影片
港鐵鰂魚涌站 A 出口, 步行約4分鐘
繼續閱讀
營業時間
星期一至二
全日休息
星期三至五
11:00 - 16:00
星期六至日
全日休息
公眾假期
全日休息
公眾假期前夕
全日休息
以上資料只供參考, 請與餐廳確認詳情
因為工作關係，所以去咗港島鰂魚涌～寫字樓區咖啡店基本上多過食肆 😂 做完野有啲口痕又想搵個位抖下用電腦，但係朝早又已經飲咗咖啡 ☕️ 咁經過一條巷仔，見到入面有幾間小店，有中式有西式，心大心細最後揀咗個名都好特別嘅 "Take it Easy" 😌 一個人食點心最大問題只係無人一齊分享所以選擇唔多～但食到鐘意嘅食物就無所謂啦 😀 點了香菇燒賣皇同埋一支低糖豆漿：店員將燒賣放到上枱真係好香，啲香菇味飄飄 🤤 咬落熱辣辣又彈牙，同埋上面係黑色蟹子，食落味道同普通橙色蟹子差唔多，但賣相都幾特別! 支低糖豆漿，唔甜又重豆味，好啱啲怕肥又想健康嘅朋友仔 👍🏻👍🏻 可能過咗午市，坐落環境舒服，室內外都乾淨，其實呢個天氣坐室外都涼爽，又有帳篷唔怕曬/落雨～ ☀️ 臨走前同老闆傾咗兩句，話之後會有早餐或午市多啲款式點心，可惜唔喺如果附近返工，如果唔係應該會成日黎食 🤭
繼續閱讀
中午唔知食乜好喺公司附近行去到後行其中一間餐廳，我見啲食物種類都合口味所以就叫咗外賣，自家製豬肉漢堡拼煎蛋飯。買咗之後先發覺，死啦，成間舖頭都冇人，反而隔離嗰間越南舖就爆滿⋯食落都正常，確實係自家製手打豬肉漢堡，食落去鞋鞋地，冇乜嘢調味，亦都冇乜特別。我鍾意味道淡嘅勉強可以接受，其他人可能會覺得好似食緊醫院嘅肉餅咁樣。煎蛋都可以，唔會煎得太熟仍然有少少流心， 飯嘅份量都充足。簡單來講就係唔值呢個價錢，個豬肉漢堡可以俾多啲配料令到口感味道更加豐富。
繼續閱讀
lunch hour周圍都排隊等位, 見呢間唔洗等..抱住一試心態..- 燉雞湯拉麵連雞排, 本身係手摲雞但係賣晒, 加$10轉左手打烏冬。烏冬係幾彈牙既, 湯底好清淡..完全食唔到係燉雞湯既感覺。而雞排入面有小小未熟..- 鮮蕃茄濃湯配炒蛋肉碎手打烏冬, 朋友唔係好餓, 所以走左炒蛋肉碎, 淨係食湯烏冬。蕃茄湯係可以既, 味道比較濃, 湯底可惜唔係蕃茄碎, 而且有兩大舊未熟既蕃茄。- 蟹柳烤雞扒胡麻醬冷烏冬, 胡麻醬撈埋烏冬食味道都唔錯, 份量都好足。
繼續閱讀
經一位朋友帶我來食＂濃＂蝦湯飯後，一試難忘。經常性找朋友一齊來食個LUNCH。這間店原來只開午餐時段，所以曾經想晚餐時間來幫襯，摸了門釘。 LUNCH時間經常性有條長長的人龍，座位極之有限，所以想吃就要早些來排隊。說回雄丼丼（逸泉）的食物：法式鮮濃蝦湯蔬菜泡飯(配吉列魚柳)：初初一直以為是＂龍蝦＂湯飯，後來認真望了一次餐牌，才知道是濃蝦湯飯。湯底的確又濃又非常鮮甜，每次除了吃掉所有飯外，還會飲清所有湯。而主菜有時會選吉列魚扒有時會選烤雞。但多數會選吉列魚扒，它炸至非常香脆，魚汁仍然鎖在魚扒入邊，但略嫌細塊了一點。還有個4色蔬菜，會有4種不同顏色的蔬菜，都幾特別。蔬菜佔滿濃蝦湯味，立即對呢堆蔬菜增添不少食欲。蟹柳蟹籽烤雞扒胡麻醬冷烏冬：朋友一直鐘情這個撈烏冬（如沒有這款烏冬的日子，朋友就不會陪我來吃這店），烤雞烤至雞皮很脆不太油（味道好似是蜜糖味）但雞肉卻很嫩滑，配料量超級多，加埋麻醬撈云後，啖啖配料及烏冬絕對不是問題。我只吃過一次，但覺得麻醬唔夠，店家立時給了我一大碗醬，變成滿口麻醬，不過，我本人還是比較喜愛濃蝦湯飯。另外試過一大班人來吃，他們點了其他食物，都說味道不錯，大份又飽肚。
繼續閱讀