57
16
8
港鐵銅鑼灣站 F1 出口, 步行約4分鐘 繼續閱讀
電話號碼
28811331
開飯介紹
去骨雞翼裏面包著熱騰騰的糯米飯﹐煙煙韌韌的滲著油香﹐炸到脆卜卜的外皮﹐咬落去口感十足﹐這便是農圃飯店的「古法糯米雞翼」﹐淨係睇到都流口水啦! ! 實在值得一試! 繼續閱讀
特色
同客食飯
營業時間
今日營業
11:00 - 15:00
17:00 - 00:00
星期一至日
11:00 - 15:00
17:00 - 00:00
付款方式
Visa Master 現金 AE 銀聯 JCB
座位數目
100
其他資料
酒精飲品
自帶酒水 詳細介紹
泊車 詳細介紹
電話訂座
外賣服務
加一服務費
電視播放
招牌菜
杏汁白肺湯 豬肺湯 鮑魚 糯米雞翼
食評 (86)
等級4 2021-04-24
181 瀏覽
嘆點嗜人的我,景然忘記此處,老闆登一聲提起,來。 我們不是坐大廳,有的神秘感,侍應帶我們往一間大房,內有四張枱,相隔都寛,雅緻清静,有部大電視機在播馬,啱老闆,最滿意。 枱上有碟XO醬,瑤柱多及香,接受微辣,但不及夜上海,但此處收$40,貴的。 餐前小食本是牛,都幾吸引,因老闆不食,轉涼瓜-甘甜,另一小食青瓜-青甜,二款都爽口及顏色碧綠,加香油及芝麻,我反而歡喜。 早前得悉,巳故點心太斗勛叔,改良玉液义燒包要求,酸鹼中和,雀型及皮饀比例46,適當爆口,好講究,好多時高级餐廳做到,除咗皮餡比例,但此處做到,皮4餡6,义燒漲滿,义燒香及嫩,咸甜得宜,皮爆口開花靚靚@16。 煎焗蓮藕餅$72,以前食過多數蓮藕粒與肉餅攪埋煎,此處是二片夾鯪魚肉及豬肉兩邊煎焗,賣相吸精像一個個金錢,意像吉利,但蓮藕不爽不粉,差少少,但餡有魚鮮味,香煎後混合一體,咸甜有道,也蓋其不足之處。 煎素鵝$88,淺金黄色,好似一件一件金磚,心想齍腐皮又幾好食,咁我就錯,一層薄脆外皮,軟绵腐皮肉經油炸洗禮後,爆發美妙豆香滋味,但又不油膩,正 珍珠雞@30,打開聞不到荷香味,發現原來只用鮮荷葉,無用乾荷葉,扣分,2隻飽魚~薄,鲍味欠奉,有蛋黃(好少酒樓有加入,特別帶起色香味,我係好恨有),臘腸,蝦米,豬肉,冬菇,足料,糯米軟糯,以此價算合理。 蛋白杏仁茶$45,蛋白溶於杏仁茶,香滑,因食過香宮杏仁茶後,已經是除卻巫山不是雲,但此價巳做到滿分。 燕窩流沙壽桃$28,外皮香軟,有光澤,外形不像桃,有粒的,似乜?,撇開真的流沙蛋黃香彈出,起沙有丁丁啫喱-燕窩,奶黃味蓋過。 繼續閱讀
(以上食評乃用戶個人意見 , 並不代表OpenRice之觀點。)
等級4 2021-02-07
579 瀏覽
從前一到年尾,例必很多年夜飯,今年由於疫情關係,很多人已改送禮或者將晚餐改為午餐,午餐吃得精彩,對筆者來說,更有更充足時間消化⋯⋯二人限聚令,將中菜轉化為西餐做法,每位上,又另有一番滋味。前菜醃青瓜和牛筋,青瓜配白酒,牛筋配紅酒,相當夾檔。鳳眼帶子餃、鮮蝦燒賣、笋尖鮮蝦餃~午餐當然唔少得點心坐陣,每樣一粒,做得皮薄,很喜歡那蝦餃,笋尖味道很爽口。農圃古法釀雞翼~端上枱時熱騰騰已覺吸引,錫紙包住,用手吃唔使煩,筆者一向認為,用手吃,味道會更提升。除了用糯米外,更加入蝦米、肉碎、還有絲絲的蟹肉緊扣著雞翼,配當日帶來的白酒,更帶出那白酒花香的神韻。焗蟹蓋~點點葡色風格,很喜歡那洋蔥的甜香味道和蟹蓋是好朋友。原個南瓜海皇鮑翅~一個人將整個南瓜KO 確係唔野少。南瓜翅感覺上健康咗,但一個人將整個翅幹掉,老實說,吃完已經相當滿足。用料絕不馬虎,海皇翅有質感。鮑魚汁炆伊麵~陳皮紅豆沙湯圓~嚟到甜品時間,筆者已飽得滿滿⋯⋯湯丸唔算太甜,恰到好處,但筆者最欣賞的,反而是忘記拍照的脆麻花,薄脆唔會太漏喉。香港人因疫情下不斷改變,無論食店和食客,也因為疫情,也不斷磨合政府的政策。二人的限聚令原來可以嚟得這樣精采,多謝朋友的安排,滿足。 繼續閱讀
(以上食評乃用戶個人意見 , 並不代表OpenRice之觀點。)
疫症快啲走,可以再去食我最愛嘅中餐廳農圃啦!之前冇得堂食,唯有食住佢岀嘅罐頭鮑魚同蘿蔔糕頂住當先,好味道每次都要食佢嘅招牌糯米飯釀雞翼,咁多年都保持到咁好水準,皮脆肉滑糯米飯有口感,好吃這個烏雞金華火腿手肘翅,啲魚翅非常粗份量多,湯底濃而不鹹,食過返尋味再來個蜜汁煎金蠔,外脆內軟,甘香撲鼻,甜甜地很開胃這個辣炒包片真係不得了,用完隻超大九孔鮑切片,辣椒肉碎葱一起炒,很香口惹味,送飯一流南乳燒雞冇得輸,雞皮脆卜卜,雞肉超嫩滑,很入味,不油膩最後,整個上湯豬潤浸枸杞,豬潤很滑冇異味,湯底味濃,同埋個菜一齊食,好滋味次次黎樣樣都想食,停唔到口,咁多年水準都保持得咁好會一路幫襯 繼續閱讀
(以上食評乃用戶個人意見 , 並不代表OpenRice之觀點。)
等級2 2021-03-07
201 瀏覽
我第一次來到這間餐廳是,大約是我八歲左右,估唔到一食就食左二十幾年。基本上我每隔一個週末,就會與家人來到這間餐廳食午飯。直接進入主題,lunchtime時其中一個特色是點心是一件一件點的。比如說,如果燒賣你寫入(1),就只會有一件。所以縱然你只有一、兩個同事陪同,也可以試到很多不同種類的點心。因為響其他中式餐廳有陣時一籠點心來到就已經有三、四件,好快就撐飽晒。另外,我通常都只會午餐時候來,因為午餐點心的價錢都唔算太貴。而晚餐menu上的餸菜都幾好豪華下,我無咁多budget。如果有budget的朋友,不妨試試他們晚市的鮑參翅肚!餐廳的管理人是非常熱情招待客人的。唔係因為我你得多才熱情,就算新的客人來到,他們也是非常熱情。人情味很濃厚,基本上所有的職員在近十年都是同一班的,有些更加已工作超過30年!食物方面,基本上都是超水準的。我個人最喜愛點的是魚蓉湯米線。不過真是acquired taste。有些朋友未必頂得順魚湯,就可能唔鍾意食。但是我個人非常喜愛,所以食左20幾年都會點。湯非常鮮甜,而米線則煮得剛剛好,不會太硬也不會太軟,與魚湯的配搭相當合襯。其次要講講是他們的鮑汁鳳爪。雞腳入口即溶,無需太多精力去啃骨。配上濃郁的鮑魚汁,香氣沖天,感覺上膠質也很多,所以在吮鳳爪時非常入味。之後要介紹吓就是他們的湯水。主打杏汁豬肺湯。要知道在自己家洗豬肺是多麼痛苦的一件事!難得有餐廳準備豬肺湯,每次我都會試試。基本上冇一次係有任何腥味。杏汁本身是略苦的,但加上豬肺湯熬出來的精華所帶出來的鹹味,相輔相成,羊湯非常鮮甜可口。另外,湯渣亦都好好食。順帶一提,湯渣裏面有好細的鳳爪,撈落湯內讓鳳爪吸收豬肺湯的精華,把湯飲晒後,然後先再食,個感覺好滋潤。其他點心,例如沙茶醬牛肚、燒賣、蝦餃、蘿蔔糕、春卷及叉燒包都唔錯。牛肚醬汁略鹹,口味輕的朋友未必鍾意。有個特別西式點的焗響螺及焗蟹蓋,兩款都好好食。內有鵝肝、蟹肉、蟹膏等等撈埋來食。啖啖肉,不過可能有點Heavy。最近,他們有時候也會提供花螺。季節性,不是每一次都有。不過如果有,就真係要點。他們煮出來就好似去了以前銅鑼灣避風塘炒螺的感覺。他們用花椒及其他醬料煮成汁,配上花螺後,簡直一絕。完全將花螺的鮮味吊了出來。花螺本身有少少嚼口,但湯汁入味,所以好正。最後一道招牌菜走去他們的古法糯米雞翼。他們將糯米釀入雞翼然後煮熟。過程是怎樣,我真的不曉得,但只可以話這種配搭好特別。我個人覺得有點heavy,但係鍾意食糯米的朋友,應該會幾鍾意這種煮法。當然有讚,也會有彈。食物質素高、服務態度良好、環境擺設舒服、室內整潔乾淨等等,我都非常認同。唯一的敗筆,是洗手間。可能已裝修多年,我發覺大部份的中式餐館,尤其是有10年以上歷史,洗手間總是衛生上緊緊合格。他們也不例外。或許是大廈本身去水的設計問題,洗手間總是有點漏水的痕跡,裏面的洗手盆及廁格及門柄等等都是部份生銹嚴重。不過現在市道不佳,所以短時間應該都無計。總結來說,你可以話我有點偏心,因為我已經來到這個餐廳超過20年。同時,你也可以話這個餐廳的質素一直保持得很好,所以舊顧客20年來一直都定時有來。所以,大家如果有年長的一輩, 喜歡高質素的中菜、有人情味的服務態度,大家不妨一試。最後,你在場上會見到很多以往明星來訪的照片,其中不得不提的是Adrian Brody! 繼續閱讀
(以上食評乃用戶個人意見 , 並不代表OpenRice之觀點。)
等級2 2021-01-25
342 瀏覽
星期日又係一家人出去飲茶嘅時候。限聚令之下;枱要分兩張坐、茶都要開兩壺、點心兩件兩件上,唯一一樣係一齊嘅係張單🤣🤣🤣疫情開始時,農圃已經會將所有餐具放喺熱水到浸住。到客人坐低,侍應先會放D消毒過嘅碗筷喺枱上。我覺得農圃好貼心,唔使客人自已「浪」過熱水,搞到張枱一灘灘茶漬、水漬。農圃除咗食物水準同服務質素好之外,最吸引我個仔嘅係佢地有一個成幅牆咁大嘅魚缸。魚缸入面好多色彩繽紛嘅熱帶魚喺度游來游去,可以令小朋友淨係望住D魚而唔睇iPad 😂😂😂如果個仔問我:「今日去邊度食飯呀?」我答佢:「魚缸酒樓。」佢就會知道🐠🐡蝦餃燒賣叉燒包呢啲我就唔再介紹喇,因為每次都嗌,每次都熱辣辣,味道好👍🏻➡️帶子凰眼餃($18/隻)賣相精緻,有完隻鮮蝦同少少芹菜做餡。蟹籽同紅蘿蔔碎佈喺面,真係亮晶晶。➡️馬拉盞炒腸粉($68)平時通常會叫X.O.醬炒腸粉,不過今日試吓馬拉盞,換一換口味。馬拉盞好惹味,加埋椰菜絲同芽菜一齊炒,更加爽口。奶奶就覺得咸咗少少同辣咗少少,不過我鍾意重口味。➡️鮑魚絲燴蛇羮($388/碗)雖然話係一碗,但係份量係一碗半。我自己冇試到,老爺話用料充足,鮑魚絲同蛇肉都好多,連配料嘅薄脆、菊花瓣同檸檬葉碎都唔馬虎。老爺話食完成身暖曬。➡️魚翅海鮮石頭飯 ($198)個石鍋燒到好熱,上枱時仲係好滾,名符其實嘅新鮮滾熱辣😄海鮮包括有蝦、帶子、班粒、蟹肉。魚翅份量就一般般啦,每碗都有三、四條左右,(其實唔落都冇所謂,我唔想食翅)仲有D杞子,甜甜地,食落似福建炒飯,不過an upgraded version,都值得一試。 繼續閱讀
(以上食評乃用戶個人意見 , 並不代表OpenRice之觀點。)