324
84
73
港鐵旺角站 E2 出口, 步行約7分鐘 繼續閱讀
電話號碼
23388221
開飯介紹
香港第一間供應韓式燉雞的餐廳,燉雞份量足,加入大量蔬菜和水晶薯粉燉煮,鹹甜辣三味紛陳,值得一試。 繼續閱讀
營業時間
今日營業
12:00 - 15:00
18:00 - 00:00
星期一至日
12:00 - 15:00
18:00 - 00:00
付款方式
現金
座位數目
60
其他資料
網上訂座
酒精飲品
泊車 詳細介紹
電話訂座 詳細介紹
賞訂座積分
加一服務費
有關獎賞計劃
食評 (517)
等級4 2018-11-22
125 瀏覽
近年韓式餐廳開到成行成市,炸雞、燒肉、傳統菜色咩都有。放工同老姐食飯,對方一愛食韓國菜,拍板話食呢間既辣雞。餐廳位於旺角中心邊近火車站附近,店面有兩層,坐得舒服,有特色既圍欄間住每個SECTION好有自成一閣FEEL。我地兩個女仔食,點左個奶奶雞、點左沙冰同小食,份量唔細,賣相都唔錯。先講芒果奶昔沙冰~~睇個名都估到係芒果+奶昔加冰打埋一齊,飲既時候要啜幾下再等D冰溶咁啦。芒果沙冰D冰打到好綿,奶昔中和左芒果既微酸好夾~飲落幾舒服,朋友本身有敏感牙齒既都無覺得痺,大大杯慢慢飲!海鮮蔥餅~平時食開果D都偏油,一係就粉槳較多,又或者配料比較少,再唔係就海鮮雪藏唔算新鮮帶微硬,就同酒樓食薄撐咁款。但呢間海鮮蔥餅海鮮切粒,煎到兩面黃表層微脆微,加埋個醬汁,有畫龍點晴之感,好食。芝士蛋菜卷幾好食,外脆好脆~口感唔錯~~再黎點左個泡菜小龍包,過下口癮,同平時食開爆晒汁既唔同口感,入面食爆塞晒滿滿既泡菜,咪睇得四粒,好飽肚下不過全晚最令人驚喜既係呢個~~登登登~~辛安東元祖奶奶雞上枱一刻仲有一剎那後悔點左兩個小食,份量多到開頭驚會食唔晒不過好明顯係過慮了,因為惹味到徹底清晒倉,份量夠兩-3個人食有突,個汁好正、雞肉又入味夠嫩無咩肥肉~~激推~我地兩個暴龍清哂所有野食飽住走,好滿足既一餐,下次會再ENCORE幫襯一來旺角區方便二來好食三來韓國菜食咨來說價錢相對不算貴期待再有驚喜! 繼續閱讀
(以上食評乃用戶個人意見 , 並不代表OpenRice之觀點。)
今日又去同肥仔食野,今次去食韓式燉雞,自己真係比較少食,一於睇下呢間韓國過江龍點樣,係香港開左好幾年相信唔會令我失望。餐廳都唔細,有成兩層,有啲便條仔比食客寫下留言。黎到當然係食辛安東元祖奶奶雞,另外試個韓式泡菜小籠包。Like facebook 送野飲~韓式泡菜小籠包 $58幾有創意!將中韓合壁,雖然佢係韓國餐廳,但都唔會求其整小籠包,小籠包外皮唔算薄但都唔會整到好似食粉果咁厚,其實似返本身既韓式蒸餃子,唯一做唔做小籠包既係冇比醬油同薑,泡菜夠哂多,不過唔知係咪怕有啲人唔食辣既關係,泡菜冇乜味,亦都唔辣,略為淡味左啲。辛安東元祖奶奶雞(半隻) $158叫左半隻試下,怕叫全隻唔好食會浪費。比我感覺望落去似香港既「啫啫雞煲」,都係用豉油為主,有得揀辣度,就揀左小辣,原來仲有啲配料,例如洋蔥、薯仔同埋韓式粉絲,食落微微辣味,帶啲豉油咸味,肉質唔算特別嫰滑,但都可以,更加入味會仲好。因為已經係旺角掃左街食左少少野先黎,所以試左兩樣野食,埋單每人$100多啲都唔算太貴。 繼續閱讀
(以上食評乃用戶個人意見 , 並不代表OpenRice之觀點。)
以前係韓國住過一排,所以都見到我成日食韓國菜,韓式燉雞係其中一種我最愛既韓國菜,其實韓國當地屬始祖級既「辛安東元祖奶奶雞」好早到殺到黎香港開分店,係韓國時都成日食,覺得好入味好嫩,今日終於食香港既分店。餐廳環境餐廳反而選址係甜品街之稱既「白布街」,有成兩層,設計有啲復古味道,亦有用返韓式餐廳做設計藍本,上層間左幾個位,好似獨立房咁,坐位都好寬敞,每張枱枱面仲放左個EMOJI牌比你影相。餐牌當然主打係食韓式燉雞!除左招牌辛安東元祖奶奶雞,仲有芝士奶奶雞、野蠻奶奶雞、海鮮奶奶雞,個名好盞鬼,當然仲有前菜、小食、飯類等等。辛安東元祖奶奶雞  $158(半隻)$258有全隻,不過想同友人食下其他野,所以叫半隻就算,半隻份量都夠2個人食,辣度都可以揀,分左大、中、小、無辣,我地就揀左小辣。有啲似內地既「大盤雞」,以湯汁浸住,唔稠身,比較水,以食得辣既人黎講小辣其實都完全唔辣,以醬油味為主調,肉質正常,同我係韓國食既相比差左啲,唔夠入味,燉既時間唔夠耐。配料仲有紅蘿蔔、薯仔,仲有另一主角水晶粉,食韓式燉雞一定要有水晶粉,因為索哂啲味!芝士拉絲卷 $58有8小件,上層鋪左一塊芝士,驟眼睇仲以為係蛋卷皮壽司,入面餡料有火腿、蛋、青瓜、紅蘿蔔。食落芝士味唔會搶左整體既味道,仍然食到紫菜同飯香,但如果你為左芝士而點呢一道紫菜包飯可能會失望,因為佢其實拉唔到芝,只係紫菜包飯之上鋪上芝士塊,加上芝士唔係重口味果款,不過我咁中意芝士既人都覺得有時芝士只係配角用以調味,唔一定要搶風頭既。送野飲店員叫我地Like Facebook page仲送檸檬茶或者雪碧。本身以為兩樣野食唔會夠飽,點知都OK,連大食既另一半都話夠,可能因為有燉雞本身配有水晶粉,唔係話好飽但係食完個肚係舒服岩岩好,但相對上韓國店所整既更加濃味同入味,香港店既淡左少少。 繼續閱讀
(以上食評乃用戶個人意見 , 並不代表OpenRice之觀點。)
等級4 2018-10-24
482 瀏覽
返工前黎左旺角搵野食,發覺好耐無食過韓國野了,所以黎左辛安東元祖奶奶雞食韓食。佢既地點位於白布街,不過唔係喺大街,但地鐵站行過黎個幾字左右,所以都好方便👍🏾👍🏾門口擺左d獎牌,原來佢都拎過唔少獎🏆🏆鋪頭雖然唔算好大,一眼就睇得哂,但都好寬敞,唔會迫,坐得都好舒服😌😌每個坐位都擺左個水壺,可以方便食客自己湛水。杯都係韓國既杯,非常地道👍🏾午市既餐牌都好抵食,價錢都係$42蚊起,仲要有埋野飲😍😍我叫左個韓式芝士炸醬麵🤤🤤韓式芝士炸醬—— 炸醬同芝士醬都非常之多,差唔多充滿住整個麵。撈左一齊之後,條條麵麵吸收哂所有精華。炸醬一d麵唔辣,雖然撈左芝士,但食落去每一淡都食到炸醬同芝士味,互相既味道唔會比大定搶左⭐️⭐️⭐️⭐️⭐️另外,我叫左個豚王生菜包$88佢既樣貌同餐牌個樣完全一模一樣。首先,試下咩都唔點、就咁食。非常之juicy。但佢既肥膏超多,食落每一口都係肥豬豬🐷,罪疚感極重😱就算唔包生菜、唔點醬,都已經好入味。再試埋包生菜,加上泡菜同蒜片,食落又係另一個層次。生菜可以令到豚肉無咁溜,就算包埋泡菜食都唔會覺得好辣。十分讚👍🏾👍🏾👍🏾👍🏾👍🏾 繼續閱讀
(以上食評乃用戶個人意見 , 並不代表OpenRice之觀點。)
等級4 2018-10-23
724 瀏覽
太耐無去過韓國了,有d懷念家鄉既味道。所以今閒相約妹妹黎旺角行街兼食辛安東元祖奶奶雞😋😋😋呢間鋪有著韓國既風味,門口既牆身都掛滿客人寫既吊牌,充滿住人情味☺️鋪頭亦都放左d pops比人影相用,岩哂三五知己黎聚會👍🏾👍🏾原來辛安東元祖奶奶雞拎過幾次OpenRice 既優秀開飯大獎😱😱鋪頭唔算大,但佢既擺設都有特色,好中意佢盞竹藤既波波燈,而牆身既告示板都貼左好多客人既照片👍🏾👍🏾黎得呢度,咁一定要食佢既辛安東元祖奶奶雞啦,佢既雞可以揀辣同唔辣,仲有芝士口味,不過識食一定係食元味😋😋,我地叫左小辣😁我地只係叫左半份雞($158),但都好大碟,2個女仔要食得哂呢碟野,其實都係一個挑戰💪🏾💪🏾佢除左有雞之外,仲有香蔥、洋蔥、紅蘿蔔🥕、青瓜、菇🍄同薯粉寬麵做配料雞非常之入味,色香味俱全。而且肉質鮮嫩,十分滑流🤤🤤薯粉亦都吸哂成個汁既精華,平時食果d薯粉會覺得好似食緊橡巾,好難咬開,但呢一間又唔會。老闆亦都好細心,比左把鉸剪我地剪開d薯粉食,費時我地因爲薯粉太長,食既時候d汁彈到去我地件衫😱,呢一點真心欣賞。另外亦都有個兜比我地裝雞骨,咁就唔駛放到成枱都係👍🏾👍🏾本身諗住叫多客小食食,不過因為太飽了,食唔到,下次一定要再黎食呀🤤🤤 繼續閱讀
(以上食評乃用戶個人意見 , 並不代表OpenRice之觀點。)