13
0
1
港鐵深水埗站 D2 出口, 步行約4分鐘 繼續閱讀
付款方式
現金
以上資料只供參考, 請與餐廳確認詳情
食評 (20)
等級4 2023-05-06
4237 瀏覽
【深水埗區】【農場餐廳】以前細個喺荃灣,見到荃錦中心開咗間好大嘅農場餐廳,不過一直都冇機會試,佢就已經執咗。再之後先發現,本身有嘅幾間分店都執晒。聽公司一位叫安安嘅老師傅講,佢哋當年淨係收現金唔收信用咭嘅,都幾有性格喎。之後知佢哋東山再起,但係個規模已經大不如前。最近仲有單玩到網上好似有罵戰出現,牽涉一啲 YouTube 片嘅,我都有睇涉事短片,係講到間嘢幾唔掂。不過我從來都唔隨波逐流嘅,梗係要自己親身過去體驗吓再分享啦。去到發現都幾難叫嘢食,原來店員縮晒喺右邊嗰間嘢嘅廚房度。諗唔到食乜,見枱面 menu 有牛魔王套餐就叫個「牛2」食吓,$168 有「紅酒鵝肝牛脷」拼「美國 12 安士極級 Prime 肉眼扒」跟紅酒汁,有湯仲有維他檸檬茶。估唔到有驚喜,個扒係幾好食,所有嘢都幾正。不過個紅酒汁係敗筆,非常難食,成兜意粉唔要得。但佢其他嘢係好食,所以促成咗我二訪去食「牛3」,都係 $168,都係入去畀咗錢叫嘢食先,今次係「香草忌廉火箭魷魚柳」。本身想拼「極級 Prime 20 安士蘇格蘭牛肋骨」但佢哋冇所以要返肉眼扒,我仲加 $38 要埋「牛脷」,今次都有湯同維他檸檬茶,意粉就跟香草汁。今次終於係成份都好食,魷魚、魚柳、牛扒、牛脷,啖啖肉又好食,勁滿足。我本身預佢可能有啲嘢唔得所以叫多碟牛脷,點知全部都好食,唯有用 $2 買個膠盒攞走,唔好浪費,夾埋 $208 好抵食。講環境佢真係好一般,感覺好似好罨耷咁,但誠然佢啲嘢食上菜時係乾淨企理,肉類性價比高,絕對有下次。。。(地址:深水埗南昌街81號地舖)#1amfoodie #foodie #hkfoodie #thatfoodiething #hkfood #food #instafood #yummy #foodlover #tasty #globaleats #tastyfood #foodpics #followforfollowback #love #eat #1am深水埗區 #深水埗 #南昌 #農場餐廳 #牛魔王套餐 #紅酒鵝肝牛脷 #美國12安士極級Prime肉眼扒 #維他檸檬茶 #香草忌廉火箭魷魚柳 #極級Prime20安士蘇格蘭牛肋骨 #牛脷 #1am0949 #1ambackup 繼續閱讀
(以上食評乃用戶個人意見 , 並不代表OpenRice之觀點。)
等級4 2023-02-08
3087 瀏覽
there are food fighters everywhere, i was one of them, getting free food by given good comment. i dont want to hide my truth and lie and i stopped.u cant even trust the comment by others.u cant ever taste the food by a glance of photo.only you can trust is your tongue.of coz u cannot trust me. i am nobody to u.but it is worth trying.138$ 12onz ribeye. quality nearly 300-400$ outside west food.only complaint, 50% cook, turn out 80%.beef quality good, thats why still good taste.will be back thanks.#food #likes #delicious #sweet #bhfyp #vegan #dinner #breakfast #cake #homemade #healthyfood #lunch #foodstagram #healthylifestyle #yum #foodphotography #dessert #foodblogger #foodlover #omicron #foodig #hkfoodpoet #閃電五連鞭 繼續閱讀
(以上食評乃用戶個人意見 , 並不代表OpenRice之觀點。)
等級1 2022-12-21
2807 瀏覽
深水埗附近買完野順便食個晚餐。醒起呢年好出位既農場餐廳就係呢頭,本住試伏既心態去試,點知竟然係盡與而歸。先旨聲明我唔係收錢寫,係食完之後好滿意,小心眼既我唔抵得某啲藝人借人上位、某啲網民跟風,我先係到寫個食評幫手平反下。食物方面,太后叫左份9盎羊架 ($98 無餐跟),我就叫左個牛魔王套餐1號 ($168) 。羊架7成熟。擺得都叫靚仔,又夠大份;羊肉嫩口,夠香,但小小羶味走唔甩。不過呢個價位你想點?出面一條架都賣你$40啦...牛魔王套餐1號包左12盎肉眼、法國水晶蝦、翡翠螺。隨餐跟西湯、汽水、鳳凰卷(??)同埋一份小食 -- 半隻燒雞。隻燒雞泥到真係以為上錯,一問先知係原來係跟套餐既小食... 而同場另一台都有叫套餐既客見待應無啦啦每人上左半隻雞都打左個突,即刻問係唔係上錯菜。隻雞係香滑嫩口既,唔係渣流灘。根據本人成日被迫幫襯Cafe既經驗,呢份野加兜薯條已經係一個$150 up 既main。再講呢份主菜。肉眼3成熟,肉嫩多汁無筋,比好多扒房都好味。12盎咁既質素$168 (仲未計配菜同隨餐附送) 可能真係要去牛場買牛自己煮先得。另外特別想提一提隻蝦可以揀刺身或煮熟。我多口問左句點解可以剌身,職員答番隻蝦係法國水晶蝦 (天使蝦),係剌身級既蝦。可惜係上菜時隻蝦(同螺)無分上,撈左D牛扒汁,搞到成件事扣左少少分,假如餐廳另上海鮮又會係另一回事。不過瑕不掩瑜,生食夠彈牙,蝦頭啲膏好鮮,無礙成為一條好蝦。環境方面,開係深水埗係咁架啦,你想坐靚啲咪去食Cafe囉。當然啦,小小意見,open kitchen 真係要個好小小既抽氣扇,唔係成間餐廳都幾迷幻下,希望老闆會執好少少個環境,等大家都食得開心啲。服務方面,老闆主內,另加一個樓面做晒個場。可能因為乜都即煮,出餐要等下,不過等待期間老闆會送野你食,成件事平衡番。總括而言,你要CP值,要食好西既,呢到有。但係仲想要乾淨企理,錦鯉可能就太貪心啦! 繼續閱讀
(以上食評乃用戶個人意見 , 並不代表OpenRice之觀點。)
等級2 2022-07-22
4888 瀏覽
雖然地方淺窄,但勝在牛扒新鮮大件,平民價錢,快靚正,可以自己帶酒水。所有扒有唔同重量任君選擇。深水埗區內平價牛扒選擇唔多,適合單人食飯。牛扒餐有湯或飲品,飯或意粉選擇。 繼續閱讀
(以上食評乃用戶個人意見 , 並不代表OpenRice之觀點。)
等級4 2022-06-05
9862 瀏覽
90年代應該很多人都知這間餐廳有很多分店,經過時代變遷,前幾日有朋友發現門面招牌仍是昔日模樣,一定要去「懷愐」一番。店舖簡潔,擺放井井有條,地方不太大,餐牌亦不多選擇,人流不太多。吸引之處餐牌價錢真的一分錢一分貨,別說百多元一個套餐,份量十足,但等候必須要耐性,可能半小時以上慢慢上菜,提提大家趕時間要考慮。可取之處是感受到老闆果份熱誠,就算連一杯熱檸檬茶都有講求溫度,更何況牛扒幾多成熟!但真係完全可以食清,牛扒不太厚,口感味道適中,香草汁好特別,待客態度亦很誠懇,埋單仲問下意見。大家來之前可以上網找找這間餐廳資料去了解一下老闆果份堅毅。 繼續閱讀
(以上食評乃用戶個人意見 , 並不代表OpenRice之觀點。)