辣寶寶 (已結業)

以前一直都有食開呢間，都係熟客嚟。今日喺呢間舖頭買咗個冰粉，返到去見到入面有啲懷疑喺霉菌（下面有相）嘅嘢，以前食開都冇，所以就WhatsApp問係啲乜嘢，佢哋馬上話可以退款，想息事寧人，然後聲稱呢啲灰色嘅分枝狀物體只係「花椒磨粉」（大家睇相自己判斷）。然後我拎返落去舖頭俾佢地睇，想佢了解吓係啲咩嚟，有個女店員望咗一眼就話「冇乜可能係霉菌，因為跟足程序做」，然後就話退返碗冰粉嘅錢。由於我已經食咗幾啖落肚，所以就問佢假如之後腸胃有事要睇醫生會唔會賠返醫藥費，結果個女店員就即時起曬槓叫我哋記住跟返司法程序，要證明到淨係關個冰粉事，「悉隨尊便」隨便拎去化驗。事後仲冤枉我拒絕佢退款，話我哋主動提出要化驗，話自己可以提供返錄音，但我提出叫佢提供返錄音之後，佢又唔敢（因為佢心虛知道我地真係冇講過）。講真，如果唔係身有屎點會不斷主動提出要退錢息事寧人（何況只係15蚊）。食物質素本身已經一般，而家食物安全懷疑有問題都仲可以咁嘅態度兇返個客轉頭，各位灣仔區嘅朋友要小心。…查看更多

lunchtime行過諗住試下佢個佢招牌既手撕雞蕎麥麵, 我仲加左雲耳, 中辣.見到店員一黎就係到將d雲耳撈辣醬之後舖上一個好似已經一早已經整好入哂盒既手撕雞蕎麥麵入面. 睇到都心知不妙🙈 返公司一睇, 得d雲耳有辣, 手撕雞冇辣都算, 但係個蕎麥麵唔知放左入盒幾耐, 所以用筷子一夾起d麵係痴住哂完全係一餅野咁. d麵淋哂最底個d仲要糊糊地係勁難食. 身為一間專做外賣既舖頭, 撈麵類都可以整定入盒先真係太冇誠意🙈🙈…查看更多

叫左涼皮（$25）加手撕雞（$8）同豬大腸（$8）。佢地用既係闊身涼皮，質感算彈牙，調味汁既味道無咩特別，但可惜兩個餸既味道強差人意。睇佢地餐牌，手撕雞應該係重點推介之一。份量唔算少，味道無咩特別，但肉質有d奇怪，唔係梅既但好林，林到咬落冇咩口感。豬大腸唔似鹵過/用其他調味事先煮過，食落無味，似就咁白灼完就拎出黎撈多d。如果本身個調味汁係惹味既，可能都還可以，但配佢而家呢個汁既話係完全唔夠味。作為配料既花生唔係好脆。另一點值得留意既係拎到上手盒野係暖既，食既時候某d食材係凍既有d係暖既，即係一盒野入面既食物有唔同溫度，感覺好怪。…查看更多