隱形患者,為人為己,都要跟番足嘅。而走進餐廳內,地方都幾大,一字長形,但枱與枱都排得比較開,加上樓底都有一定高度,予人感覺闊落而唔會有擠迫感。再者,裝修雅致,招呼熨貼有禮,不失酒店應有嘅級數。 據小弟所知,餐廳主要喺提供較摩登嘅中菜。上文講嘅套餐,就喺「尚膳套餐」,定價每位$398,需兩位起,而菜式非常豐富,共8道菜,單睇名字亦頗為特色,喺一頓幾特別嘅中菜體驗。而且,凡惠顧呢個套餐,更可以用優惠價$88加配南非8頭鮑魚一隻。此外,仲有一款共6道菜嘅「行政午餐」,賣$368;以及一款供4人享用共8道菜嘅「尊尚套餐」,賣$1,198。但溫馨提示,套餐唔包茗茶,並需要加一服務費。 餐廳嘅正餐牌又厚又大,就唔多方便影,不過,就可以貼埋佢哋張點心紙出嚟,等大家參考吓。類別包括點心、風味小食、粥粉麵飯及甜點,茗茶每位收$32。老實講,去得酒店嘅中菜廳,都唔喺實惠、經濟行先,價值上會喺計埋服務、環境……等各方面。 白色嘅餐具,睇起嚟無甚特別,的確,喺無特別嘅,但正正喺咁,先更易睇到啲餐具抹得乾唔乾淨,有無花,有無崩。我哋點咗鐵觀音,茶壺更以蠟燭熱住,而侍應更不時主動為我哋添茶,呢啲就喺服務喇。逸軒三錦碟由於我哋所食嘅套餐菜式都喺逐位上,就算喺中菜,擺盤都好靚,此外,留心嘅話,每道菜嘅盛器都襯番啲菜式,有啲仲好古雅。先打頭陣喺3款前菜:話梅聖女果、金牌黑豚叉燒 、海蜇手撕雞,侍應介紹時,仲順帶一提,由左至右去食,味道喺由清到濃。 話梅聖女果名字好靚,其實即喺車厘茄,但以話梅去泡浸,車厘茄本身都好清甜,嗒落滲出微微話梅嘅酸香,都幾得意,面頭白色一片喺馬蹄,當然,喺點綴大過實際。 金牌黑豚叉燒兩片叉燒肥肉都唔多,但肉質卻好軟熟,無過「嚡烚烚」,入口仲喺暖暖哋,燒得香口,有蜜餞香,兼有少少燶邊,正喎!海蜇手撕雞做成小杯,好精緻,除海蜇、手撕雞肉,仲伴以紫洋蔥、青瓜絲及好似有啲泰式木瓜絲,酸酸辣辣,感覺好有種冬蔭功嘅味道。 白玉海皇燴拉絲雪燕用西餐常用嘅闊湯碟,就喺想話俾客人知佢哋賣嘅喺摩登中菜。湯面一大撮嘅就喺雪燕,咪誤會喺燕窩嚟,其實可以講喺桃膠嘅朋友,喺植物樹脂嘅一種,營運價值好高。個湯嘅質感煮得好好,稀杰度啱啱好,而且,勁多爽口鮮甜嘅蝦肉。 日式蔥燒汁花竹蝦花竹蝦同焗蟹蓋喺二揀一嘅菜式,我哋兩個人,自不然一人點一款,兩款就可以試晒。賣相甚西式嘅花竹蝦,非常大隻有睇頭,並伴有車厘茄、珍珠筍、乾蔥頭、椰菜花……等等。蝦肉既爽彈,又鮮甜,淡上濃郁嘅日式蔥燒汁,更突出到蝦鮮味。 香檳汁松葉蟹蓋講到食蟹,最開心梗喺唔使自己郁手拆蟹,就可以啖啖肉啦,所以,焗蟹蓋自然鍾意。甫上枱,已聞到香噴噴嘅芝士香味,焗得金黃嘅蟹蓋,內裡勁多蟹肉,配以香檳忌廉汁,質感綿密,而松葉蟹即喺松葉蟹,蟹味強,蟹肉鮮,而底下原來仲有好多蟹膏添。 腿汁海參天白花菇配南非鮑魚(+$88)如果另加鮑魚嘅話,就會連同呢記海參花菇一同上碟,故此,整道菜都顯得特別矜貴。白花菇既大隻,又厚肉,好有菇香;而南非鮑炆得夠腍,卻好彈牙,切落去嗰種啜刀感已好感覺到。反而,平常接觸海參喺較為軟軟腍腍,但今次件海參卻喺爽彈到不得了,感覺反差大,海參本身無乜味,所以,金華火腿熬嘅汁能提昇整體嘅食味,實在功不可沒。仲有,兩炷生菜都做到玻璃生菜嘅口感,喺酒店級先有咁嘅心機同誠意。 鮮茄雙菇浸時疏套餐過咗一半,就來一道時蔬,時蔬嘅用料都喺平常不過嘅食材,當然質素會用靚少少,但都一樣多功夫,食落啲蔬菜都好新鮮。溫馨一提,咪剩番啲湯唔飲呀,入口蕃茄味都好鮮活。順德生煎雞順德菜令小弟諗起家鄉釀鯪魚、均安蒸豬、野雞卷……等等,生煎雞又喺點呢?首先,啲雞煎得金黃,外皮極之脆口,而雞肉好嫩滑,食落有陣陣疑似喺沙薑味,所以,食味真喺唔錯。伴碟啲紅豆當然喺裝飾而已,但我哋真喺有啲好奇想問,之後會唔會用番呢! 櫻海老鰻魚炒絲苗接近尾聲,單尾喺一道炒飯,炒好之後師傅將其整成水滴形。櫻花蝦唔止得表面嗰少少,飯裡面都有,而且,混有唔少鰻魚粒,入口有唔同嘅口感,加上醬油香炒,色香味俱全以外,飯粒又爽身,又油潤惹味,個炒飯堅正。 甜品薈萃要有完整嘅結束,當然唔少得甜品:椰汁紅棗糕及奇亞籽芒果糕,兩者外觀都好的骰,但個人而言就唔算好突出。前者紅棗味比較薄,而後者芒果味濃,啲奇亞籽加添咗口感,相對就幾好食。 整個套餐唔單單食得出用料矜貴,而且,食材嘅配搭又頗見心思,更襯以漂亮嘅餐具,何其賞心樂事。上菜速度又恰到好處,所以,整餐飯都享用得好平順,真正慢慢嘆,老婆都打個滿分俾餐飯。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-07-30
1666 瀏覽
因工作關係,要到小瀝源開會並午餐。老闆指定環境要乾淨企理,酒店絶對是好的選擇。點心選擇不多,一張A4紙睇曬。兩個人點了三個點心及一個炒河。第一個是點心三拼,有蝦餃丶义燒包及恐龍大王($68),這個拼盤樣子精美。恐龍大王其實是咸水角,樣子十分可愛。味道方面,义燒包包皮軟熟,义燒肉粒豐富,汁亦香濃,Good! 👍🏻👍🏻👍🏻 恐龍大王(咸水角)的皮香脆,但餡料不足,味道普通,樣子勝過味道。蝦餃皮薄彈牙,蝦肉多,但不算十分新鮮,屬普通水平。黑魚子燒賣($68)面加了黑魚子,但不覺得特別,與普通燒賣大同小異。食落也同樣不覺得味道出色,黑魚子沒有提升燒賣味道。荷葉珍珠雞($58)一打開,滲出很香的荷葉香。糯米亦蒸得輭熟,餸有豬肉及菇粒,汁料豐富。味道方面,不過不失,如果能夠加入咸蛋黃,會更香口。豉汁排骨炒河($ 158)炒得夠火喉,上枱已有陣陣豉椒香。河粉炒得乾身,不會油淋淋,掛上豉椒汁,啱啱好!排骨份量頗多,肉貨嫩滑有汁,好味!全碟河粉俾我地2個人 KO 曬!😃😃😃最後,作為酒店中菜廳,它的茶亦很一般,我們叫了香片,不怎麼香,它收$25 元一位茶,但並沒有提供高質的茶葉。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-07-25
1231 瀏覽
之前曾寫過一間叫源峰的日本餐廳,其所在位置的酒店內,也有一間具質素的中菜廳,名叫逸軒,供應著摩登的中菜。 就在前陣子,與三數位友人來到,先由烏金乳豬件及話梅聖女果來打頭陣。聖女果即是車厘茄,浸泡過話梅水後,酸酸甜甜,非常開胃;乳豬件則早已去除了肥膏,只餘下香口的脆皮及嫩肉,以威化夾著來吃,別有一番滋味。 接著上來一道白玉海皇燴拉絲雪燕,現時喝這個真是非常合適,清新消暑,以致身心舒暢。 日式蔥燒汁花竹蝦一來到,大家的目光也被花竹蝦所吸引,以刀叉切成一段段來吃,每一口都爽口彈牙,蘸上惹味的蔥燒汁,感覺美好。 再來一道香檳汁松葉蟹蓋,香噴噴的,香檳汁厚厚的一層覆蓋在蟹蓋上,相當Creamy可口,內裡則填滿弓一梳梳的蟹肉及豐滿的蟹膏,一匙下去,蟹味強勁,滋味在口中擴散開來。 還在回味蟹蓋之時,低溫慢煮和牛面頰送來了。和牛面頰早已燉煮得非常軟腍,直至入口即化,而且膠質豐富,全落在醬汁中,以炸香了的油炸鬼蘸來吃,倍感美味。 壓軸好戲就落在黑松露脆皮雞身上,占苗相當喜歡,以手撕雞形式呈現,肉質相當嫩滑,拌過松露油後,香氣十足,再刨上新鮮松露在面,既好吃又名貴。 單尾來個櫻花黑蒜豚肉炒飯,飯粒乾身分明,鑊氣十足,由於加入了黑蒜的關係,一點也不覺油膩,還相當清新。 最後以甜品薈萃來作結,完滿地為是晚劃上句號。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-06-26
1142 瀏覽
今趟農曆年的台灣之旅,宜蘭「紅樓中餐廳」的櫻桃鴨是令我吃之回味的佳品之一;而這裡的其中一道菜就跟當地的非常相似,剛好限聚令放寬,一於約友相聚、共嘗美食。由6月1日至9月30日,惠顧明爐烤鴨套餐,更可享有85折優惠。久未見面,一於開支香檳慶祝一番。先來前菜「五小碟 」香滷鴨小拼~一碟有齊鴨掌、鴨翼、鴨腎,淡淡滷水甘香,鴨掌就最得老婆大人歡心。玫瑰木煙燻溏心蛋~表頭疑似wasabi的其實是牛油果醬,中間一層是洛神花果凍;酸香怡人,最底層的溏心蛋熏香而不濁,皆因是玫瑰木的功勞,心思的配搭、出色的效果!山楂醉蝦仁~酸酸甜甜,蝦肉爽彈惹味。芥末脆魚皮~酥脆可口,添加芥末調味,滋味更好,忍不住連吃了多件。話梅聖女茄~先泡話梅水後再冰鎮;將車厘茄本身的酸甜多添一點鹹甜酸味,面頭一片爽脆的馬蹄,令口感更佳。自家製子薑鳳梨炒蚌片~本來蚌片是主角,但自家製的子薑太出色;兼且是時令,惹來大家的爭奪,反倒搶去了不少風頭,加上鳯梨,整個也是惹味的夏日菜。金瑤韮皇海味鴨絲羹~貌似蛇羹,材料切得幼細,是看似簡單卻繁瑣的手工菜;如加添薄脆及胡椒粉同吃,更見吸引。片皮鴨三食(北京片鴨壽司、片皮鴨伴鴨餅、惹味鴨崧窩巴)~北京片鴨壽司~四手聯製,其中一位師傅席前片皮,另一師傅將置於越光米上的芝士以火槍燒焦後把鴨片將之裹上。賣相精美之餘亦讓人吃得企理優雅,把條羹直接放進口中;鴨油的脂香結合了芝士和軟糯的米飯,一併在口腔內爆發,妙極!再接下一道美食之前,不妨吃點隨附的黑醋羊肚菌,提升戰鬥力。片皮鴨伴鴨餅~鴨腿肉、京蔥、青瓜及海鮮醬統統置於薄餅皮上;傳統的配搭,吃不厭的滋味!惹味鴨崧窩巴~香脆的窩巴盛載挆得細碎的肉崧(三色椒、香芹及鴨肉),特別在可加紫蘇葉同吃,多了一重清香帶微辛的味道,相當不錯!8 頭南非湯鮑鴛鴦蔬~南非8頭湯鮑以傳統乾鮑手法煨煮,肉厚富光澤、這隻翹挺的小元寶;未吃已引人垂涎!裙邊柔軟,鮑身有嚼頭、鮮香彈牙;口感十足!鴨油麻婆豆腐~惹味的麻婆豆腐加入適量的鴨油,令味道更為提升,豆腐香滑可口;一碗白飯呀唔該!荷香鴨粒荷葉飯~充滿荷香及鴨香的荷葉飯,加上爽彈的蝦仁,本來甚為吸引;可惜之前已吃得太多,只是意思意思的吃了小半碗。懷舊花生芝麻糯米糍~非時下流行的芒果糯米糍、榴槤糯米糍,而是久違了的以花生、椰絲、白砂糖及黑白芝麻作餡料的傳統糯米糍,餡料香脆可口;果真是薑係越老越辣,比時興的生果糯米糍更吸引、更耐吃!記得先吃伴碟的生果(菠蘿、哈密瓜、密瓜),否則便顯得淡而無味了。非常滿足的一餐,尤其是與很久不見的好友相聚,更覺歡欣!逸軒地址: 沙田源康街1號帝逸酒店2樓電話: 36531112 繼續閱讀
(以上食評乃用戶個人意見 , 並不代表OpenRice之觀點。)