1
4
1
營業時間
今日營業
08:00 - 22:00
星期一至日
08:00 - 22:00
以上資料只供參考, 請與餐廳確認詳情
19-5-2021(Wed)佛誕公眾假,同老公由沙田返嚟買餸,老公話買叉燒,海蜇燻蹄,咁行去太興睇,完全冇呢啲嘢,連和有齊,叉燒同燻蹄都係$100.00斤,海蜇$150.00一斤,宏泰冇海蜇燻蹄,叉燒就$108.00一斤,咁我哋返嚟連和買啦.由於買買吓,覺得唔使買叉燒,就只買海蜇燻蹄啦,問吓有冇例牌,亞姐話冇海蜇,燻蹄一個個稱嘅,咁就喺雪櫃攞個細嚟稱,相中男師傅話$55.00.亞姐俾我時交帶一聲,唔食要雪住佢.到開餐食喇,呢個味道比唐順興越嚟越鹹嘅燻蹄淡好多,要蘸蒜醋食.價錢:返到屋企,我拎個燻蹄去磅,啱啱8兩,咁即係$50.00啦,點解收我$55.00?嗰$5.00係咩嚟?外賣盒同蒜醋嘅錢?定係加一?
繼續閱讀
親戚住荃灣, 話連和勝記燒鵝最好食,疫情關係冇得堂食,唯有外賣拎走。外賣拎到屋企,鵝油已經流曬出外賣盒,袋裏面好多油,打開燒鵝底亦好多油,可以留番d鵝油炒菜。顏色望落去都幾靚,係稍為黑咗少少,不過鵝皮唔算脆。鵝有好肥亦有比較瘦嘅部位,有幾舊係全脂肪,不過脂肪嘅鵝油香唔係好重,唔夠香。鵝肉方面,整體比較緊實有咬口,不過醃料唔係好平均,有少部份位比較鹹,但大部份肉都比較淡,配埋送嘅燒鵝汁食應該比較好。整體而言,一定唔會係荃灣最好食,不過不失。
繼續閱讀
#連和燒味餐廳油雞賴😁大份爽抵食黎形容。勁大碗粉仲有9件唔算細件既雞件,加埋凍檸菜都只係$33。連鎖大xx都做唔到啦。所以好正,岩哂我平時一支公黎食。油雞滑有雞味。賴粉爽口而且夠多,男仔都未必食得哂,好彩有9件雞,唔會食到最後無哂餸配粉食。餐廳仲特登配一碟仔蔥油比係,而唔係就咁放入碗粉,份量都多。湯頭係清雞湯,帶咸香,配粉都幾夾。總結:餐廳好大方,服務親切友善。做街方生意唔會賺到盡。😋十萬個支持呀。
繼續閱讀
剛剛係佢度買咗個例牌燻蹄海蜇,佢話$100,無問題。當時俾阿仔催我上車,一時唔為意就走咗。點知一上車打開睇睇,即時嚇一嚇,仲少過我係酒樓飲茶叫小食冷盤,如圖。打去同佢理論,仲用粗口鬧我阿媽。大家小心!
繼續閱讀
家住荃灣的親友到屋企坐坐,並帶來一盒燒肉作「手信」,聲稱此店在該區頗受街坊歡迎。打開盒子一看,舊舊腩肉整齊排列,單看樣子十分吸引。雖然經過個多小時的車程,吃時外皮還是脆脆的,不過某些已燒得過火,所以有陣陣燶味。肉地一層肥一層瘦,但我仍嫌肥膏多了點點,肉質則不會太韌,味道則較為淡口。整體來說,質素平平。
繼續閱讀