影片
港鐵深水埗站 B2 出口, 步行約3分鐘
繼續閱讀
營業時間
星期一至日
08:00 - 17:30
以上資料只供參考, 請與餐廳確認詳情
食家推介
覺得店主好有heart ，一個人做晒既One Man Company。絕對係一個有要求嘅人。雖然店舖地址有啲唔就腳同店舖細細冇得堂食。但耐唔耐想食台灣嘢心思思都想支持下。咖啡出色有驚喜。叫外賣所野都係足料兼且熱辣辣，即叫即整。而且餐具用料實淨又抌本。我覺得有心有力又堅持既店主唔多，定必多多支持。
繼續閱讀
上星期幫老公出左深水埗買嘢，行經上次食過而性價比高嘅 造咖 ，所以就嚟迪返個快靚正嘅台式午餐啦！以外賣為主嘅一人煮理台式小店，雖然種類都唔算太多，不過貴精不貴多嘛，最重要係全部都係即叫即製，所以都要啲時間等待嘅，不過好味就當然要等下嘅。今次叫左個台式炒意粉 - 沙茶醬虎蝦京蔥西椒炒意粉，依個絕對係有驚喜，係店主炒緊嘅時候都已經有嗅到好香嘅沙茶醬味，食落真係嘩左一聲，估唔到沙茶醬同意粉一齊炒係咁夾，而且佢個意粉炒得好乾身，加埋大大隻又彈牙嘅虎蝦，所以都令我好回味呀！再加份炸蕃薯條•梅子粉，脹卜卜嘅蕃薯條炸得好脆口，加埋梅子粉一齊食都幾啱口味。最後嚟一杯台灣烏龍茶，依個午餐就真係好滿足呢。食物好味，而加上小店係支參與廚餘回收活動，所以係值得支持。
繼續閱讀
係深水埗愈來愈多文青咖啡店, 亦都有幾間文青feel台灣小店, 呢間係大埔道專做外賣嘅台式小店「造咖」之前係youtube都睇過介紹, 今日專程去試下。小店以水泥灰, 白色調及木系裝潢, 推開門只見兩個座位, 鋪面唔大, 門外玻璃貼上簡約餐牌。 小店由老闆一人打理, 專賣台灣手工地瓜球, 台式香酥脆餅, 古早味粉漿蛋餅, 台式口味意粉, 仲有特別嘅台灣特式口味咖啡, 愛玉冷泡咖啡和冬瓜茶檸檬咖啡, 餐牌上的食品名都幾特別, 真係令我樣樣都想試呀!因一個人食又唔太餓, 今晚決定要個沙茶醬京蔥西椒炒意粉先, 再要多杯mocha – (set $92 + 轉咖啡奶茶 $5)呢個係即叫即整, 一打開盒, 煎過嘅虎蝦香氣撲鼻, 有三隻大虎蝦, 肉質爽口彈牙, 而且都幾大隻。意粉份量超多, 用西椒京蔥同沙茶醬炒過, 隔住個盒都已經聞到好香嘅沙茶醬味呀! 意粉軟硬適中, 意粉炒得乾身香口, 份量都幾多, 勁滿足呀! 飲品要咗凍Mocha, 佢個咖啡都高質超香濃, 有特濃咖啡嘅香濃味, 又有奶香滑, 仰有少量朱古力味, 樣樣都配合得幾好。呢間雖然舖仔細細, 但樣樣都係用心製作, 樣樣都係新鮮即整, 一啲都唔hea, 真係要多多支持小店呀!
繼續閱讀
造咖是間一人小店，位於深水埗不起眼的位置，地方細細，主要做外賣，所以店內食物種類不多，有意粉，雞飯，肉燥飯，蛋餅及咖啡。南部雞肉飯，$48份量亦不少，有手撕三黃雞，滷水糖心蛋配上紅蔥酥醬油，個醬汁好香，很好送飯，三黃雞雞肉嫩滑，糖心蛋都滷得入味。他們賣的蛋餅是手工製的古早味蛋餅，粉漿是自家調製，即叫即製，外皮煙韌軟Q , 內邊卷上芝士，煙肉，卷得實淨不鬆散，蛋餅面灑上大量肉鬆，配上甜辣醬，好味。配上一杯咖啡就是一個完滿的午餐。
繼續閱讀
天氣炎熱，放工經過街邊，竟然有一間新開嘅文青咖啡店，跟住入去買杯咖啡嘆吓，叫左兩杯摩卡，性價比幾高，佢用明治鮮牛奶，朱古力味好濃郁，仲有唔同嘅小食，下次試吓😋
繼續閱讀