影片
以上資料只供參考, 請與餐廳確認詳情
招牌菜
鋪面裝修簡單不吸引，似是食車仔麵的小店。入店一看，餐牌選擇不多，原來不是食車仔麵😅老闆娘見我望咗餐牌好耐，也忍不住問我是否第一次光顧，介紹我試食湯的渣渣麵再加2粒自家手打牛丸同墨魚丸，碗麵仲有生菜同半隻滷水蛋。(老闆娘仲會問您食唔食辣) 拉麵好彈牙爽口，無鹼水味，原來也是自家製👍牛丸墨魚丸都一樣爽口彈牙👍👍食晒碗麵後，老闆娘問我夠唔夠飽，唔夠可再給我添一點麵，她說最緊要食得飽喎！我就反而貪心想試其他嘢，點了碟涼伴雞片，辣辣地，不過好大碟，一個人食唔晒，對不起我浪費了，用來跟麵一齊食會比較好。窩心小店 十分在意客人感受 老闆娘好好傾
繼續閱讀
呢碗野，大名為渣渣麵。以紅油炒手為概念的改良麵食。然而此渣渣並非豬油渣，而係肉！碎！湯底紅而不辣，手打麵靭而不硬，豬頸肉軟熟，入味。重點！介紹返，墨。魚。丸！由老闆娘個老公每天親手打造，不愛丸類的我竟盟生追加的衝動，地位已超越本身穩坐第一的譚仔墨魚丸。怕熱氣，還有老闆婆親手煲的酸梅湯。全店食材幾乎全部手造，淨係食呢份堅持同心機已經值回票價。真心推，軍軍麵香源。
繼續閱讀
同朋友經過,見到新店,於是坐低一試。睇餐牌見到招牌渣渣面,覺得好奇,從來未聽過有種咁嘅面。經過老板娘耐心嘅解釋,先知道原來係渣渣面係四川嘅一黎面食,渣渣姐係放係面上面嘅肉碎。鋪頭裏面都貼左有關渣渣面嘅介紹,等好似我依啲唔知渣渣面係咩嘅客人可以睇下。我同朋友一人叫左一碗渣渣面,再加一個滷水拼盤,渣渣面嘅湯幾香,老闆娘話係由豬骨加雞煲成嘅,而個人覺得最好食嘅係佢個面,手工整嘅面又滑又爽口,加埋個湯頭同啲雞肉渣渣,叫左小辣,好惹味。而朋友就叫左唔辣嘅,個湯好鮮甜。而個滷水拼盤就好入味,啲滷水汁嘅味同其他鋪有小小唔同,好似係老闆自己秘製嘅汁兩個人埋單80蚊都唔洗,超抵!!下次想再試埋佢地自家包嘅雲吞~
繼續閱讀