逸棧

營業中

休息中

餐廳位於屋企樓下所以一早就知道佢哋嘢好難食，今日下午趕時間所以就是但order一個下午茶餐牛腩麵，點知全部都係牛筋同肥膏，搵一舊肉食吓都冇，又最次失望！簡直就係垃圾級嘅食物！咁既質數我寧願去食麥當勞！以後都唔會再幫襯佢！

屋苑樓下餐廳, 幾差都會間中幫襯, 每次都只買切雞, 並非切雞特別好, 而只是唔係特別差. 次次要求多少少"蔥油" , 都好似攞佢條命咁. 喂! 我唔係買飯盒呀! 買一隻雞呀! 要多兩盒"蔥油", 好唔合理?! 

一起到大家樂附近的逸棧午餐，我點了雪菜肉絲、廚師腸雙併出前一丁, 為疲累的身軀注入新動力，下午再努力啲！ 😋😋😋朋友叫的是開心配辣粉，辣辣哋，很惹味呀！🍜🍜🍜

見今日早左返工，有時間可以慢慢食個full breakfast ⋯鮮茄雜菜米線配火腿煎蛋🍳及牛油方包，凍檸茶🍋都係$34+$2濃濃嘅蕃茄湯底配合煙韌度適中嘅米線，雜菜嘅材料就有西芹西椒蕃茄紅蘿蔔🥕，全部都係吸滿番茄湯嘅味道！ 飲落去就好似羅宋湯嘅味道！ 😋😋真材實料😋😋煎蛋我叫左全熟，不過就好似過咗🔥，有啲老！ 不過我將佢浸埋落d湯到一齊食，冇所謂啦🤣🤣下次都係食番半生熟蛋先🤣🤣有樣嘢我覺得好抵嘅就係佢地d凍檸茶真係好大杯架！ 一杯差唔多等於 人地兩杯既份量☺️☺️慢慢食完早餐之後返工lu...

今日去探朋友，去咗附近嘅海逸商場食個飯。冇乜嘢選擇，我哋有想快啲食，得麥當勞大家樂同埋逸棧揀。最後我哋揀咗依一間。整體來講都係唔錯，地方舒服。相比大家樂，燒味勝利一籌。嘢食都好似比較新鮮。特別值得一題是，同大家樂嘅價錢差唔多。我朋友叫咗個雲吞麵，＄38。意外的是雲吞裏面啲蝦都幾有味，幾新鮮！包杯野飲，今時今日算係咁。嘢飲方面，我叫左杯絲襪奶茶都覺得同大家樂一般嘅質素好。甜品我叫左個蛋撻，價錢唔係好貴，聽講係樓上酒樓整的。但係聽講平日晏晝時間好多附近打工仔排隊等位，因為座位不多。一概而論，性價比不錯，嘢食質素唔差。如果喺附近都值得去試一試。間茶餐廳好似都係做街坊生意。

因住在樓上, 商場又只得一間茶餐廳, 迫於無耐, 一星期都會去食一、兩次早餐, 由開業至今, 燒味飯的質素尚可保持基本水準, 更準確的形容是, 叉燒尚可保持水準, 燒鵝已經不復開張時的水平了, 常見到暗淤顏色, 但今天唔同你講"燒味"住, 鬧咗你個"早餐"先...  落單後, 唔使一分鐘就送嚟檯面, 一睇個樣, 我咁低能都知道係"整定"啦... .  好吧...."整定"都唔緊要, 但可唔可以整得"好樣"少少呀!?   隻蛋煎得樣衰到呢, 借用「白宮發言人」的名言: 三個字: 硬 實 乾 凍.... 午餐肉油油的表面, 以為炸過吓, 點知入口都係微暖...沙嗲牛肉麵, 沙嗲牛肉整定後放公仔麵的上面 是常規, 無問題. 但沙嗲汁仍是一舊舊固體膠狀, 粘著牛肉片上, 入口冰凍... 好心唔好咁懶, 應該一早把沙嗲牛肉翻熱先, 然後才放上麵, 這才是應有之道. 好彩, 出前一丁都算正常, 軟硬度適中.

下午茶時間，原本去大家樂，發現新開了的茶餐廳。專做燒味，友人提議試一試。新開的茶餐廳, 以萬元電飯煲做招牌, 好神奇, 心諗, 呢隻電飯煲可以煮幾多碗飯呀!?! 再看一看, 原來只得一個套餐供應, 只有”萬元义燒煎蛋飯”的飯是用這飯煲煮, ”萬元义燒煎蛋飯”套餐, 你淨係聽個名稱, 都知道有幾攪嘢啦….哈哈哈.., 友人估計, 這個電飯煲應該係老闆屋企用開, 橫掂開餐廳, 就攞出嚟做飯當宣傳….點解友人會估到, 因為友人係認得店內其中一位老闆, 其實係佢住既屋苑的業主委員會主席囉…哈哈.. 佢話: 嗱嗱嗱..估咋, 估錯唔關佢事呀..喎..我食了一碟义燒燒鵝飯, $48, 套餐, 包熱飲, 我碟飯, 就梗係唔會用萬元電飯煲煮啦. 上檯, 賣相不差, 啡紅紅鮮艷的义燒, 燒鵝望落也算幾光澤, 但有不少的鵝毛, 就唔多好了.义燒, 顏色精神, 但十分瘦, 肉質略硬, 未夠軟熟, 下次記得要半肥瘦, 以瘦义燒嚟講, 口感唔差.燒鵝, 以為是胸部, 但原來是近背脊的部份, 骨多肉少, 而且略為過鹹, 此部位的骨肉通常都如此, 可能因為味料是塞進鵝的內部, 而近骨的上部份又沾得最多最近關係吧.咖