59
4
7
港鐵佐敦站 B2 出口, 步行約3分鐘 繼續閱讀
電話號碼
26067278
營業時間
今日營業
11:30 - 14:30
17:30 - 22:30
星期一至日
11:30 - 14:30
17:30 - 22:30
付款方式
Visa Master 現金 銀聯
其他資料
網上訂座
賞訂座積分
加一服務費
有關獎賞計劃
食評 (79)
等級4 2020-12-05
1236 瀏覽
細細個就聽屋企人講蛇羮可以美顏,甚至壯陽😳冬天食蛇羹亦非常滋補暖胃,今日約咗一班大學男性同學食蛇羹補一補!輝哥私房菜推出4位蛇宴套餐,剛好符合限聚令人數要求👍🏻餐廳格局同酒樓相似,有幾間貴賓房。- 菊花太史五蛇羮第一次食蛇羹,原來味道清甜帶少少薑嘅辣,濃稠適中,有齊冬荀絲、冬菇絲、陳皮絲同雞絲,甚至薄脆,一食完成身即刻暖笠笠!- 海膽焗美國龍蝦配讚岐烏冬賣相唔係幾吸引,不過原隻龍蝦真係非同凡響,肉質結實彈牙,加埋海膽,鮮甜程度爆燈💥- 百花五蛇丸五蛇丸用左新鮮蛇肉,另外混合埋蝦膠同馬蹄粒。外層炸成金黃色,啖啖肉之餘又香脆彈牙。- 古法羊腩煲羊腩煲係另一冬天必食!肉質軟稔,一啲羶味都無。枝竹、冬菇、生菜都吸收晒羊腩煲精華,非常惹味。- 北非花膠花菰扒菜膽花膠充滿黏性,口感相當軟稔,加上芡汁既輔助,一食好似滑落喉嚨咁。菜膽亦好清甜。- 蛇汁菜膽雞肉質唔算太嫩,但份量幾多,調味適中。- 生炒臘味糯米飯糯米飯炒得煙韌,搭配風味十足的臘味,令人食唔停口。加上葱花同鹹脆花生令糯米飯更香口,同時口感更豐富。套餐仲附送甜品同啤酒🍻,每人大約$200左右,兩個字:抵食! 繼續閱讀
(以上食評乃用戶個人意見 , 並不代表OpenRice之觀點。)
等級4 2020-11-28
812 瀏覽
今日天氣突然轉冷,週末假期全家出動😍,我哋去食蛇宴😍,見到輝哥私房菜佢最近出咗個蛇宴套餐,非常之吸引,小編一早訂咗位,帶埋爸爸去食好西😋😋。第一道餸係菊花太史五蛇羹,熱辣辣嘅蛇羹,有冬菇絲木耳絲蛇絲姜絲等等,暖笠笠非常開胃,爸爸話可以暖身😍,啱晒我呢啲長期手腳冰冷嘅人🤪。第二道餸海膽焗美國龍蝦烏冬底,一上枱已經聞到陣陣嘅香味,海膽配上烏冬,非常之入味,一啖有一啖 小編唔係幾食澱粉嘅人都愛上左😍😍,而且龍蝦肉紮實新鮮,非常之甜美👍🏻。第三道餸 百花五蛇丸,炸到金黃色,非常香脆,入邊仲好彈牙,而且大大粒💕,好好味呀❤️。第四道餸 北非花膠北菇扒菜膽 用左花膠煮冬菇花膠都幾厚下,呢個價錢來講性價比好高👍🏻,而且冬菇好厚肉,味道啱啱好,又唔會太膩😋😋。第五道餸 古法羊腩煲 店員喺我哋面前即刻幫我哋加熱 久違嘅羊腩😍,其實小編平時好少食羊,因為覺得啲羊好騷,不過配上腐乳食味道還可接受,而我最鍾意羊腩煲入邊嘅枝竹,😋非常入味💕。第六道餸 蛇汁菜膽雞 雞非常之嫩滑👍🏻。第七道餸 生炒糯米飯,炒得非常乾身,米飯一粒一粒分明,好好味,配上臘味非常之惹味❤️👍🏻。最後以甜品作結,係一個淡淡的桂花糕 唔會太頂肚,四人份量嘅餐,分量十足啊👍🏻🙈。地址:輝哥私房菜 (佐敦)佐敦長樂街18號18廣場2樓。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-11-27
835 瀏覽
私房菜一直好受歡迎所以要食到自己心儀果間,真係要一早Book定而呢間,我係早左成個月就book得成真係既興奮又期待呀位於佐敦嘅輝哥私房菜一出𨋢口就見到大大嘅Banner寫住點心放題心裡暗中決定,下次上黎就食佢.姬松茸茶樹菇蟲草花炆竹絲雞湯媽媽教導,漸入冬天,Feel到涼意之時就要開始飲多D滋補湯啦而呢碗竹絲雞湯就有補肝腎,防寒防倦嘅作用湯色呈橙黃色,色澤清澈,味道甘甜連湯底嘅姬松茸,蟲草花,竹絲雞肉都好有味.瑤柱薑米蛋白櫻花蝦炒飯米飯粒粒分明,乾身而吾油膩蛋白嘅加入,令味道添加陣陣蛋香而瑤柱同櫻花蝦則增加層次感,入味好美.新鮮菠蘿即炸咕嚕肉 即炸咕嚕肉嘅口感真係不得了選用新鮮菠蘿肉去炒味道酸酸甜甜,好開胃最緊要係甜度吾會假,吾會有膩感糖衣超薄,咬落去甜香酥脆肉質嫩滑,肥膏極少.金磚超滑豆腐 肥🐑最中意呢款脆與嫩Balance得恰到好處金黃色嘅豆腐磚外層酥脆,內裡軟滑先脆後嫩嘅口感吾怪得知一直都係最受歡迎嘅菜式之一再灑上粒粒脆蒜,口感豐富度更為提升.生啫唐生菜煲啫啫煲一向以色。香取勝加上以砂鍋去炒製,令食物更加柔軟入味仲有好多大蝦乾,薑絲,蒜粒,辣椒粒令生菜惹味又爽脆.最後仲有豆腐花送添 繼續閱讀
(以上食評乃用戶個人意見 , 並不代表OpenRice之觀點。)
最近有多間酒樓推出點心放題優惠,位於佐敦的輝哥私房菜由即日起至12月21日推出限時90分鐘的午市茶市點心放題。店內面積不算太大,裝修走舊式酒樓的傳統格局,來到的時候都全場爆滿。點心放題價錢十分平民化,星期一至五只需$78,便可任點任食逾50款粵式手工點心。點心都是即叫即製,所以等候需時,而且比較容易漏單。另收加一服務費$7.8及茶芥每位$12。每位贈送半隻乳鴿及汽水任飲。乳鴿皮脆肉嫩,肉汁豐富,不會烤得過乾。水晶蝦餃皇餃皮略厚,但蝦肉不會霉爛,肉質爽口,富有鮮味。蟹子燒賣皇燒賣口感扎實,肥肉不算太多。山竹牛肉球牛肉球肉味濃有彈性,加入粒粒馬蹄更加爽口。韭皇鮮蝦腸粉腸粉雖然較厚身,不過裡面的蝦仁亦算足料。小嬌白玉棉花雞雞件肉質滑口,棉花盡吸雞汁和冬菇香氣,非常入味。招牌避風塘九肚魚外皮炸至鬆脆酥香,灑上椒鹽鹹香惹味,九肚魚肉質滑嫩,細骨亦不算過多。酥炸墨魚花內裡墨魚彈牙爽口不過韌,只是外層粉漿就是厚了點。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-10-29
2345 瀏覽
$78一位午市任食點心,究竟可以食到啲乜嘢,即刻今日去試吓佢。我嚟之前個心係用「打大佬」嘅心,等於去名將挑戰一樣,誰知道還未入門口,樓下富麗堂皇嘅大堂嚇咗我一跳,同我想像中完全唔同。上到餐廳,裝修整潔,牆上面仲有特色掛畫,感覺乾淨企理。而且好特別嘅係隔音幾好,就算坐滿,都唔會好似某啲酒樓好嘈。講返正題任食點心,點心紙選擇都唔算少,份量會按人頭上。叉燒腸幾滑,份量都幾大,豉油唔會太鹹,收貨👍燒賣味道幾好,豬肉比較少,蝦好多。桂花糕清甜,夠凍,有淡淡桂花味,令人耳目一新。春卷非常非常香脆,雖然餡料比較少,但係外皮香脆加分👍流沙包真流心,餡料香甜,包唔算好大,一人食兩個都冇問題。本來諗住比OK,令我比好評嘅係以下呢兩碟:兩面黃肉絲炒麵,麵底非常香脆,基本上冇一條唔脆,配上調味適中嘅肉絲,又香又脆又Juicy,非常好食。乳鴿新鮮熱辣,一出爐就上台,明顯可見肉質飽滿,一撕開肉汁湧出嚟,鴿味香濃,每人有半隻非常抵。總括來說環境幾好,味道中上,呢個價錢絕對好評👍 繼續閱讀
(以上食評乃用戶個人意見 , 並不代表OpenRice之觀點。)