影片
以上資料只供參考, 請與餐廳確認詳情
食家推介
尖沙咀K11 Musea 地庫的美食廣場新開了一間港式風味的“煲仔菜”餐廳，菜式和價錢都相當吸引。餐廳開放式，先行購票，自助取餐。「豬膶排骨煲仔飯」排骨肉質爽口，而且入味。豬膶剛熟，肉質不老，腍軟可口。煲仔飯即叫即造，熱騰騰，飯底不乾，保持綿糯口感，加上豉汁調味適中，味道讓人驚喜。「九九九牛雜鍋」久違了的港式美食----香噴噴的牛雜，在這裏竟然食得到。牛雜有牛肚、腩肉、肺片、粉腸及牛等，原煲烹調，加上味道濃郁的牛肉湯，無論口感、味道都令人一試難忘。「豬膶排骨砂鍋粥」粥底綿滑，較為清淡，卻更能食出豬膶的鮮味，又是別有一番滋味。特惠價錢追加的小食和燉湯：「香煎鯪魚餅」煎香爽口，有魚肉鮮味，真材實料。「脆炸蝦腐皮卷」脆口腐皮卷包住鮮甜的蝦肉，外脆內鮮，雙重口感。「淮山嚮螺燉雞湯」足料老火燉湯，材料有淮山、螺肉、雞肉、瘦肉、桂圓、紅棗等，味道清甜滋潤。餐廳食材高質，製作認真，價錢大眾化，下次再來嚐其他菜式。
繼續閱讀
K11 Musea真係好好行又多嘢買，行到攰梗係要識得落去地庫搵好西食。第一眼就被呢間轉轉煲嘅煲仔飯吸引咗。窩蛋牛肉煲仔飯米飯底部微焦，超香超脆。牛肉鮮嫩，窩蛋增添了濃郁的鮮味，整體搭配不錯。清湯牛坑腩鍋難得呢間有埋清湯腩食，梗係要試試。牛腩軟嫩，湯頭清爽，蘿蔔脆嫩，係我鍾意嘅味道。脆炸蝦腐皮卷跟煲仔飯或者其他煮食都可以加少少錢叫小食。呢個脆炸蝦腐皮卷外層酥脆，內餡鮮嫩多汁，我認為唔使加任何沙律醬就咁食都已經好好味。海底椰雪梨燉赤肉兩款燉湯都好想試，所以心諗why not both！呢款湯有海底椰的清甜和雪梨的果香，味道鮮甜，養潤喉嚨一流。准山嚮螺燉雞湯底同樣清甜，用了6小時燉製，十分滋補。
繼續閱讀
K11 Musea 新開食煲仔飯店 轉轉煲，又多一個選擇除了煲仔飯，還有大大煲、湯鍋等多款食物，今次想食豬手煲腸粉底已經賣完。點餐後，煲仔飯約5分鐘可取餐，適合香港人繁忙節奏。賣相都相當吸引。點餐另加$22有燉湯海底椰雪梨燉赤肉燉湯入口清甜滋潤，又好足料。再加 $12 有脆炸蝦腐皮卷，炸到脆卜卜不膩，蝦肉彈牙可口，必食。$12 香煎鯪魚餅大塊抵食窩蛋牛肉煲仔飯菜心清甜，牛肉嫩滑，弄開半熟蛋在飯中，帶點濕潤感，當中有飯焦，多種口感。白鱔煲仔飯白鱔肥美肉厚，以豆豉調味幾惹味。
繼續閱讀
最近喺尖沙咀K11 Musea嘅 Food Playground 發現一間煲仔菜小店——「轉轉煲」，主打港式煲仔飯、養生燉湯同滋潤糖水。🔥必試臘味煲仔飯一揭開煲蓋就聞到濃郁臘味香氣，臘腸油潤甘香，臘肉鹹香有嚼勁，最驚喜係飯底有完美金黃飯焦！米粒吸盡臘味精華，加上秘製甜豉油，食到最後一啖都唔會膩。 🍅蕃茄豆腐牛肉鍋：酸甜開胃蕃茄湯底鮮甜自然，完全冇味精感，搭配嫩滑豆腐同牛肉，牛肉鮮美，豆腐吸滿湯汁精華，酸酸甜甜好開胃，鍾意輕口味嘅朋友必點！ 🫖養生六小時燉湯：潤肺止咳▪️ 海底椰雪梨燉赤肉｜清甜到爆！海底椰嘅椰香＋雪梨嘅清潤，赤肉燉到軟嫩，飲完成個喉嚨好舒服。 ▪️ 准山嚮螺燉雞｜超濃郁雞湯！准山健脾，嚮螺提鮮，雞肉一撕就散，精華全溶喺湯裡，補身首選。 🍧 養顏糖水：女士恩物▪️ 桃膠燉雪燕｜滿滿膠原蛋白！桃膠滑溜、雪燕晶瑩，甜度剛好，滋潤到入心，食完成塊臉都水潤啲～
繼續閱讀
逛K11 Musea商場順路吃晚飯，有間「轉轉煲」售多款煲仔飯，很吸引，而且煲仔飯是粤港特色，值得一試！金黃咖哩薯仔雞翼煲配米粉~咖喱汁的濃度剛好，配米粉吃是不錯的配搭，雞翼掛起咖喱汁非常美味可口，薯仔夠腍入口也溶化。清湯牛坑腩鍋配公仔麵~牛坑腩腍滑不鬆散，肉味鮮。湯味清澈、鮮甜。樽裝可樂~玄米茶~冰凍解暑。脆炸蝦腐皮卷~外酥脆，蝦肉鮮味爽滑。紅豆沙~口感綿密細膩，甜度得宜。還有多款煲仔飯未試，下次再來！
繼續閱讀