辣蟹莊

營業中

休息中

今晚同屋企人去食中餐，揀左位於觀塘嘅辣蟹莊！見到佢哋有個"🦀食蟹必食雙配"嘅套餐都覺得幾吸引！套餐包一個主菜，主菜當然系避風塘薑蔥炒蟹🦀再可以配多一個海鮮，我哋見到海鮮嘅選擇都非常多！最後我地就揀咗🦞上湯澳洲龍蝦(套餐$698)成個套餐， 無論🦀蟹同埋🦞龍蝦都非常新鮮，肉質厚身又夠彈口，隻蟹嘅蟹膏仲超級多！而且份量十足，仲夠曬入味！食到最後，店員仲問我哋要唔要糖水，我哋都話已經食唔落喇，決定下次再嚟試吓其他海鮮嘅配搭！

今日同老公想出街食飯，喺駿業里一路行一路搵，見到新開呢間辣蟹莊，因為自己鍾意食蟹，所以就走咗上去試。佢新張sell緊套餐，蟹加另外一款海鮮，我哋揀咗蟹加花甲，蟹嘅煮法有好多多種，原先想揀薑蔥，但老公話是其他，結果是咗黑胡椒。另外叫咗一隻乳鴿同埋一個雜菜煲。侍應好殷勤，坐嘅環境都好舒服，點菜嘅時候我哋最後點雜菜煲，但部長話食完蟹同乳鴿先再落雜菜煲，如果唔係驚啲餸凍晒，覺得好貼心。由於我哋早食，約6:30pm, 所以得兩三枱客，但越近食飯時間就越多人，都坐滿半個廳。最先嚟嘅係花甲，老公覺得細隻點，但我覺得還可以，都有好多肉，唔似得有啲大牌檔，叫豉椒炒蜆好多得個殼，無乜肉食。跟住就係雜菜煲，上菜時有個小蠟燭保溫，以$138，份量略嫌細，但賣相同味道都OK。之後嚟乳鴿，熱辣辣，好味，但佢就一開二，比較難處理，如果一開四會好啲。最後等咗好耐隻蟹都未到，我估漏單，追咗兩次先嚟，我哋揀咗黑胡椒，好惹味，蟹好新鮮，係肉蟹，仲有手套俾埋，唔使食到隻手好污糟，整體啲餸嘅味道都唔錯。埋單嘅時候，見啲下難都幾貴，花生，茶錢，白飯，全部都係$16。但整體感覺唔錯，下次諗住試飲茶。

爸兌爸喜歡吃海鮮，今天跟他及家人到訪香港二十多年老字號「辣蟹莊」，環境衛生舒適，提供多款蟹膳及海鮮菜式，新張期內避風塘辣蟹配搭不同海鮮價格相宜-避風塘炒蟹配上湯澳洲龍蝦炒蟹加入大量香口蔥蒜，以傳統方式煮理，炸薯片蒜配以新鮮薑蔥，香辣惹味而不感油膩，肉蟹蟹肉鮮嫩多汁又入味；原隻南澳龍蝦肉質爽口彈牙，啖啖鮮甜肉汁在口腔內滲出，齒頰留香-金薯一口安格斯安格斯牛粒軟嫩輕韌，牛香豐富，經走油的金薯外脆內糯，薯香濃郁帶蜜糖味道-海皇什菜煲上湯鮮甜，什菜翠綠鮮嫩，蝦肉及鮮魷新鮮爽甜-七味金磚豆腐炸至金黃香脆，內裡嫩滑得入口即化，加入七味粉更滋味

中午去食，以為會難搵位 （觀塘平日lunch time基本間間餐廳都要排隊），結果得4，5成入座率… 好驚訝，結果到上菜時就知道原因…食物賣相差，味道一般，而且分量好少，燒賣細粒到一個點…但價錢唔平⋯⋯咁嘅價錢，觀塘酒樓大把選擇。價錢到質素唔成比例…咁嘅質素好難做回頭客⋯⋯

服務人員態度殷勤，坐椅舒服，靠窗座位可以望到對面Ind Park公園，環境開揚舒適。點心配搭別出心意：牛油果春卷、啤梨鹹水角、肉骨茶鮮竹卷…… 食物夠熱、味道不錯。堂食生日蛋糕不單免切餅費、仲送上過了熱水的餐碟：窩心。參觀了不同大小的房間，最大房間可坐17人，正！