8
0
0
港鐵奧運站 B 出口, 步行約4分鐘
繼續閱讀
電話號碼
35903787
90962957
營業時間
今日營業
12:00 - 00:00
星期一至六
12:00 - 00:00
星期日
全日休息
以上資料只供參考, 請與餐廳確認詳情
有關獎賞計劃
朋友推介去試呢間「辣雞製造」，佢係一間酒吧餐廳，位於大角咀嘉善街地鋪。除了有室內位置，亦提供有露天座位。餐廳環境及氣氛都非常不錯，內外都有打咭位，可以食野兼打個靚咭。食物方面有各款特色小食：冷盤小食、特色小食煲、脆炸小食及懷舊小食。另外有令我非常感興趣嘅《一口蠔》（$148/6隻），共有六款酒配搭選擇。至於主食有招牌《皇牌汁爆烤雞》（$288/隻）、《火焰紅酒燴羊膝》（$238）、《西班牙爆脆烤乳豬》（$328），由於數量有限及製作需時，所以記得必要預訂。最後仲有三款甜品供應，可謂非常全面。此外，更有半自助午餐，都只係$88/Head，非常超值。至於飲品方面，都頗有心思，客人可「Make Your Own Drinks 」，自己可以選搭不同汔水、果汁、烈酒或水果，非常有趣。其他有 Classic Cocktail、Mocktail 、Red Wine 、White Wine、Beer 等，至於吾飲酒嘅朋友，亦可以選擇coffee & tea 。朋友千叮萬囑一定要試烤雞，所訂枱時已經預訂一隻烤雞。聽店長介紹呢隻《皇牌汁爆烤雞》需最少早一晚醃製及風乾，然後再等客人到達後才即時烤焗。上枱是熱辣辣，大概抖5-10分鐘後起動，果然烤雞勁爆汁，入口肉質爽彈及超嫰滑，雞皮則香脆惹味。餐廳會提供手套、濕紙巾及較剪，亦有十款不同特色醬汁及辣粉供調味食用。果然係一隻令人一試難忘嘅正雞，推薦必試。另一必試嘅一定係一口蠔，我選了《白酒一口𧐢》，$148有6隻，價錢確實不貴。當生蠔遇上白酒，兩者味道即刻互相提升。一啖入口，白酒令蠔更鮮味，如果喜歡食蠔嘅朋友一定要試。《炸魷魚咀》（$68），呢個都驚喜，第一次食到咁大粒魷魚咀，份量頗多。表面脆粉不厚，炸至金黃香脆，配上鮮檸檬汁及酸辣醬，粒粒香脆彈牙，香口惹味，送酒一流。《焗忌廉芝士菠菜》（$48），菠菜焗製時間恰好，菜保持嫰綠不老。配搭忌廉芝士汁，健康好味。本來想試《香辣鮮雞雜煲》（$88），可惜當天售罄，所以改試咗《香辣雞腎》（$48），用泡椒、花椒等醃製，開胃小食。餐廳更有辣粉、辣醬供客人選購。特設 15:00 - 20:00 Happy Hour 時段，指定飲品可享有 Buy One Get One Free，收工後仲趕得切嚟飲香幾round ，順便食埋隻烤雞添。
繼續閱讀
這是一家酒吧餐廳，位於大角嘴嘉善街地舖，室內環境獨特、室外也提供了露天座位，下雨天或者大太陽也不用擔心。室內也非常適合打卡拍照留念，最適合戴上朋友過來。營業時間下午三點開門啊。
繼續閱讀
兩條女去食雞真爽， 果然有驚喜，原全有誠意，隻雞一定要試～super juicy 超級極力推介，記得提前一天預訂！竟然熱辣辣俾我兩辣妹戴套手撕蒸發咗，差啲唔想吐骨！食得大辣嘅我， 當然要試暈晒所有辣椒醬+辣椒粉， 個人至欣賞老闆獨家自製嘅辣鹽同埋蔥油醬，一試愛上咗。仲有第一次食辣雪糕， 其實聽落幾九唔搭八，但係真係竟然咁Match Woo👍🏻最後認識咗戴綠色眼鏡框，鍾意研究辣椒嘅老闆，好欣賞他對食物嗰份熱誠。加油呀！值得低讚！ 支持您地！ 🥳
繼續閱讀
無辣不歡既朋友今次搵到一間有100萬倍辣辣椒餐廳想試下傳說中既變態辣，佢好醒目咁樣訂左位同預留左店家出名既《皇牌烤爆汁雞》，睇片就睇得多人試變態辣，親身試上陣都真係第一次呀~餐廳位於大角咀但好近奧運站，大貓銀行花園平台樓梯對面就到，位置好方便；餐廳係以酒吧形式，但吸引我既除左係佢型格既門面，仲有係門口當眼位風乾櫃入面轉轉下既雞，同店員八卦得知原來每隻雞要風乾2-3小時再搬去烤爐塗上滿滿既蜜芽糖烤上30分鐘先可以出爐，怪唔之得要預訂啦!!．皇牌烤爆汁雞 $288 (需預訂)原隻雞以支架站立支撐，除左打卡一流之外，更可以流出部分油分；除左雞係主角之外，仲有一盤調味料都係重點之一，亦係我朋友今次既目標。一碟以輪盤造型既辣粉，分別係- 100萬倍辣辣椒油(博士級數) : 唔好講笑，自問平時都算食得辣點少少已經可以令條脷麻同標汗，完全滿足我試一試既心態~- 20萬倍辣椒粉 (碩士級數): 唔知係咪因為粉同油既關係，20萬倍的確麻度輕微少少(但依然係變態辣級數)，總之都係好麻好麻既一種辣粉~- 蒜味辣粉 (大學year 2): 比起上面兩樣款算係再溫和少少(只係少少)，係辣味中間都食到蒜味- 海鮮味辣粉(大學畢業生) : 以為再過一格辣度會更輕微少少，果年少年就係太年輕，顏色同位置唔代表一切呀~- 煙燻辣椒海鹽 (準備考DSE): 係辣粉果5格入面最鐘意既，少少辣味配以少少鹽，兩者比例平均，同烤雞肉好夾- 水牛城醬(小一級數) : 唔會太酸唔會太辣，係一個會不斷點既醬汁- 蜜糖芥末醬 : 對比起其他醬顯得有少少普通，但如果唔食辣既朋友，就會多一個選擇- 甜酸醬(幼稚園級數) : 酸酸辣辣，非常開胃- 薑蓉蛋黃醬: 好新既配搭，真係好似平時燒味店切雞飯果種味道，朋友推推- 煙燻茄汁醬 : BBQ醬，配烤雞非常適合，我既個人推推~不得不提既係餐廳選用既辣粉係香港製造既X1493品牌辣椒粉，我都係第一次知道香港都有自家製變態辣椒粉~講返隻雞先，隻雞size大，但火喉控制係真係啱啱好，因為皮脆肉嫩超juice~皮脆既程度係好似燒鵝一樣嗦嗦聲，烤得非常香口；肉身滑嫩多汁，連雞胸雞柳都唔係柴既，而且餐廳好貼心咁準備左手套同較剪方便支解成隻雞，加分加分~有個有趣位係調味盤上面有隻轉轉雞公仔，方便一大班朋友飲酒食飯既時候可以玩啲小遊戲，大懲罰當然就係100萬倍辣油啦~．魔鬼魚塊 $88係一碟炸魚球既菜式，魚肉細滑，而且無骨，方便唔識食魚既我；個醬非常開胃，係甜酸醬+柑桔味，保留左南亞風味加配上柑柑中和左辣味，入口食到少少酸到後期先會感受到辣，係一個神奇既醬汁．香辣豬軟骨煲 $78小小一煲，但分量十足，豬軟骨煲到好淋，花椒紅油汁一齊煮，每一粒豬軟骨都好入味，值得一提既係配料既洋蔥好煮到好好食~．甜甜蕃薯條 $68新鮮橙芯蕃薯切成條炸，脆脆外皮配上黑松露沙律醬係一個無得輸既酒吧必點之選．Bloody Mary 生蠔(配Tabacco) $168小小一shot bloody mary加入大大隻生蠔一口飲落去好滿足，生蠔肥美新鮮一啲怪味都無，bloody mary 蕃茄味較重，就好似平時食生蠔加少少茄汁一樣，所以味道上超夾呀~．New Jack $58 Order 左一杯mocktail 叫New Jack 係菠蘿汁+可樂，大大一杯菠蘿味突出但唔係糖水既死甜成為左我全晚既救命水呀~
繼續閱讀
十款斷魂辣醬🧀鐵板拉芝酥薯🌶️酥脆嫩魔鬼魚！-200萬度SHU卡羅萊納死神辣椒，聽名已經知道夠辣，呢到有個招牌10款醬料轉盤，轉一轉隨機小辣或爆辣，真係一抽入魂。而呢間新店明顯主打燒雞，一入黎已經見到個仿炭火烤雞爐，而且都係用上無激素日本靚雞，放滿檢測證書，絕對係專家。-🍗皇牌烤爆汁雞 ($288 需預訂)🥗任食自助沙律吧 (+$28)呢到全部用上日本靚雞，肉質唔需要懷疑，雞油脂同肉味濃郁，重點係烤嘅過程火喉剛好，鎖緊肉汁，一撕真係爆汁，睇相都見非常嫩滑。🌶️醬料：▪️薑葱蛋黃醬 ▫️水牛城辣醬 ▪️蜜糖芥末醬▫️柑桔酸辣醬 ▪️煙燻辣茄醬 ▫️煙燻辣椒鹽▪️享辣原味粉 ▫️蒜香辣味粉 ▪️海鮮辣味粉▫️獨辣辣辣油 ▪️斷魂剁椒醬 (最辣)足足10款醬料任配，雖然好幾款都加入X-1493死神辣粉，但其實當然辣度經過調製，有大辣有小辣，成件事更加刺激。-🧀焗拉絲芝士酥薯粒 ($78)必叫之一，鐵板一上枱仲滾緊，芝士熱溶拉絲，重點係薯粒𠝹過，焗得酥脆，而且超有層次。🥓魔鬼魚塊 ($88)少有地用上魔鬼魚，粒粒炸香，外脆內嫩，而且真係帶有濃郁鮮味，沾埋上邊10款醬料一流。🌽拖肥牛油粟米 ($48)🥖一口炸雞塊 ($68)🥨鹽酥雞腎 ($68)-🥘麻辣雞煲 ($78)🍖麻辣豬手粒煲（$78)呢到除咗香辣，亦有麻辣，而且都係自家調製，而且豬手都係來自日本，綿滑又膠質豐富，令人難忘。-冷盤小食：🥢香辣雞翼尖 ($48)🥢酒糟杞子浸小春子 ($58)作為雞料理專門店，除咗烤全雞，其實由雞內臟到雞子，呢到都有得食，特別係款酒糟雞子，真係驚喜地入味好食。-🍫Shake Shake 辣粉雪糕球 ($78)配上Shaker杯，加入辣粉同雪糕後，大家可以自己Shake，然後店員再點火淋酒，而朱古力一向同辣味超夾，玩法定味道都超過癮。順帶一提，自家調酒亦係呢到主打，上邊嘅嘢食都超啱佐酒，聚會一流，一班人黎食就啱哂。
繼續閱讀