近江八幡 (已結業)

下午1:30，午飯時間也不用等位。選了張細檯，打算慢慢歎午餐。此款吞拿魚魚生雜菜十分好吃，每款配菜和主菜都是我的favorite。吞拿魚和雜菜外，還有流心蛋，左邊那堆紫色有小小清甜味，很好吃，是芋頭溶吧？這款菜下次我還要再來吃。還有餐湯和咖啡，我選了一款特危咖啡要加十蚊，埋單剛好一百元。下午時間可以坐到四點，可慢慢歎咖啡，很多很大的窗口透光進來，可以帶本書來看XDD餐牌裡還有一款午餐名稱很有趣，叫「隔夜叉燒」，我問店員是什麼來的，她很慌張地解釋因為叉燒是隔夜醃製的，才叫隔夜。哈哈其實我倒想試試。下次再去。

放工同同事係公司附近食晚飯，見呢間餐廳新開無幾耐就試下佢啦。佢主打好似係食和牛既，但今次時間關係無試，食左個SET，前菜係個炸豆腐，OK幾香口，豆腐幾嫩滑(無影相)，主菜係海鮮烏冬。個湯底做得幾好幾清甜，有帶子，老虎蝦(幾大隻及算有蝦味)同埋啲雜菇。見佢午餐lunch set都有好多選擇，蛋包飯，和牛腩飯呀咁，好似吾錯，價錢吾太貴，下次可以一試。

話舌兒童節之後果日係紅日,好爛反既ET小朋友就話: 下, 拱冇理由之前個晚唔出嚟架播~結果, 呢班好爛反既小朋友, 就去咗一個有靚仔既地方食靚仔喇~呢間小店真係堅~用拱有限既設備, 竟然可以煮到拱多好嘢~希望佢地越做越好啦~有誠意+好味既小店係好值得支持的~足本: http://hk.myblog.yahoo.com/yr100fungf/article?mid=5585

成年前食過一次午餐，係肉藻飯加椒鹽豆腐，因為同朋友一度食一度傾計，無特別留意，只係覺得肉藻飯都幾好味，椒鹽豆腐就油0左啲。今日一個人去食下午茶時段，本來想食泰式蕃茄肉碎飽餐，但係太晏，賣晒，女店員推介燒汁豬扒飽餐，又試下啦~ 落單時店員都好好有禮，因為多人，因為即叫即整，所以要等耐d。其間見到男女店員(廚師)有好心機遂個飽焗遂塊扒煎。其實最後都唔係太耐，等約十分鐘就有，原來都幾大個，有份量過附近「扒xx王」啲飽。嘩，咬落去，啲燒汁同洋蔥粒除0左滾入口內，亦溜到碟度，豬扒亦好入味，肉質都唔錯。慢慢唉完之後即刻諗住幾時encore~其實本人唔食牛肉，如果唔係，聽完隔離枱個媽媽同個囡講隻「手打漢堡」幾好味，會即刻買個返office 晏d再食~

多謝好友Meling相約，齊齊前往近江八幡試試型男主廚的手勢位於銅鑼灣小街的一角，位置不算起眼但鄰近學校，平日中午或放學後都有不少學生光顧　台式小食、中式小菜、老火靚湯，還有西式漢堡同一店內就找到多款美食，此店應該如何歸類呢?一番討論後，我跟好友都認為「美/型男廚房」就一定無錯口講無憑，睇相最實際，大家一齊睇睇好友所拍下的相片啦!當日趕到時，枱上已經放著一碗由型廚親手煲的花膠嚮螺煲雞湯是一種家的味道，沒有任何味精，清甜而不帶半點油膩另外，這裡的晚餐都有附送例湯，那些就會是一般家常靚湯如果想飲一些特別的，他們都有接受「點湯」但記得要提早預約，價錢可能就要視乎個別湯水而定啦!乳鴿呀~~~其實我真的很久也沒有食過平時家中甚少會購買，通常都是到酒樓做節時會點到不過，一般會安排在蒸魚後，那個時候基本上都已經食飽飽今次這個用上新鮮乳鴿(需預訂)，主廚一早就要到灣仔街市入貨肉質嫩滑，皮薄不會帶來多餘肥膏，味道剛好不會太鹹同樣需要預訂的玫瑰豉油雞，我們都在討論是否走地雞?沒有多餘脂肪，雞皮我都直接照食，玫瑰豉油汁好入味肉質非常嫩滑，而且超厚超多肉，啖啖肉好滿足後來向大廚查詢，才知道這是冰鮮雞，能做出如

點解叫'近江八幡'係因為呢個係日本一個地方有好多出名商人,所以店主可能都希望佢有日成為一位出名商人啦. 今次有幸得Meling邀請一同去試菜,感到無上光榮!!! 小店亦因為招待我地晚上關門一天專心為我地做菜. 兩位俊男親切友善,再加上另一位傳奇食客放工後每日變成義工係小店幫忙落單,送外賣,各人用心經營小店,一定要多多支持!!!!套餐價錢吸引,食物質素當然亦唔錯啦!! 花膠嚮螺煲雞湯 - Simon特地為我地煲個滋潤靚湯,清甜美味,絕對感覺到係用心煲出黎.脆皮乳鴿 - 用上新鮮乳鴿,鴿味濃郁,皮脆肉嫩,再加上次前已經用鹵水醃夠味,完全有酒家水準!!玫瑰豉油雞 - 入口酒香滿溢,味道一流!! 而且肉質嫩滑,正呀!!! 椒鹽豆腐 - 炸得香脆,而且豆腐豆味濃,美味小食!椒鹽鮮魷 - 魷魚新鮮,椒鹽味唔錯,不過略為油膩,可能油溫要高一點.Simon同阿俊係廚房努力緊,我地就係度等食,影相.Simon呢個手打漢堡係必食之選. 即叫即做,落足材料又點會唔好食! 再加上Simon既心機,絕對要加分!!跟住再煎,原來最後仲加少少紅酒等佢更香!!!! 真係冇得頂. 好過乜乜burger果d多多聲啦!!

朋友的新店開張，邀我帶同愛吃的友人去試菜，去到才發現，大廚是兩位美男子！左邊的健美先生是大廚 Simon，曾參演電影《安非他命》以及參加2005年度香港先生，難怪手瓜起腱！右邊的美男子是香子俊，香港棒球代表隊投手，曾參演電影《無野之城》以及演出益力多廣告（我頭髮長，唔代表我係飛仔）。晚上7時去到店裡，看到店內熟客都是年青的女孩子，個個都坐在看到廚房的吧檯位置...當堂明白哂！這間小店位於銅鑼灣信德街，客源來自附近的酒店、醫院、教堂及學校，平日午飯時間最旺場。店內提供的都是 Simon 最拿手的台式或港式小食及簡餐，價格親人。從天后地鐵站走過來至少要10分鐘，先來一杯薄荷梳打，抖抖涼。等人期間，大廚先奉上他親手煲的花膠嚮螺煲雞湯（要預訂）。雞湯用已去皮的雞去煲，不會油膩，清甜美味。脆皮乳鴿（要預訂），用新鮮乳鴿紅燒，據說是刻意走到灣仔街市入貨的。玫瑰豉油雞（要預訂）肉質很嫩滑，我們以為是用新鮮雞做的，到大廚開估才知道是冰鮮雞。那個玫瑰雞汁很惹味，相信用來浸雞翼也會好吃啊。椒鹽雙寶（鮮魷及豆腐）用來佐酒最好，不過這裡未有酒牌。然後 Simon 主理我最有期望的「手打漢堡」（@HK$28），

睇完唔食都知唔好食師兄既食評，很想來試試個滷肉飯同漢堡，礙於地點問題，一路都未有機會幫襯，係附近工作，一於黎試下。一點半，午飯時間，人客不少，剛好有位。有五、六款選擇，想要的係滷肉飯，落單時得知原來只剩梅子排骨同埋吉列豬扒供應，連飯也賣哂，只有烏冬同白麵。只剩兩款之下，要了排骨加個小食炸豆腐。店子小小，即叫即整，要等上好一會先有得食。梅子排骨，淡淡既梅子味，排骨有點韌，白麵食落煙煙韌韌咁。豆腐外層炸到金黃色，食落夠脆，入面無炸到老哂，依然軟滑，不錯的，係有點油膩。是次供應款式實在少，未能食到個滷肉飯同埋漢堡，友人亦幫襯過亦有類似經驗，是時間問題，還是怎樣，真的不知道。這裡食物還可以的，希望供應問題是個別事件吧。

知道這店子開業了好一陣子，苦無機會一試，趁這一期要在這兒有點事做，一連找了兩個下午來，試勻它們最有名的滷肉飯及手打漢堡包。第一回來要了滷肉飯，見有餐供應的，只是三十多元包一碗滷肉飯、一客椒鹽豆腐或雞翼，另外再包一杯飲品，加了一點錢轉了要柚子梳打，也不用四十元，真的很抵，先來談從兩者中選出來的小食椒鹽豆腐，見店家一絲不苟的取豆腐去炸，用了計時器計時，感覺是非常的認真。一客有六至七件的豆腐，每件一口份量，外層夠脆內層香軟，更傳來陣陣豆香，是難得的，而店家用上的椒鹽，是先炸好再後加的，有點避風塘的炸蒜的感覺，而不是牌檔式椒鹽豆腐，吃起來的味道誇張了一點，個人不是太討厭這個做法，但還是覺得牌檔式的是好吃一點，也沒有一粒粒蒜鹽阻礙了豆腐的軟滑。之後來的是一碗滷肉飯，以一個飯碗盛着，白飯上是一點白菜仔及肉燥，另外店家說是日沒有弄滷蛋，所以另煎了一隻荷包蛋給我，說實話，如他不說滷肉飯是有一隻蛋的，我是沒可能會知道的，他也真的很老實，蛋煎得蛋白也有微焦，吃起來脆口又還有蛋白的滑及香，蛋黃的部份以個人而言，是熟了一點，但仍有些微的蛋黃汁在流動，算是一隻不錯的煎蛋了。談回那碗飯，真的未放入口，鼻子已經聞到