74
25
19
港鐵灣仔站 A3 出口, 港鐵銅鑼灣站 A 出口 繼續閱讀
電話號碼
28923388
開飯介紹
區内受歡迎之自助餐。在舒適的環境下,賓客們能享受多款新鮮海鮮、旋轉沙律、日本美食、中西熱葷、朱古力蛋糕及其它精緻甜點。 繼續閱讀
營業時間
今日營業
07:00 - 00:00
星期一至日
07:00 - 00:00
付款方式
Visa Master 現金 AE 銀聯
座位數目
120
其他資料
酒精飲品
自帶酒水 詳細介紹
泊車 詳細介紹
電話訂座
加一服務費
電視播放
招牌菜
正宗海南雞飯 星加坡蝦麵 紅爐烤薄餅 香辣喇沙 香蕉蛋糕 藍莓芝士餅
食評 (130)
等級4 2019-09-27
2319 瀏覽
逸亭餐廳位於銅鑼灣3.5星的利景酒店一樓門面看得出酒店有一定的歷史但這次我來的目的不是居住,而是要品嚐美食自助晚餐於六點半才正式開始很多人都提早到達餐廳門口大約早五分鐘開始安排先入座再等待職員宣佈晚餐開始這是全晚重點—海鮮位置龍蝦及龍蝦鉗是全場搶手貨每次自助餐總有些人打尖或者夾很多但這間餐廳奇蹟地密密REFILL海鮮我從未看過這麼密的頻率,每次都大一盤的端出來*去到晚餐非常後期,才推出長腳蟹,想吃的可以留留肚龍蝦及龍蝦鉗吃了很多轉,應該吃了有四隻、鉗大約十隻吧鉗十分方便,每隻已經打開了,完全不用自己動手這是一般較為冷清的沙津吧女士們多數是它們的捧場客夾了一些熱盤嚐嚐不同的美食豬肋骨、燒鴨、咖哩牛腩、雞等等味道不錯,可以接受還拿了些天婦羅、吉列蠔及鵝肝串燒、燕窩燉蛋、燒美國西冷牛扒及香草燒羊脾沒有拍到但上述的都好吃,推薦一試飲品區出奇地有成本較高的玻璃樽裝汽水但基於環保理由,沒有飲管供應怕肥也有熱茶、咖啡及凍水等供應雪糕區竟然是MOVENPICK,又是另一回本位置有咖啡味、士多啤梨味、雲呢嗱味及朱古力味雪糕也別擔心,完全不用搶的直到我九點離開,四種味道依然有存貨 繼續閱讀
(以上食評乃用戶個人意見 , 並不代表OpenRice之觀點。)
等級4 2019-08-27
5285 瀏覽
Buffet is the best way to share what happiness you’re having.-係香港真係好少接觸到Buffet,講緊閒閒地出入酒店都要人頭$5-600,但今次有朋友生日,佢就介紹左呢間係銅鑼灣利景酒店既逸亭餐廳,帶左佢去食豪少少啦!估唔到又幾有驚喜wor!價錢合理,食物款式又多,質素亦都相當唔錯,有時食野最緊要係物有所值姐!👇📌The Buffet Dinner - $398 (Mon-Thu)👉晚市Buffet餐都係講緊4舊水人頭,我覺得叫做幾抵玩,整體餐廳格局都唔細,座位之間都幾闊落,好好彩我被安排餐廳最入面,有個私人空間,相對寧靜,天花板有多部電視機!▪ Chilled Seafood on Ice Area▫ 先黎睇睇第一個凍海鮮區,雖然唔係高級酒店既價錢,但一樣有大量新鮮凍龍蝦、麵包蟹、長腳蟹、凍蝦、藍青口打頭陣,款式夠豐富,自然同樣食到Lam哂脷啦!質素亦都無失望,龍蝦肉相當鮮甜!Refill速度合格,大廚定時定侯又會更新一下!Respect!▪ Fresh Sashimi Area▫ 自助餐當然離不開日本料理啦!亦都係來回多次既Area,我覺得Refill速度極快,雖然每次既要求,師傅都會比較以薄切為主,但質素絕對唔錯!刺身包括吞拿魚、日本珍寶帶子、甜蝦、三文魚、金槍魚,每樣新鮮送上,抵讚!▪ Live-Cooking Station Area▫ 輪到熱盤料理,包括一眾燒物、炸物:串燒、香煎鵝肝多士,仲有炸蝦、炸蠔天婦羅,見到大廚手法純熟,即刻相機捕捉佢型仔一面啦!其中要推薦下佢地既豬腳薑醋,聽聞佢地仲可以外賣一盅盅咁買,岩哂買返去屋企老人家慢慢食呀!▪ Dessert Temptation Area▫ 最後甜品區絕對係我最滿意既一環,當中質素真係可以媲美五星級酒店,而款式選擇好多,包括相當矚目既"自家制限時梳乎厘",會定時有一批新鮮出爐,任拎唔嬲!仲有今個月特色甜品主題"D24榴槤甜品",最出眾既係炸榴槤球係相當吸引,好好食!仲有燕窩燉蛋、海綿蛋糕、Movenpick雪糕,甜品杯都係風靡萬千少女心! 繼續閱讀
(以上食評乃用戶個人意見 , 並不代表OpenRice之觀點。)
等級4 2019-06-20
5529 瀏覽
5月之星Yan生日飯,今次揀左去利景食buffet,成日都經過利景,都聽過呢到buffet幾抵食,但就未幫襯過,上網見食物不俗,今次大家一於試下,見openrice仲要有優惠卷7折,星期日晚上成人每位$428,7折後每位約$330到﹐好抵下呀。 餐廳面積頗大,裝潢有點懷舊之感,環境舒適。 即出去睇下有咩好野食先。 冷盤海鮮。 熱盤。 甜品。 刺身。 梳乎厘。 自製窩夫。 MOVENPICK。 龍蝦、翡翠螺、長腳蟹、藍青口及蜆,先來個冷盤,龍蝦多肉﹐長腳蟹肉質鮮甜。 三文魚及帶子刺身夠新鮮。 蒜蓉粉絲蒸扇貝,有好多粉絲,蒸扇貝彈牙鮮甜,幾惹味。 蟲草花燉雞湯,好耐冇飲過湯水,蟲草花補身,見到即飲,香濃味道,即飲多碗。 鴨肝多士,鴨肝甘香油潤,配搭多士更美味呀。 炸蠔﹐普通味道。 羊架,肉質嫩滑,冇乜羶味。 古法豬腳薑,難得有豬腳薑食,豬腳腍身,酸酸甜甜味道好,本身想食埋個蛋,但實在太飽了冇食呀。 又係甜品時間,甜品上冇乜大驚喜,款式唔算好多﹐正常水準。 梳乎厘,受歡迎的美食,限時供應要排隊拎﹐梳乎厘口感輕柔味道香甜,幾好味呢。 食飯後果。 MOVENPICK,有呢個牌子雪糕食都滿足到﹐士多啤梨味讚。食物水準正常,環境坐得幾舒服,態度親切,重點好抵食,下次再戰。灣仔灣仔道209-219號銅鑼灣利景酒店1樓自助餐供應時間18:30-21:30 價錢: 星期一至四:成人$398 小童/長者 $308 星期五至日、公眾假期及前夕: 成人 $428 小童/長者 $338 繼續閱讀
(以上食評乃用戶個人意見 , 並不代表OpenRice之觀點。)
等級4 2019-06-15
4384 瀏覽
朋友話同我補祝生日飯,就揀左呢間價錢偏向中規中矩既酒店buffet,廢事食左佢隻車😌Book左18:30,準時去到所有野食已經ready好呢期主題係海鮮,冷盤櫃有龍蝦、青口、長腳蟹同螺,而且refill得幾快,一清盤即刻又換一盤新既。龍蝦唔算太大隻,帶蝦膏,入口幾新鮮鮮甜。Buffet一定要食西冷,呢度仲有我最愛既羊架牛扒肉味濃郁,生熟拿捏得宜,夠嫩身,唔洗額外調味。羊架燒得夠香口,入口帶油脂香,同樣嫩滑不韌反而pork ribs就麻麻,痴骨,唔多肉熟食類仲有蒸魚、扇貝、紅酒炆牛腩、燒鴨等。紅酒炆牛腩炆得勁入味,紅酒味突出,牛腩肉厚唔肥,又夠稔扇貝大隻厚肉,加埋蒜粒同粉絲口感豐富鮮味,難怪一出每人都夾兩三隻呢度既刺身質素幾好,夠新鮮,特別係鯛魚、帶子同tuna,厚切軟嫩。蟲草花煲雞,藥材味十足,甘甘甜甜,可惜入口太油又偏鹹,哂左甜品區都幾多選擇,有得自製格仔餅糕點選擇唔多,得幾款朱古力蛋糕幾好食,中間夾左脆脆,令海綿蛋糕無咁單調,加上味道偏苦甜,食落唔會漏燕窩燉蛋幾滑,但味道偏淡,無乜奶香,燕窩本身又無乜味,不過不失。桃撻撻皮薄而鬆脆,黃桃幾清甜,加埋內餡既吉士酸甜開胃仲有豆腐花同自選配料,想幾豐富自由配搭以三百幾既價錢食物種類都算多,加上環境幾舒服,服務又幾好,會考慮再黎! 繼續閱讀
(以上食評乃用戶個人意見 , 並不代表OpenRice之觀點。)
等級2 2019-11-06
0 瀏覽
女朋友生日,試一試利景酒店的住宿自助餐優惠。自助餐我覺得好正,刺身好新鮮,熱食方面霸王雞好好味,唔會嫰滑,我個人好鍾意食忌廉薯仔。反而海鮮冷盤有驚喜。一般自助餐,龍蝦,青口之類都冇味,但呢度竟然好好味,由其龍蝦好厚肉好甜。另外仲有豬腳薑,木桶豆腐花同可以自製雞蛋仔。食得好豐富又開心嘅一餐。 繼續閱讀
(以上食評乃用戶個人意見 , 並不代表OpenRice之觀點。)