農米莊

營業中

休息中

🫶🏻藥膳雞藥膳雞以其獨特藥材搭配而聞名，呢啲食材不僅增添左風味，仲有助於滋補身體。雞肉鮮嫩配合藥材香氣，讓人一口接一口，十分美味😉🫶🏻椰子雞椰子雞則以將雞肉與新鮮椰子水一同煮製，帶有淡淡椰香，口感清新。雞肉係椰子水浸潤下，更加鮮嫩多汁，湯底甘甜可口，十分解渴😍😍

今日過來太子, 今日唔食椰子雞, 今次叫左芫茜☘️雞🐔湯轉拉麵, 另外加左芥蘭, 亦叫左凍央🧋少甜少冰, 等左一陣飲品送到, 飲左一口, 味道唔差👍, 又唔係好甜, 咖啡同奶茶比例剛好, 再之後送來芫茜☘️雞🐔湯拉麵, 果然好多芫茜☘️, 充滿綠色😂, 飲一口湯先, 有芫茜的香味, 芥蘭就份量一般, 唔算好多, 食啖拉麵先, 浸左湯唔錯, 份量一般, 不過會夠飽😀, d🐔都比得幾多, 唔係全部好多骨無肉的位置, 都有好多肉, 食落都好滑👍👍, 皮我就咬左無食到😅😆整體味道唔差, 坐得都舒服, 合共65元, 價錢都叫合理, 而且食完唔會勁口渴, 不過比較之下, 我個人就比較喜歡藥膳雞同椰子雞了😅

今日過來太子, 唔知食乜嘢好🤪又來食農米莊, 今次唔食藥膳雞🐔, 今日叫左椰子雞🐔🥥, 清淡又有益, 另外加左杯凍咖啡少甜🥤, 等左一陣碗麵送到😄, 大大碗, 賣相好吸引😘👍, d🐔上面望到d椰絲🥥碎, 習慣也是飲啖湯先👍, 好清甜, 飲到好香的椰子🥥味, 飲落亦唔會好肥膩😍, 食啖拉麵先, 浸左d湯, 味道唔錯👍👍, 份量十足, 食舊難🐔先, 份量都好多, 食落亦都好滑, 肉質好嫩🥰, 雞🐔皮例牌去掉唔食, 一啖湯一啖麵再食口雞🐔, 真係好唔錯, 入面有雲耳同二只好香的冬菇👍🍄‍🟫, 我自己亦另外加左份菜心, 浸左湯, 好食🥰😍, 份量足夠, 而且價錢合理😜, 凍咖啡味道都算唔錯, 唔會太苦😅, 下次唔想食藥膳雞的話, 都會叫依款🤪, 食野期間都聽到附近去多女顧客都同樣是叫椰子雞🐔🥥

聽聞呢間雞湯米線仲有養生之道一直俾大家大力推薦嘅，專程遠道而來一嚐滋味😋😋懷舊藥膳雞湯米線🥘呢碗米線一眼睇落就見到用料超足，令人垂涎三尺🤩除咗有滑溜溜、鮮嫩到出汁嘅雞肉🐔，仲搭配咗冬菇🍄、雲耳、支竹、豆卜同生菜🥬，每一啖都充滿層次，口感非常豐富。最重點係呢個藥膳米線嘅湯底，簡直就係靈魂所在👏👏湯底入面加入咗枸杞、紅棗、川穹、蟲草花等多種嘅滋補食材，每一種都大有來頭🤩🤩枸杞明目養肝，紅棗補血益氣，川穹行氣活血，蟲草花滋陰補腎。每啖湯都蘊含住養生嘅大智慧，一啖落肚，暖笠笠嘅湯水順住喉嚨滑入去，全身嘅毛孔好似被打開咗一樣得到深度滋養，真係養生之道、養生之選嘅最佳體現🥰難怪咁多人都對呢碗米線愛不釋口，極具養生功效嘅藥膳雞湯米線真係好惹味呀😋😋

本身都唔興留食評，但呢間嘢太過分。開頭睇網上啲人大贊以為呢間嘢好好食，點知所有嘢味道都好奇怪。入嚟叫咗個花雕醉雞米線、太極鴛鴦皮蛋，同花雕糖心蛋。先講個花雕醉雞米線，唔知點解剩係得個鹹字，唔好話花雕連一啲酒味都無，從來未見過啲咁難食嘅湯底，啲米線好硬，好似食緊橡筋咁。個太極鴛鴦皮蛋唔知點解有浸魚腥味。最好笑係個溏心蛋，連個樣都唔知，食落去一pat嘢咁。真心唔知點解樣樣餸都可以咁難食，入去俾錢買難受。嗱嗱臨埋單走人。

藥膳雞湯的湯底帶有濃郁的中藥材風味，卻不帶苦澀，清甜中帶點微辣，清爽不膩口，甚至可以單獨享用作為一道滋補湯品。每每品嚐完，我總是不由自主地將湯一飲而盡，享受那種滿足感。配料方面，雲耳的爽脆、枸杞的甘甜、紅棗的香甜以及蟲草花的微苦，相互輝映，為湯底增添了層次豐富的口感，令人回味無窮。農米莊以其堅持不添加味精的湯底而聞名，喝完後口中一點也不覺得乾澀，反而保持口腔清爽。這種用心烹調的美味湯底米線實際上是一碗有益身體的滋補料理，讓人品嚐之餘也得到養生之效。總體而言，農米莊不僅提供健康又美味的食物選擇，而且價格合理，處於中等水平，絕對值得一試。無論是對於喜歡傳統風味還是注重飲食健康的食客來說，這裡都是一個理想的用餐選擇。

不再光顧！以前係旺角食過好多次都好好。我好鐘意今次係太子食各方面都差。落杯凍檸水走甜少冰，最後比杯凍檸茶我，叫店員換番同時提佢記得走甜，都仲比杯凍檸水有甜既比我😑我朝早10點幾去，無乜客點解一杯野飲都可以錯完再錯？我見隔離枱個叔叔拎杯水都叫左三次。最後埋單 ，個店員嬸嬸見到我企係收銀但都唔叫同事幫我收錢（另一個店員撳緊手機），要我大聲講「唔該」先走過黎收錢，仲要態度唔係好。食物亦都一般般 唔知係分店唔一樣定真係差左。

為咗食晏而隨便入咗去 嗌咗個四十蚊嘅四寶米線等咗十零分鐘終於上菜 送咗兜都係有啲丸嘅米線 湯同食白粥一樣咁淡 咁嘅價錢我不如喺街邊食麵舖魚蛋粉張單放咗喺張檯條邊 有個疑似係經理嘅女人行過 見到張單就話送錯 聲大夾惡咁叫我補返十蚊差價或者換返原本嗰兜 當時已經食咗小半 叫咗佢去換 同時將條匙羹翻轉笠住咗舊丸唔使一分鐘佢喺廚房度拎返兜嘢出嚟 淨係喺面落返啲蔥花 條匙羹依然喺原位 直接畀咗隔離枱咁嘅服務質素只能用垃圾嚟形容 好自為之

收工好攰想食雞湯米線養下生諗起旺角呢間近近哋又好食就去馬旺角其實有兩間分店, 一間喺豉油街感覺上人流旺啲, 通菜街呢間moko一落天橋就到, 好方便同少啲人, 啱我呢啲食飯慢嘅人都無咁大壓力lol坐低選擇困難咗好耐, 到底食返舊嘢comfort zone定試新嘢, 最後衝住menu養生兩個字揀咗藥膳雞湯米線, 結論係我份人應該唔啱養生, 本身仲諗住有紅棗個湯會甜, 但唔養生開嘅我覺得有啲苦, 其實就係藥材味, 食開嘅人應該接受到, 係螞蟻人揀錯湯QQ友人食個招牌椰子雞湯爆炸好味, 我係咁偷湯飲, 好濃好甜, 啲雞都唔會好鞋, 以我成日周圍食米線黎講, 呢間一定有encore

今日黎到農米莊食嘢， 諗住食清淡啲，嗌咗個椰子雞湯米線， 好有驚喜， 忍唔住食咗幾啖先影相， 每嚿雞都好大舊， 好嫩滑， 塊雞皮好爽彈， 個椰子雞湯唔會話太濃， 好有椰子嘅香， 仲有好多配菜， 下次再黎

因為買蝦蝦既關係又行金魚街，頂住個烈日實在無胃口食飯，路過農米線就決定坐陣嘆陣冷氣醫下肚🌴本身見到店門張貼告示有龍蝦米線異常吸引，但價錢突破百五，令我反思100蚊都買到100隻極火蝦BB，就果斷叫左個麻辣雞肉米線連生菜黑金雞翼小食套餐取而代之麻辣雞肉米線個湯底嘅麻辣味完全係流於表面，只有輕微辣味，而且一啲都唔覺得麻，炸豆卜硬梆梆連吸收湯底都做唔到，主角雞肉更甚，冇乜脂肪之餘，食落去啲肉都好嚡，完全係百份百雞胸肉，米線偏硬味道淡，可能係因為佢品牌賣養生湯底，但係同麻辣就好似相違背。生菜連黑金雞翼本身係要加錢先有嘅，特價$10都幾抵，生菜就正正常常，反而係個黑金雞翼就非常之驚艷，雞翼異常肥美飽滿，表面個醬汁十分入味，帶輕微甜味，10蚊2隻，好食過個麵最後杯咖啡過多奶好甜，失敗☹️仲有店員都有種慢條斯理既感覺，明明店內得4，5個客人都好似應付唔黎，收錢都等3分鐘

是咁的，呢度既「藤椒魚皮」正常情況下，上枱係： • 魚皮連醬同油，凝固成一大舊既半固體。於是乎，我哋就試下用筷子分開呢一舊野。用力先分得開做幾舊野，而啲魚皮，仲係痴住一大堆油。咁我哋就試左角落小小： • 魚皮係唔脆，軟皮蛇，唔凍。我哋就問個待應，佢話：不嬲都係咁架喎！就行開左。但佢見到我哋影相之後，又好緊張咁行番黎問，洗唔洗換過一碟。好喇，換完出嚟一望⋯⋯都係一樣，今次只係將啲魚皮分番開做一塊塊(可能係同一碟)，而啲醬汁，都係一堆半固體既油同醬汁。呢灘混合物： • 見到，又唔開胃；食左，又好似會肚痛咁。待應今次冇行開，叫我哋試下啊。但我哋見到”第二碟”魚皮，都仲係咁既樣，我地唔敢冒險，挑戰自己既腸胃。就提出可唔可以退。咁個待應都肯退(呢一下，佢個態度唔算差既)。我知$58蚊貨仔，唔可能追求話要好新鮮。我亦都知圖片只供參考，但個質素同賣相，實係差太得遠。魚皮痴到實一大舊，半固體。我哋有食開旺角嗰間農米莊，佢哋既「藤椒魚皮」，都唔係咁樣。睇番comment先知，原來有其他人都中過伏。 • 結論，太子呢間唔會再去！

極少寫食評，呢間農米莊只可用”沒有最差，只有更差” 來形容。椰子雞湯米線- 雞件冇雞味，湯底又唔熱，米線口感過腍(一直食米線沒有要食爽口嘅要求）。藤椒魚皮 - 魚皮唔係爽口，食落口係腍仲要漿口，完全冇諗過係咁嘅口感。 今晚盛惠$117，呢餐飯錢比跌$$$落海更難受。P.S. 最初打算叫柚子豬軟骨米線，見到係柚子，咁咪問清楚侍應是否柚子湯底，她回答清湯，🤔，再問多次柚子豬軟骨米線喎，回答係清湯呀。大家會有乜感覺？就係咁叫咗碗椰子雞湯米線

今日同班隊友喺旺角練完波，隊友們都會去指定一間米線店度聚餐兼傾偈，平時練完波我都會返屋企食飯，但今日屋企冇煮飯，所以跟咗佢哋去一齊食，原來佢哋平時都係去開一間叫做農米莊嘅雞湯米線店度食米線，傾吓今日練習嘅成果同傾吓偈，呢間米線店主打雞湯米線，但係我見到都有湯飯同酸菜魚之類米線，仲有啲特色飯，同好多小食揀！我問我啲隊友最好食係啲乜嘢？佢哋話如果你第一次食就食椰子雞湯米線啦，咁我就選擇咗椰子雞湯米線，果然碗米線一到，冇介紹錯好香嘅椰子雞香味，雞仲好滑….唔怪之得佢哋成日都嚟食囉！我諗我以後同佢哋練完波都會一齊再嚟食！😋

今日出開去，金魚街買啲寵物用品，順便睇吓有冇啲得意嘅貓貓狗狗，睇吓行吓，原來都成兩三個鐘，😓見肚仔有啲餓就搵吓附近有啲乜嘢可以醫下肚…..經過一間米線店，門口寫住一碗可以連湯都飲晒嘅米線，就入去試吓你係咪真係咁犀利先？呢間米線店主打食雞湯米線有椰子雞湯米線，同我最鍾意嘅藥膳雞湯米線，雖然仲有好多款式，仲有市面好少嘅黑蒜雞湯米線，但我最終都係揀咗藥膳雞湯米線，因為最愛藥材😋碗米線一到已經聞到陣陣嘅藥材香味，佢呢個味道就係我最鍾意嘅藥材香味，又唔會好苦好濃啱啱好！最終我真係成碗湯都飲晒，😂果然真係冇講錯！