輝煌美食店 (已結業)

叫外賣 開始又話得 叫到第二個又話唔做外賣 又話唔夠人手去送 多多藉口 都算數 又唔洗道歉咁 語氣又勁差 試過幾次外賣既情況都係一樣 有次問佢做唔做外賣 佢又話我地收工啦 個陣3點幾 但又要接我電話 又係無道歉的好差既態度。。

今日遲左食午飯，去到輝煌已經兩點半，原來佢地只做早餐同午餐，收三點，好彩仲有得食，又貪佢可以坐出面望到架車唔洗炒牌，因為好肚餓的關係，我一個人叫左一個粟米班腩飯多汁同凍〇水少冰。等左大約十五分鐘終於有得食，勁大碟又多粟米汁，個汁唔會太鹹，好清清的蛋白花加上粒粒粟米，班腩好新鮮，飯又唔會硬，好正！等我下次早D黎試埋佢個早餐先！

三月十六‧晴 約了舊街坊吃早餐，度度不去選了這裡，因為可以吸煙。也因為如此，這裡都唔少人，人人都吸煙，不吸煙的坐在這裡，要有點心理準備才好。 要了兩份早餐，我的是沙爹牛米加火腿奄列。沙爹牛米湯底清如水，雖然我不太喜歡味精湯，但也總好過沒味的湯底吧，還好有一堆沙爹汁在充撐場面，未至於完全沒味。米粉吃起來爽口，卻是淡淡的；朋友的腿通也是「清湯」底，他吃得自在的，看來這裡也是如此；奄列薄薄又毫不鬆軟，反而那件多士是薄薄的又脆脆的，烘熱了塗滿牛油，意想不到的美味。 要了杯熱咖啡，味很淡，水準以下。 雖然眾所周知，柴灣是「飲食沙漠」，食肆數量不多，美食更是欠奉，但也不至於要捱這樣差的東西。埋單每人18蚊，沒有再來的價值。

待應唔醒,要點野食5分鐘都無人理衛生超唔得,坐係街邊藥房邊,點完野食等上菜點了白涼粉,海底棷,濕炒肉片河,炒白菜仔兩個甜品好快上,食的是涼粉,咩味都無,個汁勁多棷油粒粒浮係面度,太甜....海底棷唔知,朋友話係咁上下街邊貨色個河粉同菜等了廿多分鐘,就全程被蚊咬到死死下,一隻腳有成七八粒原來得一個櫨頭,根本做唔切出街食野都未試過,菜咸到食唔完個河粉都係咁上下咸,仲要d粉好似無過過鑊,又無拆散咁點解咁多人話樂軒台有宵夜好食架?

今日同個fd 係到叫左個乾炒牛河同鮮茄雞扒飯，d 牛肉好稔，雞扒又大塊，見到入面個師傅炒野個時著哂火咁，真係即叫即炒，夠哂鑊氣，佢個茄汁有埋新鮮蕃茄，唔似出面淨係用茄膏，好好味。另外，奶茶有茶味得黎又夠滑，飲落去唔會覺得澀。雖然鋪頭細細，環境一般，但廿幾蚊有飯加埋野飲，好抵食。

今日下午因為有事去了柴灣,經過呢間茶餐廳就坐底叫坐個奶茶同一碟楊州炒飯, 奶茶好好飲, 炒飯冇乜油, 好有大酒樓feel, 環境一般, 但老闆娘很好人, 如果下次再到柴灣應該會再。

那天同朋友來叫了星洲炒米同生炒牛肉飯，係即叫即炒的，熱辣辣，好有鑊氣。