263
5
8
港鐵元朗站 H 出口, 步行約9分鐘 繼續閱讀
電話號碼
28851102
開飯介紹
主打日式串燒的餐廳,裝潢走和式簡樸風。餐廳食物多元化,手卷、刺身、串燒、壽喜燒等都有,當中又以燒蟹腳、鹽燒雞翼及汁燒魷魚筒最為推介。 繼續閱讀
營業時間
今日營業
12:00 - 15:00
18:00 - 23:00
星期一至四
12:00 - 15:00
18:00 - 23:00
星期五至六
12:00 - 15:00
18:00 - 23:30
星期日
12:00 - 15:00
18:00 - 22:30
付款方式
Visa Master AlipayHK 支付寶 現金 AE 銀聯 JCB
座位數目
46
其他資料
網上訂座
Wi-Fi
酒精飲品
電話訂座 詳細介紹
賞訂座積分
加一服務費
當面支付
有關獎賞計劃
食評 (291)
等級4 2020-10-28
529 瀏覽
今日跟朋友元朗食飯,特意再來這家居酒屋。門口停車場方便泊車,入座前職員替我們量體溫,奉上熱茶及餐前小吃,服務態度值得一讚。😎餐廳食物種類繁多,套餐串燒刺身壽司 海鮮,小食 鍋物等。😋每次必點的雞泡魚魚乾,半客份量都不少,有咬口不會過乾,風味十足。👍🏻//串燒- 鹽燒豚肉鵪鶉蛋串口感不錯,蛋味濃香,豚肉油脂分明。//鹽燒牛脷、雞腎串、雞皮串簡單海鹽調味已足夠,牛脷及雞腎咬落肉汁滿滿,口感彈牙,推介! 雞皮香脆外皮不會過於油膩。//汁燒安格斯牛肉大蔥串,牛肉略帶爽口,加上香濃大蔥口感分明,大蔥帶出牛肉香味。//蔬菜串燒,牛油蒜香翠肉瓜串,脆身翠肉瓜帶水份,蒜香味不會搶過翠肉瓜的鮮味。燒海鮮//沖繩網燒鮑魚仔,醬汁帶甜味,爽口彈牙鮑魚仔鮮味。🤓//燒法國金蠔,淡淡海水味道鮮甜,很有厚實感。//北海道黃金燒帶子,芝士加上沙律汁配搭香濃,帶子入味。🤤//特別推介牛油燒海虎蝦,牛油香味帶出鮮甜虎蝦的味道,口感十足,惹味非常。😋😋😋//皇帝蟹炒飯,飯粒跟材料炒得分明,蟹肉一點不馬夫,打卡一流,外觀都非常吸引。😍抵食份量足夠夠的美食跟朋友分享,一大樂事!🌸🌸 繼續閱讀
(以上食評乃用戶個人意見 , 並不代表OpenRice之觀點。)
上星期收工入左「元朗國」搵朋友食飯吹水 餐廳係朋友揀既入到去第一印象唔錯 環境舒適闊落 而且店員好熱情服務好好 店員話第日再冇限聚令既時候可以拍埋d枱 咁就可以一大班人gathering喇!食物選擇都幾多 除左固定menu之外 仲有「店長推介」!返工返到咁攰 歎返杯啤酒先!到食物出場喇 首先黎既係「帆立貝刺身」 刺身好新鮮 肉身肥厚 味道甘甜同樣係帆立貝 呢味「北海道黃金燒帶子」帶黎完全唔同既風格!黎自北海道既帶子同樣大大粒啖啖肉 味道就較為霸道 醬汁酸酸甜甜咁 唔會話太漏「日本迷你蕃薯仔」:蕃薯仔味道香甜 口感軟綿 本和味龍一口氣食晒四粒呀!「安格斯牛小排鍋」隨鍋附上既配菜都唔差 蔬菜新鮮 豆腐軟滑牛小排既色澤好靚 而且油花分佈均勻 入口即溶 估唔到呢個價錢都食到高質靚牛!性價比真係好高!「皇帝蟹肉蒸蛋」:蛋蒸得好幼滑 加上鮮甜既皇帝蟹肉 唔錯!估唔到係元朗都有高質野食 重點係價錢十分合理 有機會都想再黎多次! 繼續閱讀
(以上食評乃用戶個人意見 , 並不代表OpenRice之觀點。)
等級4 2020-09-24
1098 瀏覽
聽講元朗有間日式店舖大件夾抵食,今日放假便同女兒一齊去品嘗,元朗西鐵站一出行幾分鐘便見到,店舖裝修很日式化細細間可以坐大約20人,一坐低馬上叫了花之戀、火炙三文魚和大多數人必叫嘅巨型軟殼蟹手卷,值得一讚嘅係師傅手勢純熟,出餐時間好快,餐牌都未睇完就已經出了壽司,軟殼蟹手卷夠脆,一個手卷入面有半隻軟殼蟹,飯都唔少,食量細嘅人食完手卷應該都飽咗一半,花之戀的三文魚加上沙律醬同蟹子這個絕配拍檔包到大大卷,成個放入口度食超級滿足。二人雜錦刺身盛有三文魚 、帶子、鮑魚 、張紅魚、劍魚腩、油甘魚、虎蝦刺身同海膽,全部厚切上,三文魚好肥美,帶子大大粒而且鮮甜,鮑魚最有驚喜,食落好有鰹魚汁味,而且又彈牙,呢個配搭幾創新,成盤刺身食得出好新鮮👍北海道黃金燒帶子超厚肉,燒帶子同帶子刺身都係大大粒,但燒帶子配上自家秘製醬汁食落更鮮甜好食!刺身盛入面有幾片青瓜,我將青瓜放落食剩的燒帶子秘製汁裏,青瓜瞬間由好食變到超好食,有畫龍點睛的效果,另外值得一讚嘅就係蟹肉蒸蛋,滑嘟嘟嘅水蛋加上蟹肉另到整碗蛋的鮮味提升不少,最後叫鵝肝多士,鵝肝入口即化配上脆多士,香口得來又可以減少油膩感,唔錯👍整體來講食物用料新鮮,製作認真,服務員態度親切,絕對會介紹朋友來食,而且食物種類選擇很多,來多幾次都試唔完 繼續閱讀
(以上食評乃用戶個人意見 , 並不代表OpenRice之觀點。)
等級4 2020-09-23
683 瀏覽
這日來到元朗找朋友晚膳,他說鳳攸南街內,隱藏著一間地膽才懂得去的大件夾抵食日料店,一於跟著去覓食。逸之燒,推門而入,典型的日式居酒屋格局,經過店家精心擺設, 洋溢著日式風情。🎯 雜錦串燒 十本 $238串燒上枱,香味誘人,款式非常豐富,每款一串,當中以汁燒免治雞肉棒最為美味, 雞肉軟淋混合雞軟骨增加咬口,再配上店家特製的雞蛋醬油,香滑軟嫩,再來十串也不會嫌多。而鹽燒豚肉荔枝,絕對是帶有喜感之作,驟眼看,以為豚肉包裹著帶子,入口香甜, 才知道,竟然是荔枝。🎯 安格斯牛小排壽喜燒 $138壽喜燒絕不能少了主角肥牛,店員奉上油花分佈廣而平均,色澤鮮紅,片片完整的牛小排,實在令人相當驚喜。牛肉嫩滑無渣,下次來,必定要點大份的安格斯牛小排鍋,食夠本。🎯 什錦刺身飯 $108刺身油光閃閃,獨立的鋪在冰盤上,油甘魚,三文魚及中拖羅,同樣出色,高質自然味道鮮美。🎯 鹽燒安格斯牛肉粒 $48由於店內的串燒實在美味,特地再點了2 串安格斯來品嚐,肉質少有的軟嫩。老婆婆也能輕鬆咬開的質感。很開心能遇上這間平民價錢,食物卻出奇高質的居酒屋。 繼續閱讀
(以上食評乃用戶個人意見 , 並不代表OpenRice之觀點。)
等級3 2020-11-21
0 瀏覽
元朗出名多野食,今次同朋友就去左西鐵站附近小店試下。先黎一盤大刺身,一放上檯,我地都急不及待拎相機出嚟影,因為件件刺身都係厚切,好吸睛!刺身好新鮮、好鮮甜,值得推薦!再黎鹽燒肉荔枝串,肉燒得剛剛好,唔會太乾,加上又甜又多汁嘅荔枝,恰到好處!仲有燒牛舌同汁燒安格斯牛肉露荀串,都是我必點串燒之一!再黎北海道黃金燒帶子,香噴噴,食落口醬汁酸酸甜甜,十分開胃!最後是海膽炒飯,新鮮海膽,份量大,而且用料充足,同朋友一齊分享就最好不過。 繼續閱讀
(以上食評乃用戶個人意見 , 並不代表OpenRice之觀點。)