35
0
1
港鐵尖沙咀/尖東站 B1 出口, 步行約7分鐘 繼續閱讀
電話號碼
27391636
營業時間
今日營業
18:00-02:00
星期一至日
18:00-02:00
付款方式
現金
其他資料
深夜營業
食評 (39)
等級4 2017-11-12
72 瀏覽
近排天氣開轉涼,咁當然去打邊爐就最好,今晚同朋友去了間唔錯嘅火鍋店,雖然佢有私房菜,不過今就係打邊爐,而未選湯底前,店員就推介了呢個山西火麻茶,入口口感清新,因為有助抗衰老、失眠、降三高等效用,咁今晚就唔使怕啦!而湯底選了濃味嘅沙爹鍋$58,而牛當然係特級安格斯牛頸脊(大)$298,根住都係想吃嘅丸丸,同餃餃,個湯底一望就真係夠晒濃郁,大大碟牛頸脊,切成一片,上面嘅雪花肥紋完全清晰可見,一放湯一拖便可以入口,肉質軟熟嫩滑,正!而個自家制四寶丸$98,當中個流心咸蛋豬肉丸堅正,入口時嘅感覺就好似食緊咸蛋蒸肉餅嘅感覺,正,還有個手打芝士鮮蝦丸亦十分好味,煙韌彈牙,加埋入口流心嘅芝士,絕對係必吃推介!其餘嘅手打牛肉丸亦唔錯!加埋個招牌炸響鈴$48,一個字脆,即叫即炸,非常脆口,放湯一下,就要立即入口,否則整條容化!餐廳位置就係好多韓食為主嘅金巴利道尾,雖然要行多少少,但食物質素同價錢絕對相宜,天氣涼又係一個同朋友圍埋一齊打邊爐嘅好地方! 繼續閱讀
(以上食評乃用戶個人意見 , 並不代表OpenRice之觀點。)
等級4 2017-11-03
153 瀏覽
每月姊妹聚又黎喇,天氣涼左,大家都好有興致打邊爐,識食友人介紹呢間位於尖沙咀既輝哥私房菜,雖然離地鐵站尚遠,但質素高,絕對值得行多幾步路~首先order左個鴛鴦鍋 $228,一半醉雞,一半冬瓜~醉雞鍋,裡面有半隻醉雞,酒味香濃,湯頭加入了藥材,邊吃邊散發出陣陣藥材香~冬瓜鍋,湯頭清甜,入面仲有唔少瑤柱粒,味道好香~特級安格斯牛頸脊 $298勁靚既牛頸脊,未食淨睇雪花同色水已流口水每片大小厚薄均勻,食落有油脂香之餘不失牛味,係近期食過質素最好的牛頸脊新鮮紫淮山 $48店員推介的新鮮紫淮山~紫淮山比普通淮山爽脆清甜,而且營養價值好高,出面比較少見,值得一試~野生竹笙 $88野生竹笙也是不常見,必點~食落爽脆又吸湯~白鱔 $88白鱔肥美,食落有魚油香,唔多骨,啖啖肉~手打牛肉丸 $58牛味濃,口感爽滑,仲幾juicy~招牌炸響鈴 $48打邊爐絕不可少既炸響鈴,呢度既係自家製 ,每件大小相若,外觀整齊,顏色金黃,炸得好靚食落比平時既香脆酥化,沒有油益味,幾飽都想食多件食材新鮮高質,感受到老闆的誠意,絕對值得encore既餐廳~ 繼續閱讀
(以上食評乃用戶個人意見 , 並不代表OpenRice之觀點。)
佐敦高質火鍋 焦點食評
等級4 2017-11-02
105 瀏覽
<如果想食高質素少少既打邊爐 輝哥私房菜係好選揀>😃👍🏻喺金巴利道東南大廈上面呢間輝哥 唔特登望係唔會知有間甘既野 見到樓下派傳單宣傳好似幾吸引甘 又有中菜 又有打邊類此 於是就上左去試 😄👍🏻🍴瑤柱冬瓜鍋 88 蚊😄大大個冬瓜鍋打邊爐🍲 落足料 有勁多冬瓜 煲到好林😍仲有好多雞脾菇🍄 當然仲有好多瑤柱粒 夠哂口感 湯底好清甜 喺打邊爐前飲碗都仲得😀🍴本地手切肥牛 細298蚊🐮雖然係細碟 其實都有成10 幾20 塊 😄 牛肉切得好夠薄 師傅刀工好好🔪 牛肉口感軟滑 牛肉味香濃 而且帶有少少油花 好正👍🏻🐂🍴鳳城水餃58 蚊🦐餃皮夠蛋香 🥚好夠薄入面落足料👍🏻蝦肉大又甜🦐木耳爽口 豬肉入味 推介👍🏻🍴招牌炸響玲48 蚊🔥新鮮炸熱既響玲, 口感好香脆而且密度好高😀 放落火鍋3 秒就食得 盡吸湯汁 🍜唔錯👍🏻🍴皇帝菜 38 蚊🌿識食一定食皇帝菜🌿, 皇帝菜有佢獨特既甘甜味 而且好新鮮 個人覺得打邊爐幾適合 👍🏻🍴超甜粟米 38 蚊🌽冇乜野好形容 就係好爽好甜 好juicy 🌽😍🍴竹昇生麵 28 蚊🍜麵充滿蛋香而且比較幼身 , 未放落火鍋時比較黏稠, 煮熟後好爽口彈牙 夠哂口感 必點👍🏻😍🍴炸魚皮 68 蚊🔥🐟好大籃炸魚皮 好香脆 上面放左d炸蒜夠惹味 齋食就襯啤酒🍻 放落火鍋幾秒食又夠哂口感入味 唔錯😍茶芥每人20蚊順帶一提 佢既火麻茶 🔥☕味道幾特別 話來自廣西 就算夜晚飲左都唔會影響睡眠😲Score 平均分 <7.8/10>Taste 味道:👍🏻👍🏻👍🏻👍🏻Present 外觀:👍🏻👍🏻👍🏻👍🏻Decor&Hygiene 環境衞生:👍🏻👍🏻👍🏻👍🏻Value for $ 性價比:👍🏻👍🏻👍🏻Service 服務:👍🏻👍🏻👍🏻~~~~~~~~~~~~~Address地址#輝哥私房菜尖沙咀金巴利道77 號東南大廈1 樓 繼續閱讀
(以上食評乃用戶個人意見 , 並不代表OpenRice之觀點。)
私房勁足料火鍋 焦點食評
等級4 2017-11-01
53 瀏覽
我哋一去到就叫左個胡椒豬肚湯底,好多湯料係入面,最岩等食材時一路飲湯一路食湯材👍🏼雖然影得唔係好靚,但食材好新鮮,食唔到雪櫃味,仲要係全部都大大份!墨魚滑勁好味,賣相好可愛!超彈牙!啖啖肉!話明係私房菜既打邊爐,自家制既食材係必叫既選擇!四寶丸都無令人失望!本身我哋叫左隻貴肥牛,佢哋話今日唔靚,叫我哋試隻平啲。佢呢個舉動令我好出奇,有錢都唔賺...不過黎到之後,真係無林過份量同質素都咁高!份量多到係食唔曬!仲勁有牛味的🎈仲有啲勁特別既可以一試「紫淮山」,我都係第一次食,味道感覺同平時白色既係差不多,但比較清甜。仲有係依家好難見到既鵝腸!真係可遇不可求🙈好滾動啊!份量一樣咁多!條條都勁粗身,真係停唔到😂佢哋既自家響鈴都不得了,食得出佢真係岩岩炸起,果份滿足感真係勁讚😂❤️不得不講係魚標,雖然出面都平常會有,但呢道洗得好乾淨,我自己洗都可能洗唔到咁乾淨、無血絲...份量又唔少,不怕腥既朋友可能要考慮一下要不要。連個菜都好似岩岩修割出嚟俾你嘅感覺,真真真係超爽甜!我未見過啃大份既蓮藕片,真係估佢唔到最後仲可以叫自家制既龍眼銀菊蜜,真係好完美🎉🎊事實證明,食私房菜、自家菜真係值得的! 繼續閱讀
(以上食評乃用戶個人意見 , 並不代表OpenRice之觀點。)
等級4 2017-10-31
58 瀏覽
私房菜你一定會諗到係食小菜 你咁諗就大錯特錯啦 經朋友介紹之下黎到輝哥私房菜 係打私房邊爐天氣開始轉涼又係打邊爐嘅最好時機火鍋配料選擇非常多胡椒豬肚花甲鍋$88飲返碗頭啖湯先 花甲鮮 酸菜鹹 胡椒辣 豬肚爽味道錯綜複雜 非常好喝 即時有暖胃嘅效果吸湯之選 新鮮炸響鈴上枱嘅時候仲係熱辣辣 即叫即炸$48特級安格斯牛頸脊(大)$298 油花分佈平均 牛味濃手打芝士鮮蝦丸$78蝦肉彈牙爽口 咀嚼嘅時候有種回彈嘅感覺 芝士有爆漿效果 超掂田雞$58上枱嘅時候仲噢噢下 生猛程度100分鱔片$88魚肉爽口彈牙 魚油味豐富 厚薄適中 非常新鮮沒有腥味珊瑚蚌$98爽口鮮嫩瑤柱貝鮑滑$78墨魚骨加上乾瑤柱 錦上添花 食落去層次豐富鮮甜無比輝哥自家製飲品 打邊爐飲涼茶下下火最好不過 味道唔太甜第17屆飯店金馬獎 好勁嘅獎項大型連鎖店餐廳不是不好 但如果想尋找真鮮味 一定要嚟私房飯店 食物用心製作 服務一流 繼續閱讀
(以上食評乃用戶個人意見 , 並不代表OpenRice之觀點。)