輝煌越式法包 (已結業)

意外發現嘅一間越式外賣小店係屯門市中心轉角舖位 地點幾就腳重點係價錢好合理 足料又抵食🔥🫶🏻______________________________〰️ 越式招牌扎肉法包本身拎起見個法包只係微暖 有少少失望不過無期待之下 更加有驚喜 仲好高質🔥法包份量比平時大 足足有前臂咁長法包厚實但食落唔會太韌 常温食都唔會好乾最有驚喜一定係個餡 有齊肥牛同扎肉扎肉好厚切 肥牛調味都好適中帶牛香仲有帶少少酸甜嘅蘿蔔絲•青瓜•生菜特別想讚佢哋係醬料上都好用心加左豬肝醬同番茄醬 成個法包提升左另一層次〰️ 越式香茅牛肉法包 $46另一款就揀左配香茅牛肉牛肉香茅味好出 仲加左酸酸甜甜醬汁呢款都好高質 不過相比之下我會鐘意招牌多啲加左豬肝醬真係好食好多香好多🫶🏻______________________________佢哋嘅法包真係好足料好大份 性價比好高如果佢係係我屋企附近就好🥹應該會經常幫襯🥹

越南菜其中一樣最愛就係越式法包🥖🇻🇳呢間招牌扎肉法包份量十足😍超級長 內餡除左扎肉 竟然仲有肥牛😍兩款肉一齊食真係好豐富🤤而且個醬都唔只肝醬 仲有番茄醬🍅夠晒特別✨加埋青瓜、生菜、蘿蔔絲 仲更加開胃清新😋

吞拿魚法包 $40 + 春卷 $32 🥖法包好大個，一打開以為俾錯素包，只見大堆紅白蘿蔔絲，要摷到反轉才見到沙律醬，再見到少許物體，試下應該係魚，好似放咗好耐的罐頭魚，無肝醬(似乎係必有的)，味道好重沙律醬味，救番吓成個包的味道。 🫔春卷皮好厚好硬 （正常越南春卷應是薄鬆脆的），豬肉餡無味，又係靠個醬吊味，食到上顎有少少損，食完成個口好重油味，好似用萬年油炸咁。食完幾小時後仍好口渴。這店價錢比同區另兩間越南小店貴，因為較近才試下，店員好有禮貌，但食物質素有好大改進空間。

多得屯門朋友的推介，先知道德政圍有這一家主打賣越式法包的隱世小店，若不是友人說說，途經入德政圍也很容易走漏眼。小店主要以外賣為主，屬家庭式經營，在等候期間，聽到店主以越南話來交談，就知道有多地道。 除了主打的越式法包之外，還有多款越式小食、撈檬，更有甜品、飲品等供應，人多的話，亦可以選選各類自由配搭的套餐。最後，買了一客越式撈檬及一客越式法包回家作晚餐。先試試「越式雞扒撈檬」（$54），份量十足，檬粉堆得滿滿，倒入鹹鹹酸酸的魚露，並把檬粉跟生菜拌勻，吃下去時感覺十分清爽，尤其在此時夏天吃進去，十分惹人討好，而雞扒亦有很夠份量，雞扒醃得入味，肉質又很嫩滑，整體感覺真不錯。既然主打越式招牌法包，就當然要試一試，選了「越式招牌扎肉法包」（$46），同樣地，拿上手就知有份量，大大條法包中，夾滿了各式各樣的食材：扎肉、腩肉、生菜、酸蘿蔔、青瓜及芫茜，非常足料，再配以開胃的秘製醬汁，入口真是口感豐富，味道紛陳，法包又做到外脆內軟，吃得津津有味。小店製作認真，出品交足貨，是值得支持、再光顧的店子。

難得今天破酮， 咪上外賣平台有咩可以買，又平啲啦，突然想食越南野同法包，見係屋企附近，咪第一次試下囉，叫咗一個牛嘅發包，一個雞嘅發包，另外帶咗一個小嘅小食拼盤，個包唔脆，濕晒，牛超級鹹，飲極水都勁頸渴，個雞扒好柴，根本分唔到係雞肉定豬肉所謂個秘製醬汁，其實只係沙律醬勁後悔，仲要貴過隔離兩條街嗰間如果唔係打完風，個間冇開，根本唔會試呢間，勁伏，元朗個間越昧屋，都已經一般，比較之下，原來仲好食好多我好少評價，今次堅嬲，最嬲哂quota

輝煌越式法包 (屯門)屯門德政圍18號海盛大廈地下1號舖打風又係食外賣嘅時候，返屋企做呢一間新開嘅店，都幾乾淨企理，越式法包究竟係點？好奇之下就買咗嚟試。越式招牌扎肉法包 $46原來傳統法包就好硬身嘅，越式加左米粉就會軟身，感覺易入口好多。法包即叫即焗，等左十分鐘，好新鮮，外脆內軟，腩肉、生菜🥬酸蘿蔔、青瓜、芫荽，配菜非常足料。札肉彈牙好爽。越式香茅牛肉法包 $46醒胃醬汁酸酸甜甜，真係食到津津有味，香茅牛肉好香，條包成七吋咁長，真係夠飽。塗滿咗牛油都係好吸引嘅，口感加滑。

越南版Subway🎈輝煌越式法包/佔半隻前臂長 足料醒胃越法包/一家人吵吵鬧鬧又過一日 幾開心呀家庭式經營嘅小店 老闆娘係越南人🇻🇳所以可以食到正宗越南法包同其他越菜個法包目測爭少少有Subway footlong嘅長度😮越式招牌扎肉法包 ($46)法包烘至脆身 夾住大約三大塊扎肉同腩肉腩肉唔會太肥 中間有醃蘿蔔 生菜同青瓜咬落爽口得嚟酸酸地好開胃最鍾意係佢搽系包之間嘅啡色越南醬😳係伴隨住清新嘅一點鹹香呀 所以味道突出芒果香芋春卷 ($22)好有創意嘅配搭想知道芒果同芋頭究竟夾唔夾🥭咬開呈淺紫色 猜測內裏係芒果同芋頭混合體微甜嘅芋泥 食到少少芒果嘅香甜 外脆內軟不過因為外面包住炸過嘅春卷皮就感受到相對較油膩啦😛咖啡味焦糖布甸($15)越南店買西式甜品 原來都諗得過喎焦糖布甸香滑 有直滑落喉嚨嘅感覺咖啡味覺得可以再出啲☕️但一間小店嚟講有驚喜喎主打越式法包 撈檬 仲有小食同甜品性價比都幾高 今次法包食得有啲論盡如果可以嘅話 切開一半咁就可以食得方便啲啦🥖

屯門市中心附近開左間越式外賣小食店，有越式法包、撈檬、越式飲品和小食等，看上去挺特別。點了一個招牌套餐（$85），包一個法式招牌扎肉法包，迷你雜錦法式拼盤和罐裝可樂。法包挺大個，包身很挺，而且夠脆！餡料也很足，特式扎肉加豬肉，同埋蔬菜，口感很豐富。醬汁酸酸甜甜很開胃，夏天吃正好！迷你拼盤有魚露雞翼、香煎扎肉、春卷、庶蝦、順化豬肉串各一，正好適合愛品嘗各款小食的我！而且件件都大大份，好有滿足感！另外加點了一個焦糖咖啡布丁。咖啡味挺香，跟焦糖味道挺夾。

在屯門朋友介紹下，來到V city對面這間外賣小店，買越式法包回家食。家庭式的小店，食物都即叫即做，新鮮的味道。越式招牌扎肉法包$46原來除了扎肉外，還有很多餡料，非常豐富，有蘿蔔絲、蜜糖豬肉、生菜、青瓜，還有豬肝醬及秘製醬汁，十分惹味，與別不同。越式春卷撈檬$46發覺每家做的春卷都有點不同，這春卷網皮炸得香脆，肉餡鮮香，檬粉的汁醬來得剛好，不會太鹹，配合不少新鮮蔬菜，比較健康。法包值得一吃再吃，性價比高又特別，令人回味。

見好多谷友介紹過呢間係屯門嘅越式法包，今日黎開vcity特別過黎試下佢。小店唔難搵，vcity過天橋就到了，地點幾方便呢。店內有法包，撈檬，小食，甜品同飲品賣，口味選擇都幾多，總有一款啱口味，哈哈。揀定，落單到有得拎都係十五分鐘左右，好快手啊。越式香茅牛肉法包咁多谷友推薦法包梗係巿試一個啦，揀左香茅牛肉口味的，個包好長下，拎上手都幾重。牛肉嘅香茅味幾重，香口好食，仲夾左唔少生菜，酸蘿蔔同芫茜，其中一個鐘意食越式法包嘅原因係因為有芫茜呀～個包本身唔硬，剛拎上手仲熱，可惜拎到返去食就涼左了，上滿塗滿牛油好香好正㗎。越式豬肉春卷另一樣好鐘意食嘅野係越式春卷，鐘意佢地嘅春卷皮，脆脆地好正，呢間好足料，入面包左唔少豬肉碎同芋頭，正啊。見個盒咁濕仲以為好油啦，打開原來入面放左酸蘿蔔，個盒係滲出啲酸汁出黎唔係油，即時安心哂，哈哈。芒果香芋春卷最後見有甜品呢樣又唔常見，就叫一份試下，正，又係鐘意嘅春卷皮。咬落唔係好食到芒果味，因為加左落春卷皮到？個皮黃黃地咁，入面包住芋頭蓉，好香好甜好食呀。不過一個人食有啲漏，分左半比同事試下，佢地話好得意未食過喎。食物好食價錢合理，有下次～

Happy friday 放工後來到呢間越式法包外賣店，叫左一個法包同撈檬，等左一陣就好快拎到外賣。越式招牌扎肉法包好大一個，女仔食大半個都飽。法包口感屬於煙韌，原來入面除左扎肉片仲有腩肉，配菜有醃酸蘿蔔、生菜、芫茜等，加上店家特製醬汁，口感層次相當豐富！越式蜜糖烤豬肉撈檬:一打開發現烤豬肉原來係一粒粒烤豬肉丸，醃得香口惹味，配菜同樣有酸蘿蔔、生菜。檬粉夠爽彈，加入咸香鮮味魚露汁，特別開胃，岩晒呢個悶熱天氣食！

呢間新開越南包，夫妻檔，聽聞太太係越南人所以應該都係正宗吧。叫左外賣越南招牌扎肉法包 超大一個，個包仲脆同埋好多料，除左有扎肉仲有豬肉晌入面，啲醬係醒胃，酸酸甜甜。幾好食！越式綜合撈檬有扎肉、春卷、腩肉。春卷幾好食但肉就比較肥。越式燒肉撈檬檬好食但肉偏肥。

睇咁多好評又新開去試吓越式蜜糖烤豬肉撈檬粉聽個名好吸引原來係豬肉丸撈檬粉豬肉丸味道比較咸 食落去有幾粒較硬既唔知係肉定軟骨撈檬粉就比較淡口 因為冇提供酸汁如果一啖肉一啖粉咁食會好啲法包就冇試 因為麵包外賣拎到返去都唔知方好食又太大太陽 冇得喺附近坐低食店舖較細 只做外賣 由一男一女做 所以等得會比其他餐廳耐好多 一個撈檬粉都等15分鐘嚟緊夏天就唔會再食 因為會好大太陽附近都冇遮太陽嘅地方加上食物同其他類似嘅舖頭有比下去一次就夠

好耐無嚟呢頭。今次經過見到有一間新開嘅越式外賣店，主打越式法包，亦有撈檬同小食。反正要買嘢返屋企食，決定試吓。見佢哋個輝煌招牌套餐，有招牌扎肉法包、迷你雜錦拚盤同罐裝飲品，見咩都有，就決定點呢個。首先食法包，一打開已經有驚喜。個包比我想像中大，切開非常足料。食嗰陣個包已經擺咗一段時間，由於個包係類似硬豬質地，所以無話焾哂。名為扎肉法包，內裡亦有豬肉，加埋醃蘿蔔同生菜，感覺好清新，唔會覺得漏。跟住食埋個小食拚盤。件春卷擺凍咗皮仍然好脆，最有驚喜。蔗蝦、豬肉串、扎肉都可以。雞翼都入味，但佢哋就水烚，如果煎一煎，個皮脆嘅話就更加完美。總結係好高水準越式外賣，有興趣下次試埋檬粉。

即叫即做嘅越式外賣 🇻🇳 落單之後大概等10分鐘就有，選擇都幾多。🇻🇳 輝煌招牌套餐 $85今日先出嘅套餐，性價比高💯 🔸越式招牌扎肉法包好大份，可以兩個人share。法包質感厚實有咬口，但唔會太韌，有驚喜；內裡好多餡，其中肉類有肥牛同扎肉，啱晒食肉獸，肥牛會濃味啲，扎肉就淡味啲，兩者配合得幾好；而蔬菜就有蘿蔔絲、青瓜、生菜，口感爽脆，調味唔錯，酸酸甜甜幾開胃。🔸迷你雜錦拼盤有春卷、扎肉、魚露燒雞翼、蔗蝦，全部都啖啖肉，蔗蝦幾得意，係將蝦肉綁係一碌蔗到😆🔸罐裝飲品一罐我揀咗芬達提子，除咗汽水之外，仲有茶可以揀👍🏻🍮 焦糖布丁 $15布丁有蛋香味，質感唔會有空氣感，偏實淨足料，焦糖汁嘅甜味恰到好處，唔會太甜膩👍🏻老闆態度幾好，係值得支持嘅小店💯