這裡那裡

營業中

休息中

之前見佢新開張，同太太食過一次晚飯都覺得唔錯，尤其係個自由選都好抵食，有前菜、小食、主食同飲品先85元，味道都唔差，剛才晚上8點再同太太打算再去食多次，我去先攞位，落左order先，叫左個套餐同牛魔王面，點知個店員一上杯凍茉莉綠茶時，倒寫左落嚟搞到我下半身濕晒，店員雖然有講sorry sorry，但成條褲同鞋濕晒真係冇哂心情，咁樣趕客唔洗講嘢即刻走人，大家要小心呢間舖員工上菜時軟手軟腳，我就冇下次幫襯！

因為住樓上好方便，新開張已經嚟食過好幾次。覺得裝修望落舒服，服務幾好，食物質素不過不失，鹽酥雞扒好食嘅。但今日一個人嚟坐張咁細嘅二人枱，問都冇問就搭多個人落嚟坐，台式悠閑風格忽然走個茶餐廳風格？如果要咁樣搭枱下次寧願幫襯對面初遇反正我覺得佢個蛋餅都無初遇好食。

今日響沙田，午餐試咗間唔錯嘅台灣菜，裝修風格清新，一坐低就有餐牌放低，亦有電子點餐，照顧到不同人需要。另外自助區有清水，最驚喜係有菜 脯和酸菜隨便自取，有誠意。我就叫咗個牛三寶便當，上枱有食盤幾精緻，牛三寶味道適中，亦炆得好淋，份量亦足夠，飯係珍珠米 有咬口，仲有一小碟配菜，配菜入面有粟米和粉絲但出奇地幾好味，而飲品有好多選擇，我就選了一杯熱的薑母茶，薑味重又不太甜。食完好滿足埋單都係69蚊。總結環境舒適、食物味道好、亦有配菜可自助，價錢合理。我下次都會再去試吓其他菜。