要急急七點前到達，遲到就人頭擁擁，食客一浪接浪殺到，無位坐啊！可口可樂，少可飲酒到天光要支回魂曲！黃昏四點的早午餐一剔過，加 $8 蚊有可樂，食四餸有免費可樂。整間舖瀰漫著抽糞車的異味，係咪暴屎坑呀？行出到門外就無味喎。係咪好唔想我黎幫襯啫？好采有睇單，漏走蔥漏雞翼。終於碗麵到喇，師傅再漏紫菜。轉晒師傅全部大媽？越來越難食，以前係幾個肥仔好食多倍。其實我係要鴛鴦，有剔幼麵及河粉的，不過四眼妹妹似乎先入為主，既然都已打錯，懶得再改啦。最後結果係食埋煎釀三寶都未夠飽，唯有飲多幾杯酒填充夠吧！兩溝鴛鴦都唔識煮？先烚麵後烚河乍喎。嚴禁戀溝，加錢都不可以，只準單點﹗無所謂，那我就叫一碗麵一碗河粉，火火地。寫到明走蔥，無得食鴛鴦再無走蔥，火上加火更加火﹗嚴禁兩溝？我要食鴛鴦無人阻到我，最多叫兩碗自己溝﹗竟然仲有隻烏蠅飛來飛去，極度討厭。座位迫迫夾夾，阿伯您大舊就唔好坐係我後面，其他位係唔坐，係要背對背頂住晒，比餐安樂茶飯我食得唔得呀！辣椒油，咸咸蝦米微辣微香而油感重，不喜歡這味道試一次便夠。泡椒雞腳，爽脆筋彈，咸鮮中辣刺激。咖哩陳皮魚蛋，陳皮味到位清香，其實配蠔油才是絕頂！咖哩厚厚黏黏甜味強而辣味微弱，肉質很削不彈假爽，散發少許腥味。鮑汁雞腳，為何比麵還要耐？又不用翻熱。原來有烚生菜墊底，原諒您啦。爽爽的雞皮及筋肉未見炆得黏膠，雞腳的豉油味強烈，鮑味呢？車王撈，咸王撈麵受不了，咸王雞中翼受不了！嫩滑雞皮結實白肉，滷得太咸浪費了！溏心滷蛋出色，晶瑩剔透，清香不濁，蛋黃甘甜黏黏。即食鮑魚厚厚彈彈，鮮鮑味突出。巨大蘿蔔兩舊腍腍爆水，高湯入味，表層有點縮有點塌。鮮冬菇滑嘟嘟少少彈，用蠔油炆過呢。魚肚吸汁多水索索湯更美味，花膠大大塊嫩嫩滑溜。竟是豉油皇炒麵底，有誠意估您唔到。嚥韌乾爽炒麵怪您過份重口味，硬著頭皮照食可也！醇厚濃郁豬骨清湯清甜可口，豉油皇炒麵食到尾聲已到達極限，沖沖湯洗洗咸，舒服許多。煎釀三寶，何解普通的煎釀三寶已等 10 分鐘有多還未到達？使得我心猿意馬忐忑不安，終於滾熱辣送到，感受得到的高溫，新鮮出爐剛剛炸起，真身為炸釀三寶！色澤光亮鮮明，索一索肉香撲鼻，明顯地不是翻炸乾屍的呢！續一擊破，先由紅腸開始。肥美厚切大紅腸，清甜的肉味絕不咸澀，尖椒炸得透徹全熟，清甜味出眾，爽脆多汁美味無得彈！豆腐皮脆肉嫩，白肉滑溜不得了！厚厚的鯪魚滑，搽得均勻非常，封得密實沒有虛位，不是馬虎的薄薄的一篤仔，炸得香口彈彈，乾爽不油膩，滿有鮮魚味道可口不腥嗅，淋上芬芳甜豉油，充滿生命力！古祖味牛腩麻辣牛肚麻辣牛柏葉特濃牛骨湯麻辣汁幼麵，古祖味牛腩即是懷舊車仔麵味道？果然一模一樣同出一徹，幸好不是太腩碎腩邊！鬆化完整的一舊舊牛腩粒，五香味濃合格。麻辣牛肚金錢肚爽爽彈彈，微弱的辣味不太感覺到，五香反而更突出。麻辣牛柏葉，烚得剛好不超時，爽彈無比散發少許雪味呢。微辣的麻辣汁還沒有跟麵跟湯撈勻便大大啖一次過塞入口！微辣微麻迅間消散，添味真的不錯。濃郁香醇牛骨湯，有著潮州麵檔的影子，淺色極幼麵詐看還以為是米粉，我喜歡食硬麵要有嚼勁的。極腍的質地，十分濕滑，不彈帶少少爽。即時聯想到紅磡張榮記蝦子麵，跟他們的高檔優質蝦子麵非常相似呢。鮑汁魚肚惹味豬紅客家黃炆腩肉沙嗲醬特濃豬骨湯粗麵，豬骨湯係有料到既。索價 $10 蚊條魚肚，長方條形索盡鮑汁，爽爽綿綿趙得舒服。惹味豬紅一片片，先嚥韌一咬爆開，沒有特別的感覺。客家黃炆腩肉，硬硬地鞋鞋地咸咸地。廉價車仔麵檔的無味紙條全蛋麵，沒有彈感，鞋鞋不香，幸好沙嗲醬香甜拖著豬骨濃湯齊齊吸啜，才不至評於劣質。豬骨湯黏稠味濃十分出色，撈埋沙嗲醬點綴一下生色不少。紫菜柱侯牛筋墨魚丸牛腩汁特濃牛骨湯河粉，阿妹我要走蔥架，激死我。費事騰來騰去浪費時間，自己挑走好過！河粉堅得好好味，綿綿滑溜溜，拖著濃郁醇香的腩汁牛骨湯啜啜啜，滿足滾動！夾著咸香爽脆紫菜齊齊啜更是一絕。墨魚丸粉口黏黏的廉價墨丸，柱侯牛筋碎濕濕軟滑有點過咸。厚切紅腸潮式滷豆腐腐皮炸蝦卷特濃豬骨湯河粉，次次湯底濃厚香甜，但依位四眼嬸煮出黎淡如水！即落五羹辣椒油都係無味，辣椒油唔掂，湯底又唔掂。紅腸及滷豆腐都有煎過夠誠意，紅腸超高質肥美嫩彈清甜還有焦香味道，使得我愛不釋手食唔停口！潮式滷豆腐平凡水準食完都唔記得，外皮嚥韌裡面藏著豉油水般。腐皮炸蝦卷味道似魚餅多過蝦卷，結實咸咸地無特別。望穿秋水我碗幼麵遲遲未送到，所有餸菜都經已食完段時間先捨得登陸。黃金炸魚皮滷水溏心鴨蛋咖哩魷魚特濃豬骨湯幼麵，湯底一樣淡如水！黃金炸魚皮極香脆，原來係咸蛋黃略咸，浸浸湯洗洗去舒服多了。滷水溏心鴨蛋，甘甜蛋黃好味道。咖哩魷魚勁彈震騰騰，卜卜脆味道香濃咖哩味。機會黎喇飛雲﹗合體完成。湯底實在淡茂茂水汪汪，麵淡粉淡！辣椒油有蝦米咸咸竟然不辣，非常失望！完全提不起興趣，食慾消減得非常迅速，但不可以浪費食物的，馬虎求其全部吞落肚，食完即閃沒有任何留戀。紅燒豬軟骨南乳豬手滷水豬大腸咖哩醬特濃牛骨湯出前一丁，我寫明多汁都只得一篤仔，既然漏走蔥及漏雞翼，連多汁都漏埋都可以理解。紅燒豬軟骨大大舊啖啖肉，紅燒汁甜甜醃味濃厚膩滯，鬆化的瘦肉包著軟骨脆卜卜。南乳豬手腍腍軟滑豬皮，給不到我半點膠黏的感覺，大力一啜骨肉分離，清淡南乳味不過不失。滷水豬大腸綿綿的，大腸未見彈滑，滷水味偏咸跟麵條一齊食可以減輕一點。出前一丁爽脆出前一丁只有 7 成熟，黐牙卜卜脆，煮得太生喇！食完勁口渴副作用異常強烈，到底係湯還是食材呢？飲完支細可樂，再一支細忌廉都毫無效果，再來兩支細烏龍茶，戰鬥 3 粒鐘後終於開始有點舒緩。椒鹽雞中翼，碗麵一早已經食完，但雞翼還未出籠，唯有呆坐繼續等！苦候十幾分鐘，剛才炸起油淋淋熱騰騰，椒鹽粉極咸，勁硬外殼要咬掉，裡面嫩肉多汁醃味重而濁，不如簡簡單單炸雞翼算啦！泡椒豬手，無腳皮無腳趾無腳甲，食得非常安心舒服啖啖肉。白雲豬手的變奏，清涼爽脆，咸鮮辛辣兼備。南洋咖哩羊肉飯，我叫得這麼另類，心理準備有排等，朋友仔食完碗車仔麵埋單離開還未送到。點解我叫幾次少飯，連點菜紙都寫埋都唔理我呢？食唔晒好浪費！原來有跟半隻滷水溏心蛋及客家咸菜呢！以為味道各走極端，竟然咸菜咖哩羊肉白飯味道夾得天衣無縫！羶香不嗅彈彈不硬的羊肉，炆得透徹入味，帶著神秘甜美咖哩汁，幾注咸酸菜搭啖白飯，合作無間超然色香味！粉甜薯仔配飯同吃一樣使人讚嘆。魚肉燒賣，明顯外購貨，不是自家魚蓉燒賣。咸豉油真的略咸，每粒淋上只油不辣的辣油可減輕一點。蒸到燒賣外層微溶黏牙，裡面仍是結實，味道單調。招牌燒肉糭，什麼招牌燒肉糭呀？食隻咸肉糭好您千倍萬倍，甜豉油都無賣什麼糭呢？莫非用咸豉油加糖。綠豆蓉太少食不出甜美，嚥韌的赤豆，咸蛋黃無味不香。燒肉？燒過的肥豬肉？沒有燒肉的肥美，沒有肥豬肉的甘甜油潤，食得非常不快樂，激死我！菠菜魷魚雞翼尖墨魚丸咖哩醬特濃豬骨湯讚岐烏冬，隔離比我遲落單的都已經食緊碗麵，何解我的那麼久？因為烏冬烹煮需時較耐？莫非阿妹覺得對面四眼佬係我朋友？所以要等埋一齊入單？您見我一身既前衞打扮，我點會同大叔撐檯腳呀！菠菜烚得夠腍，菠菜甜味完全出晒，黎爽甜絕倫！魷魚沒有味道的，水魷身以為食緊番梘。雞翼尖餐牌寫住滷水，為何係麻辣味呢？浸到過火過熟，雞油雞肉雞汁流失，食落骨杉杉不肥美無肉食唔舒服。墨魚丸輕輕的墨魚味，粉太多有少少黏牙。讚岐烏冬掛著咖哩醬特濃豬骨湯啜啜啜，依個才是整碗的焦點所在，嫩彈滑滑熱熱美味！牛丸魚肚炸魚皮厚切餐肉麻辣醬牛骨湯蘭州拉麵，濃濃晶瑩的牛骨湯浸著成餅蘭州麵，花點時間發散麵條才安心享用。嚥韌度直迫稻庭烏冬，苗條微漿充滿彈力，拖著麻辣汁大力啜，沒怎樣的吸引，草草了事算吧！牛丸奇怪地優質，半爽少彈還有甜美牛肉汁添呢！炸魚皮基本的脆卜卜，索點湯濕濕嘴嚼更滋味。厚切餐肉係火腿餐肉喎，浪費一件靚食材，真的夠晒厚，真的切完就放埋一邊，無煎無烚，放到乾硬死實，味道陰沉油膩，要烚得透徹吸湯才會鮮嫩香滑！師傅您塊魚肚想點呢？唔係一味大就得架麻，何時轉做魚肚扒呢？微弱的爽感，完全無味道，說好的鮑汁炆呢？索一點湯添一點味道。…查看更多
整體裝修和格調似足傳統冰室特式，但相比起新開幕，未能保持最佳狀態。
服務員的服務有禮。枱上有兩款自家配料，特別是XO醬不妨一試。一碗三餸車仔麵為$38 （每加多一個餸就加$8-10）價錢合理。
而咖哩豬皮蘿蔔魚白 較為失望，面頭成寸油，味道唔濃味。
整體食物欠心思。
主要都係做街方生意為主。
車王顧名思義係食車仔麵即係叫餸配搭一個粉麵我鍾意呢間粉麵有多款湯底醬料配搭材料一點都不馬虎而且份量十足尤其喜歡他的牛筋真的是一條毛都沒有，很乾淨
而且可以有特別要求，例如多蔥他真的會給很多蔥了不用加錢當然車仔麵的價錢比一般店舖為貴
但間唔中食都是可以接受的他有不同嘅飲品選擇，如果想方便他的飲品也是不錯，有薏米水，涼茶等等我通常會叫外賣因為堂食好多時都滿座外賣可以拎埋辣蘿蔔粒配麵食一流
