迷客夏 (新達廣場)

聽日經過口渴，諗住買嘢飲唔小心買咗甜品杯店員又唔提醒一下，明明我話要無糖少冰佢淨係話冇得既然係咁，佢又冇得坐低食咁就索性係外賣返去先食，都差唔多返去，夜晚係做甜品綠茶凍，同埋桂花凍幾好味，個人鍾意綠茶送多啲不過少少甜米麻糬軟熟芋圓都幾好，冇乜油脂？但係佢啲器皿就弱咗少少，只得來好快淋$37不過不失佢啲仙草本身都甜另外有椰奶俾人，不過我覺得加牛奶好味啲整體而言是一次啦當見好多人買嘢飲 早知買嘢飲清楚🧃…查看更多

一向都好鍾意Milksha嘅仙草杯，但大埔分店嘅員工同食物質素都好差。- 落單時，店員冇禮貌，語氣差。到拎甜品時，我遞番張單俾店員，店員無視。（呢位店員係長頭髮，冇戴眼鏡。）- 衛生問題，店員冇戴口罩，一路整仙草杯一路傾偈。- 芋泥仙草杯嘅芋泥好硬，未煮夠。- 份量比其他分店少，芋泥嘅size係平時嘅一半。…查看更多

金髮收銀女員工態度極差，有喺呢間買嘅都知我講邊個，去得手搖店其實我都唔expect有咩service，行上前落單，佢不斷整理自己手上物品，唔緊要，明白佢忙，咁正常落得單就會俾signal客人，等到佢抬頭，同佢對望咗幾秒，佢先一副俾人阻住收工嘅樣講：「要咩」，把聲細到幾乎聽唔到。唔緊要，門口擠滿等野飲/甜品嘅人，等咗十五分鐘，期間佢不材料入甜品碗嘅時候，不斷大力冚蓋，放甜品上枱俾客人嘅時候更加成碗跌咗落地，跌咗竟然要個排隊等落單嘅客人幫佢拎返上嚟，仲要問個客人有冇漏到出嚟，然後見冇，就照俾點咗呢碗甜品嘅客人。該位客人完全沒有得到道歉、亦沒有被詢問介唔介意拎一碗跌落地嘅甜品，甚至嗰位客人根本完全唔知道呢件事嘅發生。然後，甜品就咁樣直接放上枱面等客人自行拿取，沒有袋，沒有餐具，我上前詢問係咪冇膠袋？該職員望都冇望過我，繼續用蚊滋嘅聲講咗句：「袋要收一蚊」。其實收錢時可否問一句需唔需要膠袋？係咪當每一個客人都係回頭客？好笑嘅係，我並唔係第一次喺度買嘢，每一次我都冇主動提出過要膠袋，亦都冇俾人問過需唔需要膠袋，但每次我拎甜品嘅時候都係有膠袋及餐具。請問迷客夏會否提供多一點員工培訓？或者有冇俾清晰指引或監察過分店員工工作？員工趕客事少，損失嘅只係 貴品牌，但員工暴躁地預備食品，甚至食品當住十幾個客人面前跌完落地都繼續俾其他客人食嘅話，我無法想像我哋望唔到嘅空間入面發生過幾多次跌咗落地嘅事件。希望迷客夏認真對待食品同加強員工培訓。…查看更多

大伏！8點幾去到冇咩人 店員態度超級差 連張單都係pat係枱再飛走仙草甜品嘅份量係其他分店買到嘅一半, 基本上不3下食晒, 係個杯嘅三份一, 唔清楚本身間舖頭係冇Standard跟 定點建議大家去返其他分店！…查看更多

我叫杯草莓芝芝，輪候飛8號，等咗20分鐘，中間段時間，見佢已經叫到10幾號飛，問佢點解唔係跟號碼，佢話做甜品先，呢啲係乜嘢邏輯？ 講到質素，奶蓋係幾滑，不過太稀，冇乜香味，底層草莓似係沙冰，冇乜草莓味，冇果肉，$44唔值…查看更多