車囝麵甜心屋 (已結業)

為了去看吉卜力而走去九龍灣那邊, 不想幫襯德德商場內的, 於是走去工業區那邊的小店餐廳試試, 沒有心水, 於是就求其搵一間。見到這間的, 有麵有包有蛋, 就比次機會佢啦。入到去, 由於天氣亦悶熱, 冷氣不是太足夠, 客人不多, 可能要返工的都已上班了。我們自己搵位坐下, 店員很快便來幫忙抹檯。我們叫了2個早餐, 我叫了沙茶牛肉麵, 友人叫了雪菜肉碎。問了友人覺得他的麵如何, 友人答覆NO GOOD, 無咩味。我的沙茶牛肉又OK WOR, 麵質是餐廳那種, 但是即整的, 因為麵條還有點硬(那是我鐘意的texture)。至於重頭, 當然係煎雙蛋及烘油多, 雙蛋好靚, 手熱唔錯, 油亦唔多, 多士薄薄的。恰到好處。這間店我見只有2位店員, 一位姨姨及一位金髮小姐。要讚的是位金髮小姐, 很有禮貌的, 走時亦有多謝等說話, 只是29元的早餐, 這些禮貌相信她是由心出發的吧。加油, 小店。…查看更多

附近新開左呢一間車仔麵店，所以就星期六日瞓晏啲落嚟食個午餐，試一試佢啦。我覺得佢比起一般嘅車仔麵店，無論係餸菜定係面，都多幾多選擇，所以都幾好嘅。車仔麵最開心就係有得自己揀嘢食，屋企人就揀咗咖喱魷魚牛腩蘿蔔，而我就叫咗豬頸肉西洋菜餃。啲蘿蔔同埋牛腩都叫做稔嘅，咖喱魷魚都整得幾有水準，同平時飲茶食嘅咖喱魷魚差唔多。如果比較肚餓呢度仲可以加$5加面底咁就可以食得好飽啦。我就好鍾意食水餃嘅，估唔到呢度嘅餃子都幾多種類可以揀。見到咁多可以揀，梗係好開心啦，有個好特別嘅係西洋菜餃，我真係未見過所以試一試佢。原來西洋菜搞係咁嘅味嘅，我又覺得唔重西洋菜味，唔會有好重嘅草青味，包落水餃到其實都幾夾，係一個好創新嘅嘢食😆…查看更多

上次去完隔離嘅百年，知道呢間車仔麵係share同一個廚房，唔知質素如何，儘管試試。今次一心黎試車仔麵，我地都叫車仔麵。我地嚟試嘅原因係55元有5餸，而且有啲餸係特別嘅。其實佢有葱油系列嘅飯，下次有機會試。我地叫嘅腩汁好淡，我平時都食得淡，呢個湯淡得過份，叫咗清湯嘅朋友表示係無味咁濟。魚肉卷ok，餃類個餡好無汁，好乾身。朋友話鹵水嘢係可以叫嘅，清得乾淨，相比起較有味。菜都可以嘅。我自己有叫魚蛋，魚蛋我仲以為係燒賣，好乾。河粉散哂，吸完湯都好淡。牛腩真係一般，其他無咩特別。食完好似唔知自己食咗咩，5個餸應該好飽。由於無味道，食唔哂，所以好似有啲空虛。…查看更多

這天本來想試旁邊那間餐廳的，可是見餐廳內已坐滿人，每枱的客人都像剛入坐般，看來要等一陣子才有位，我們只好改變主意，吃旁邊的車仔麵。雖說這間餐廳是另一間餐廳，名字也不同，但一直見職員把廚房出來的食物端到旁邊的餐廳，難道是共享廚房？🧐雖然這間餐廳的名字有車仔麵，但餐牌上除了車仔麵也有其它食物，不過我這次也是點了車仔麵。我選了3餸，分別是生菜、魚皮餃和豬頸肉，湯就選了清湯，麵則選了幼麵。由於我選了清湯，所以味道較為清淡，友人選了腩汁則說不錯。餸的味道沒什麼特別，不過不失。幼麵的質地和我想像中不同，它是有點像雲吞麵的那種口感，爽爽的。份量中等，不算太多也不會太少，我想大多數來光顧的人大概都是因為旁邊的餐廳太多人吧😂…查看更多