影片
招牌菜
即使慣了每天帶住家飯盒返工，間中也會因為出門太匆忙而漏招，記得食友陳真介紹的逸盧餐廳有平價外賣飯盒供應， 一於去買個試試。逸盧餐廳位於中信大廈四樓，屬中檔次的法國菜餐廳，但同時供應外賣飯盒，吸納附近返工的白領，每日有兩款飯盒供應，星期四的選擇分別是咖哩雞飯及 BBQ 汁豬扒飯，連飲品只需 $25，十分抵吃，但竟然無乜人幫襯，反觀樓下大家樂場面墟冚，人龍更排到出門口，認真搵食艱難，想「搵」個飯盒「食」都「難」，點解佢地唔上多一層呢？我要了 BBQ 汁豬扒飯，所謂的 BBQ 汁，是在燒汁內加了一些番茄粒和酸瓜粒，味道酸酸甜甜的，寧舍開胃。豬扒灑上一些胡椒，肉質鬆化，而連骨的那條脂肪邊更是美味所在。由於中信大廈位置比較偏僻，外賣拎到返公司食，飯底只得半暖，好彩入口唔會軟淋淋，而且有些椰菜作伴，吃起來不會太寡。買飯盒附送罐裝可口可樂，都幾慷慨，可惜雪得唔夠凍，下次幫襯的話，還是選擇跟例湯好過！
繼續閱讀
每個 set dinner 都只係 $168 (plus 10%)，你喜歡要乜再加，任君選擇。我地四個人，叫了四個 sets share。可以試多Ｄ。個人最喜歡碟牛，非常美味；梭呼厘是薑汁，我至愛 魚又好新鮮，食到雞時，我都已經飽，所以，試了少許飯~ 飯就 glutinous，比較薺，所以，食唔多。仲有支 house red, 同 "牛” & "羊” 好夾！ Yummy 一定會 encore!
繼續閱讀
為左慶祝聖誕節，我地一班好友約左黎呢間餐廳食晏，選呢度除左近公司外，重要係佢啲食物質素好﹗地方雖然細但乾淨，又有海景睇下。我地八個人坐埋邊，一邊傾計，一邊望景，一邊嘆美食真係好正﹗講番正題。午餐價錢由88元至138元，有頭盆—沙律；餐湯—西蘭花忌廉湯或野菌磨菇湯；如果唔啱可以加錢轉款，不過我地覺得滿意，所以無人轉﹗主菜有Roasted Rack of Lamb，肉質夠嫩，無羶味，點埋芥末真係好正﹗Pan Fried Salmon Fillet，唔鍾意食魚既都可以一試，唔腥兼夠香﹗Red Chilli Pasta w/King Prawn，蝦夠大隻，煎得好香口，跟埋意粉夠飽肚﹗Grilled Beef Tenderloin，夠juicy，肉質夠冧，好滋味喎﹗仲有其他如Pan Fried Pork Fillet、Grilled Duck Breast、Normandy Oyster Rice，不過我地今次無人揀佢，所以唔會响度評論﹗西餐當然唔少得甜品，今次我地除左試佢既home made dessert之外，另加拿破崙同埋心太軟，呢兩款都真係不可不試﹗講到服務，唔算最好，出菜唔算慢，比起最初係進步好多啦﹗經理係一個冷面笑匠，你唔好諗佢會同你寒暄，總之，食物係跟住跟住上就覺得好好啦﹗
繼續閱讀
My GF picked this restaurant to celebrate my birthday.We both ordered from the set dinner menu which had a number of good choices. For main dish, we chose duck breast and fried spring chicken and they were made nicely. The duck breast was highly recommended.We also ordered some Normandy oysters which were very fresh. If you would like to try them, you would have to call the restaurant to make reservation.Service was good on that evening, probably because there were only a few tables with guests.Our table had a good harbour view, which I think will be even better if there is firework show outside.Location-wise, the restaurant is not in a convenient spot with accessible transportation means but I think it is quite a nice walk with your loved one to the harbour front.
繼續閱讀
星期四, 獨個兒去交表交Form, 無所事的行左去中信睇睇, 沒有特別發現就大家樂搞掂算數. 看時間是有的, 便往上職兜個圈, 發現平時非常高級的無敵海景法國餐廳, 門口有個 A, B 餐, 內有一個大汽水箱. 呆站了一會, 侍應說, 這是是日外賣飯盒. $25一盒, 包湯或汽水. 而是日餐湯是西蘭花湯. 聽見只$25, A 是芝士焗海鮮飯, B是紅酒燴牛脷飯. 我就要了B餐. 他們動作都幾快手, 不一會, 一盒飯連湯, 包好俾我, 交低$25, 慢慢行返公司. 回到自己張檯, 飯盒份量非常大, 再找出餐具時, 竟然是中式, 筷子加中式匙羹, 感覺有如食telephone order 外賣店既出品一樣. 不過點都好, 好不好食重要過賣相同所提供之餐具. 紅酒燴牛脷, 不濃不咸, 汁雖然是我不太喜歡, 稀稀的, 但當你深入去感受其味道時, 那個牛脷, 味道是不錯的, 而我說的份量大, 不只是汁多飯多咁強詞奪理, 而是牛脷多, 而且菜多, 淡淡地, 食得出沒有MSG, 感覺幾好, 只是大份到我食唔哂姐. 下次去中信, 唔知其他高級食肆有冇好似呢D咁既外賣餐呢............生意真難做.
繼續閱讀