影片
以上資料只供參考, 請與餐廳確認詳情
位於灣仔一間唔起眼嘅泰國餐廳< 炸魚配泰式芒果沙律 >條魚炸得十分香脆但係魚肉仲係好滑條魚上菜嘅時候好夠熱配埋芒果沙律 唔單止冇令到條魚凍咗個甜酸程度 同條炸魚好配合< 泰式木瓜沙律 >雖然睇落冇乜顏色但係十分之夠味個人而言有啲太辣當晚食嘅兩道菜都好滿意比較重口味同埋偏向泰國啲嘅味道
繼續閱讀
今日和皇后在灣仔一帶揾食，在囍帖街一帶找到這間小店，感覺幾有泰國風味，於是決定入內試試⋯⋯黃咖哩雞~微辣的黃咖哩，啱晒我們不勝辣的口味，雞用上雞髀肉，無骨落地，懶人之選。薄餅$28~即叫即做，還切開一件件方便進食，可是咖哩到來已一段時間，待咖哩涼了，薄餅還未到來，幸好熱騰騰的薄餅和那和暖的咖哩中和番。🤭🤭生菜包~由於筆者和皇后都不嗜辣，所以點了小辣，辣度適中，奈何生菜和肉碎都是水份太多⋯⋯軟殼蟹卷~當晚筆者最喜歡這個卷，生菜、甘荀絲、芒果、軟殼蟹，酸酸甜甜，醒胃清新。整體來說:泰國小店，雖然人手少，但仍樂意跟單，會令客戶再次到訪。
繼續閱讀
今日行過想食啲刺激少少嘅嘢，所以就揀咗泰國菜。下午1:00左右去食好，好彩唔使排隊即刻佢咁啱又一張枱。地方唔算好大，都有啲似喺泰國嗰啲普通餐廳，侍應姨姨應該係泰國，因為口音好似同佢講一兩句泰文佢都回應到你餐牌上面一開始係用泰文之後就係英文，真係要翻譯幾句先睇得明。聽日佢又午餐餐牌叫咗一個豬頸肉炒飯，泰式芥蘭菜。份量適中一個女仔都食得晒，豬頸肉唔會太肥，而且份量都正常。之後我哋仲嗌咗一個雞肉乾炒河，係我好鍾意食嘅泰式河粉，比起平時嘅河粉會長啲扁啲，而且黏啲，份量都好適中，撈埋炒蛋食好好味建議大家都選呢個做星期五愉快午餐，當然如果覺得油膩嘅話就可能揀飯會比較適合。午餐都有好多選擇，大概都係$80左右嘅價位。我哋最後仲叫咗個蟹肉奄列分享，相對嚟講，油會有少少，如果得兩個女仔應該食唔晒，炒蛋比例會多啲，都炸得幾香。
繼續閱讀
平日午餐套餐。$75豬肉豬肉丸船麵可轉寬河粉，包凍飲。喜歡蔬菜多，有椰菜、通菜及各種泰式香料菜。湯頭甜，喝清光下午沒有口渴。肉片的肉質也不錯，沒有雪味像新鮮肉，帶一點點肥肉。肉丸小小的，彈牙好吃。下午一點多到達，稍微過了午飯高峰不用排隊。後面陸續有食客，生意不錯。店舖小小的，大概一共能坐下二十幾三十人。位置稍微狹窄。裝修極簡風，就像泰國小店。冷氣是足的，在爆熱的夏天很appreciate。滿意會再來。
繼續閱讀
呢間泰國舖頭平民化又抵食，就係囍帖街隔離嘅豉油街。點咗個炒椰菜苗，即係Brussels sprouts, 炒得好香，唔會太軟，亦都唔會太硬，有蒜香味。跟咗點個炸魚，炸魚非常好食，炸得金黃色嘅，啲肉呢亦都好鬆化，你就算唔掂個甜酸醬都非常之好食。最後點咗pad Thai, 炒得好香口，非常之有泰國嘅味道。禮拜五我哋坐到9:00都仲有番枱，證明呢間鋪頭都唔錯！呢度服務好好，至於環境呢，坐嘅位置就有啲似大排檔咁啦，整體嚟講都幾舒服。
繼續閱讀