影片
以上資料只供參考, 請與餐廳確認詳情
今日放假無乜事做，見屯門碼頭新開左間布拉腸粉店，又正正係屋企附近，就諗住去試吓佢既早餐，睇睇佢有咩特別。餐廳裝修得簡潔舒服，有d懷舊茶餐廳既感覺，選擇都幾多，價錢都算親民。 .即炸雞中翼公仔湯麵餐 $42第一樣試既係即炸雞中翼公仔湯麵餐，抵食到爆，$42仲包埋飲品，我揀左杯熱奶茶。雞中翼一上枱就聞到香味，係即炸既，外皮脆口，內裡嫩滑，仲帶少少醃製過既鹹香味，味道好惹味。至於公仔麵就吾會煮得過腍，湯底調味剛好，飲完吾會覺得太鹹或者太油膩，加埋熱奶茶，簡單又滿足。 .豬潤粥跟住試左佢既豬潤粥，出奇地滑同細膩，吾會有d粗糙既口感，粥底係有熬過既味道，好香濃，入口順滑，完全吾需要加調味料。豬潤份量吾少，切得夠厚，但煮得岩岩好，吾會老又夠嫩，每啖都係豬潤既鮮甜味，非常推薦！ .叉燒腸粉叉燒腸粉就係一大亮點，亦係佢地嘅招牌，佢既腸粉同平時港式腸粉口感好吾同，皮夠薄，食落去又滑又有彈性，重點係餡料多到爆，叉燒切得細細粒，但帶有少少甜味，仲有輕輕既焦香味。咬住腸粉皮再配埋叉燒既香味，絕對係一流！ .鮮蝦仁腸粉再黎係鮮蝦仁腸粉，蝦仁好大隻，咬落爽口彈牙，蝦味鮮甜，一條腸粉入面有2隻大蝦仁。腸粉既皮滑到可以係碟上面「行」，而且吾會因為放得耐而變乾，真係吾錯.大和低糖豆漿
繼續閱讀
跨區來吃都值得的粥店 📍地點：屯門🍽️菜式：粵菜💰人均消費：午餐 / 晚餐 HK$50~60🔖服務費/ 茶芥：❎ / ❎🧻餐巾/ 濕紙巾：❎ / ❎🪑座位類型：卡位📝落單方式：侍應生落單免費🅿️：❎ 【粥粉常餐 - 豬潤魚片粥、雞蛋腸粉】💰HK$54粥底超級綿，每一口都有豬潤和魚味，絕對不是粥底加料煮一下就上碗。雞蛋腸粉好滑，是有蛋香版的布拉腸粉。 【粥粉常餐 - 北菇滑雞粥、炸两腸粉】💰HK$54粥底綿，這碗就每一口都是滿滿雞味，烹調時間一定不少，難怪上桌較慢，真的用心煮！炸兩豉油分開上，油炸鬼保持脆度。 【炒麵】💰HK$20炒得夠乾身，帶點蠔油底味。 餐可跟HK$12油菜份量不少，蠔油還分開上。加HK$9檸檬茶檸檬酸而不苦，用料蠻不計成本。 #foodcourt #foodxcourtx #foodxcourtxTM#屯門搵食地圖 #屯門美食 #屯門 #粵菜 .@軒記布拉腸粉・美味粥🏷️湖翠路138號啟豐商埸地下G1C8號舖
繼續閱讀
屯門最近開左間隱世粥舖，主打全人手製作腸粉同粥品，老闆透露每天早上六點就要到舖頭做準備工夫，每日新鮮製造!我地叫左牛肉魚片粥，粥底綿、魚肉鮮，好味到爆燈，碎牛肉食落口感覺都還新鮮的!而炸鷄翼炒面炒麵香味誘人 ，天氣凍食香口又暖胃!腸粉亦相當出色，細膩爽滑的外皮，鮮嫩Q彈的蝦肉，內餡多汁卻又有口感，新鮮美味無窮!而店方亦創意無限，有雙拼腸粉選擇，我地叫左乾瑤柱同魚片腸，瑤柱相當足料，店家相當揼本，厚切的魚片直接擺成了腸粉鮮香又滑嫩！
繼續閱讀
屯門粥粉麵小店鮮蝦腸粉 $27炸兩腸粉 $25即叫即做 布拉薄皮腸粉真係紙咁薄！滑溜溜嘅腸粉包住大大粒又爽又彈嘅鮮蝦 再加豉油提味勁正！將腸粉同油炸鬼兩種嘢食夾埋嘅炸兩又脆又夾～炸豬頸肉炒麵 $40炒得好乾夾嘅炒麵份量勁大份 一定要撈埋甜醬一齊食 炸豬頸肉炸得金黃色咬落非常厚實而且好脆重有小小油脂香又吾會膩口炸雲吞 $33 （5粒）配埋泰式辣醬一齊食又脆又開胃！凍檸檬茶 +$9豆漿 +$9軒記布拉腸粉・美味粥 (屯門)屯門湖翠路138號啟豐商埸地下G1C8號舖
繼續閱讀
【屯門區】【軒記布拉腸粉・美味粥】去咗屯門碼頭做嘢，喺得大西北就叫埋遇星哥嚟陪我食嘢，佢又捨命陪君子喎，真係好。屯門碼頭明明喺海邊咁靚，偏偏佢嗰度嘅啟豐商場好似冇乜人識，但好彩都未變夾公仔場，仲有好多餐廳食肆喺呢頭，我覺得少少似阿根廷 Puerto De Olivos 嘅河邊。咁呢個商場入面，比較吸引到我試嘅就係呢間軒記，首先試佢哋下午茶餐 $48 嘅「珍寶華田西多士」，面頭阿華田粉，裡面夾花生醬，難怪深受小朋友歡迎。跟住試 $34 嘅「瑤柱鮮蝦腸粉」，兩款餸都好足料，足料得嚟又唔會搶布拉腸粉嘅米香，係高質嘅。兩款我哋都有跟餐飲，我試 $9 嘅「凍豆漿」，係枝裝嘅大和豆漿。遇星哥飲「熱柚子蜜」，佢覺得係好飲嘅。最後我哋仲試多兩款小食，分別係 $33 五粒嘅「炸雲吞」同埋 $26 三隻嘅「炸雞中翼」，兩者都香脆好味。咁食法，埋單先 $150，非常抵食啦。。。（地址：屯門湖翠路138號啟豐商場地下G1C8號舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #lunch #dinner #foodpics #followforfollowback #love #eat #1am屯門區 #屯門 #屯門碼頭 #軒記布拉腸粉美味粥 #軒記布拉腸粉 #下午茶餐 #珍寶華田西多士 #熱柚子蜜 #瑤柱鮮蝦腸粉 #凍豆漿 #炸雲吞 #炸雞中翼 #1am1662 #1ambackup
繼續閱讀
您可能會有興趣的...