農場冰室

魚柳包超級好美，又大件，個包好鬆化，冇雪藏味，早餐算呢區數一數二。反而豬扒包就有舊骨，如果冇骨就比較好，好容易咬到啊，但肉質好淋，奶茶有待改善，可能覺得太興奶茶好飲啲啲。…查看更多

去完堅尼地城海旁打完卡同女仔fd睇完戲，緊係要係附近食個飯啦，附件都幾多西餐但女伴又想試下d地道既餐廳，於是就揀左農場冰室，比茶餐廳高班既質素又唔會太貴。今次揀左黑椒汁三文魚雞扒，完全係未試過既組合！🤤如果你又想食肉又中意三文魚絕對值得你試，如果黑椒唔岩你仲可以揀蒜汁嫁，非常貼心👍🏻女伴方面，就揀左蒸咸魚肉餅飯，坐係對面都聞到咸魚味，正呀🤤👍🏻飲品方面，仲有咸檸樂你揀，開胃得黎又有特別既口感。🤤…查看更多

焗粟米牛脷飯（$44）牛脷切條，有厚度，彈牙有口感（但有兩條比較韌）。焗牛脷飯個人比較喜歡茄醬。飯底係炒飯，夠乾身。焗咖哩雞扒飯（$44）唔係我想像中嘅咖哩汁，似馬來西亞辣沙嗲汁多啲，但又幾惹味，撈飯唔錯。生炸雞脾配薯條（$42）有用咖哩粉做底味，炸得唔錯，外皮脆，中間啲肉仲有汁。薯條夠脆身。PS：只收現金…查看更多

農場冰室 (堅尼地城) 每次揸車經過見到都好想試吓呢一間農場冰室❤️ 感覺會幾好食🤣係堅尼地城唔錯嘅選擇 餐廳嘅餐牌有好多唔同嘅選擇 每一樣嘢都好吸引 而且價錢都好優惠❤️▫️常餐 香煎豬扒配出前一丁 黑松露炒蛋跟蒜蓉厚多士不得不讚佢嘅豬扒真係入味 唔係鞋拾拾個種 而且更出前一丁都唔需要額外加錢👍🏻▫️焗蜜桃豬扒飯炒飯底 同上面香煎豬扒一樣都係好入味 不過略嫌佢焗得未夠耐📍 農場冰室 (堅尼地城)香港島堅尼地城吉席街38號地下A舖…查看更多

成日經過堅尼地城都見到這間農場冰室，不知和從前的農場餐廳有無關係？今天和朋友食晏，在懷念舊日和好奇心驅使下，入去試了兩個午餐，失望而回。記得以前農場餐廳的羅宋湯好好飲，而這間餐廳又有「招牌羅宋湯系列」，一定要試試。所以叫了「燒焗雞扒配羅宋湯通粉」（$53）。另外叫一個是日午餐「焗鮮茄牛脷飯」（$58），還特意將餐飲改為羅宋湯。餐奶茶和羅宋湯最先來到。奶茶好普通，羅宋湯都好普通！羅宋湯不算大碗，味道夠但不夠濃郁和偏甜，只得非常少的雜菜，只能說是不過不失。隨後來到的是牛脷飯，奇怪焗飯何以比通粉還快？原因好簡單，這個所謂焗飯只是快速焗溶牛脷上的幾粒芝士，基本上只是把獻汁淋面的「燴飯」。望着這碟牛脷飯的螢光蕃茄汁不禁失笑，真的好港式好懷舊。螢光蕃茄汁是七八十年代快餐店常見醬汁，主要材料只是麵粉、油、糖、茄汁和花奶！時代進步，這個沒有「鮮茄」的「焗鮮茄牛脷飯」算不算違反商品條例？焗飯的白飯無炒底，只是加了幾粒炒蛋碎；牛脷有4塊，都夠腍。蕃茄汁中無任何配菜，你加幾粒雜豆都好吖，現在變得整碟飯好頹。它唯一的優點是白飯夠硬和乾身，啱我不愛吃軟飯的人。通粉最後來到，湯底是羅宋湯，今次有少許雜菜，本身是唔錯的。可是，通粉烚得過腍。雞扒夠味，不過完全感受不到餐牌所寫的「燒焗」二字，雞皮軟趴趴非常難食，而部份雞肉卻又炸到硬倔倔。舊日香港過去就過去了，懷念也無用，不會再有一次。…查看更多