5
1
0
港鐵天水圍站 E1 出口, 步行約8分鐘 繼續閱讀
電話號碼
24461189
付款方式
現金
招牌菜
丹麥條 麥包
食評 (6)
等級2 2018-07-13
638 瀏覽
係香港街頭巷尾的麵包店,愈來愈難找到叉燒湯的蹤影,無他,因為叉燒酥難做、成本高,愛食的人也不多,故此買少見少。細個經常食的酥點,大個也想買回來懷緬一番。但在各區買到的叉燒酥,不是硬如石塊,就是餡少得可憐(只落叉燒醬),或者是充滿肥肉,令人想一口吐出。和長輩飲茶,專程搭車到天慈,經過這間其貌不揚的麵包店,叉燒酥剛剛出爐,看起來很新鮮熱騰,買了個叉燒酥來食。樣子脹卜卜的,皮光色鮮。一咬下去,酥皮的香鬆充滿口腔,不用牙力便已和叉燒肉餡混合,鹹中帶甜,酥香中帶些芝麻香,但味道卻恰到好處,十分驚喜。色、香、味全兼,這令人忍不住一口接一口食完(所以沒有影餡料相)。最美妙的是,食完後口腔中竟充斥了微微的蒜香,似有或無,回味無窮。我覺得,我食到了全香港最好食的叉燒酥。這間店有4、5款酥品,例如皮蛋酥、豆沙酥,不難推測師傅應是酥餅大師。至於麵包,則不過不失,還是酥餅更出色。 繼續閱讀
(以上食評乃用戶個人意見 , 並不代表OpenRice之觀點。)
等級4 2017-12-15
428 瀏覽
當大家已經習慣晒, 買生日蛋糕時, 來來去去都係美心東海堂聖安娜Yamazaki之類大型連鎖店時,舊式老派香港特色蛋糕已經漸漸被人遺忘, 小店生存空間亦愈來愈少,剩下的都是有心有力的實力店在掙扎求存, 朋友介紹天慈呢間港底西餅店,做的都是八九十年代流行的港式蛋糕,價錢不貴, 而且味道一流, 蛋糕食落很有質感, 唔會話好似食左"空氣"咁一陣風,只係忌廉(Cream)比較多, 比較膩, 內裡水果亦很足夠, 很希望呢類港底餅店可以有生存生間,也算是我們的一個集體回憶, 抵食好食 繼續閱讀
(以上食評乃用戶個人意見 , 並不代表OpenRice之觀點。)
等級4 2017-05-13
417 瀏覽
\兒時餅舖👧🏻我的下午茶☕️<迪斯餅店>🍪巧克力曲奇🍫($5)▪️🙆🏻天慈邨一間老店餅舖,超超超耐la,門面都裝修左2次🤔❤️我超愛依d懷舊特色糕餅麵包店🤤-🌸細個好鬼鐘意依個 又曲奇又有朱古力嘅餅乾。👉🏾雖然細個買個時($3)😂貴左少少,當買番個回憶🙈不過係大件左,以前個波浪型曲奇係少一格size。-👉🏾細細個就特別愛食朱古力個部分😆仲會特登留到最後享受!依家越大越麻麻地朱古力味同偏甜嘅嘢。🍫朱古力部分真係偏甜,如果黑朱古力就正,可能要配合小朋友嘅口味🤔-👉🏾曲奇部分就好鬆脆😍而且上下兩塊打孖咁夾埋好正,以前中間係有果jam粘埋兩塊餅,會有煙煙韌韌口感,依家食唔到中間有嘢咁滯😭👉🏾如果曲奇牛油香重d就好,勝在唔油膩😬#wwhkfood #uhkfood #hkfoodies #wwhkfood #hkig #hkeat #hkfood #hkfoodie #hkfoodie #foodie #foodies #foodiehk #foodieshk #instafood #foodielife #food #foodstagram #foodlover #迪斯餅店 繼續閱讀
(以上食評乃用戶個人意見 , 並不代表OpenRice之觀點。)
等級4 2014-11-20
816 瀏覽
一早趕開工!快快買個包打底!屋邨麵包店,裝修樸實,唔會花巧!前舖後廚房,麵包即焗,麵包款好傳統,款式多,自己取盤夾個至愛紅豆包!加個提子蛋糕!去櫃台比錢,店員好爽手袋好後比我,有八達通比錢錢!唔錯!紅豆包--即刻食,餡料好多,唔會好甜,配鬆軟麵包好味!麵包有麥香味!唔錯!提子蛋糕--等近中午時食,牛油蛋糕好重牛油味,提子甜!唔會好實!好像莎利蛋糕!鍾意舊式麵包店嘅感覺,新鮮焗好味,唔使賣花巧! 繼續閱讀
(以上食評乃用戶個人意見 , 並不代表OpenRice之觀點。)
等級4 2010-02-23
320 瀏覽
細個去呀麻家成日食大個左少黎呢邊都忘記有呢樣野食朱古力曲奇樣子同以前一樣大小也是不過就多左塊膠片防止癡住其他曲奇味道同以前食既一樣朱古力用料依然是死甜+帶一點可可香兩塊曲奇中間既黃梅果醬酸酸地中和番d朱古力曲奇鬆而不散{xdd}充滿牛油香邊邊位更有少少{火農}{火農}地味好香口so gd而且個度野食比以前多左有豆沙~蛋黃~同皮蛋酥 繼續閱讀
(以上食評乃用戶個人意見 , 並不代表OpenRice之觀點。)