逸豪軒

營業中

休息中

同媽咪一齊過來食，完全無法「享受」一張點心紙套餐，自己員工搞錯我地等左成粒鐘未來既食物話冇，廚房冇然後再屈我地點左既係單點既點心然後我叫個經理過來睇佢點處理個經歷過來空我同媽咪唔肯負責之餘將問題歸咎於我地點餐？咩茶樓來？

連普通鳳爪，蝦餃都好難食， 鳳爪排骨飯唐記都好食過佢😅價錢又貴過平時酒樓，公眾假期仲要每樣另外加$5-10Xo醬炒蘿蔔糕，完全冇xo醬同埋好難食。冇試過一間酒樓，樣樣都吾好食😅

第一次系呢間酒樓飲茶，從來未試過d部長嘅態度可以差到咁誇張，根本黎呢度就係比錢買難受。去到搵位，一個短頭髮女性部長叫我同屋企人坐到低係一張6人枱度，結果嗰位部長叫我坐地之後就直接走左，連問我地飲乜野茶都冇，等左兩三分鐘行過去話佢都好似冇反應咁樣。再加埋d野唔係特別好食之餘仲比其他相同水準嘅酒樓貴最少20％，所以極之唔推薦再有人去呢間垃圾酒樓食野，簡直同比錢買難受冇分別。講真嗰句，寧願去樓下大快活食都唔會再去呢間食

不知所謂，等好耐，服務態度超差🤬🤬🤬尤其是肥同瘦嗰啲人，語言態度好差，仲要有啲人扮睇唔到，直行直過，冷氣又熱，完全係一間室外嘅酒樓，俾錢買難受，真係好鬼非常過分

舊同事來電：去吃飯嘍，母親節獎勵下自己，我不假思索，即回：當然要啦。即訂了荃灣德士古道荃薈商場2樓《逸豪軒》，7時入席，吃超值全包宴$2998。6時50分到酒樓，見酒樓門口右側有個非常耀眼的紅酒櫃，紅酒排列整齊，有好幾層，相當奪目，亦方便愛酒之人選用。中間招待處，招待員和藹有禮領我們進入安排好的座位，座位寬敞，雪白的枱布襯托着光亮的紅酒杯，碗，碟，透過天花的燈光，閃閃發亮，灰色皮座位柔軟舒服。裝潢豪華，燈光柔和。金猪全體，皮燒得金黃金黃，熱熱的，皮脆肉甘香，有水准。上湯焗西澳龍蝦伊面，龍蝦肉彈牙，鮮甜，伊面浸透龍蝦的湯汁好好味，又不會過淋，韌度剛剛好，有咬口。胡麻沙律伴蟹拑，蟹拑炸得金黃金黃好香，肉質彈牙，鮮甜，再吃些胡麻拌的蔬菜，一點油膩感都沒有，相當配搭。清蒸富貴花尾班，肉質鮮甜，但不够滑，魚肉有些粘骨，欠些火喉。竹笙海皇燴生翅，味道唔錯，翅爽口，上湯芡汁勾得剛剛好。碧緑帶子皇炒蚌片，青紅黃椒西蘭花新鮮，爽口，帶子鮮甜，有嚼頭，蚌肉够爽但就欠决些鮮味。蠔皇花菇扣玉掌，花菇肉厚，有咬口入味，玉掌夲人認爲炆得唔够時間，比較實，較難咀嚼，但蠔蛗醬汁味道唔錯。脆皮一品炸子鷄，炸的火喉剛剛好

水壺沒水，舉水示意要加水，就算3個人同時舉手，侍應和經理都完美避開視線，到一位女經理埋嚟，我即刻同佢講「唔該！加水」但佢居然咁講：「加水咋！駛唔駛3個人一齊舉呀！」嗰吓火都嚟，等到佢加好放低水壺，我同佢講：「我哋3個人一齊舉手，你哋都完美避開視線咁你哋係咪有問題呀！」佢好唔服氣咁：「係呀！咁唔好意思囉！」咁嘅道歉真心難聽過粗囗，搞到我食都食得唔開心，哩啲咁嘅服務態度，咁無禮貌嘅說話，真係好乞人憎，以後都唔會再去。

第一次諗住去幫襯！初頭見佢新開！ 裝修新又整潔！諗住去試一試！一入門口!取飛攞七人位!其實門口！ 都唔係好多人！諗住應該唔駛等好耐！之後不斷有熟客不攞飛直入！ 我都冇理啦！人地攞细枱！ 我等左20分鐘左右！有幾枱12人又係咁直入！ 我問門口的職員！咁我地7人要等幾耐！門口的職員竟然答：有12人緊係做12人生意先啦！你等等先啦！之後我同佢理倫！之後經理出來，經理和職員態度極不禮貌!經理話佢地專做大枱12人生意！ 佢話老细意思！唔夠中枱的話咁不如你以後貼張纸係門口！不做6-8人生意啦！我問經理我可以点樣投訴！經理話佢係店最大！ 佢都做埋今個月！你鐘意点投訴都得！ 從未見過咁垃圾洒樓！

第一次黎呢間垃圾酒樓，星期六中午飲茶，等左40分鐘先有第一碟點心到，中途要求吹單，全部部長都唔理，見你舉手都唔會過黎，經過同佢哋講連反應都唔比，極度離譜。食物質素可以，但服務一定冇。

我早一晚九點係open rice訂位，訂咗11:30唔使去等位！去到先等一陣，跟住就有VIP房坐👍🏽唔知係咪新年關係，人又多，所以出漏咗野食一碟，都唔係好大問題，最後取消埋單走人，食物水準唔錯👍🏽可以再去。

聽講呢到新開張。抱住去嘗試心態去食。結果好滿意。叫左。雞包仔。排骨飯。蝦餃。雞包汁有汁好入味。排骨飯都好食。飯底又夠香。蝦餃大大粒又朝汁。板又薄。一流😍😍❤️點心吾錯。茶都好入味。招呼都好。環境舒適。 有專人幫我埋單。吾洗走來走去無影到相。食後覺得吾錯。所以要煮下食評

今日放假友人說在荃灣東亞商場新開了間逸豪軒的酒樓，於是約我過來飲個早茶。由於酒樓是10月初才開張，所以十分的光亮新淨之外，並且引進用送餐機械人傳菜， 在這個區我都是首次見到使用。今天朋友點了叉燒腸粉、雞包仔、鮮蝦腐皮卷、燒賣、鹹水角拼鮮奶卷、魚湯鮮竹卷。叉燒腸粉皮薄又滑，叉燒料亦不算少。雞包仔的粉皮入口軟且甜，餡料也很新鮮。鮮蝦腐皮卷的蝦肉夠實亦彈牙，不過就有點不夠熱扣了分。蟹籽燒賣的蝦肉亦很新鮮，不過個頭小了點。鹹水角外皮炸得金黃色，兼且上枱的時候仍是熱辣辣，咬落時很有外脆內軟的口感。 鮮奶卷亦也炸得外表金黃夠脆，裏面的鮮奶咬入口仍會流出少許鮮奶是個不錯的甜品。魚湯腐皮卷就一般般水準，腐皮煮得過淋外魚湯味道也不是特別濃和鮮美。總結今天的早茶，食品的價錢與質素的性價比算是很高，而且是新開酒樓坐得很舒適，值得來一試。