車仔麵專家 (已結業)

#普普通通車仔麵 本來諗住唔會難食得去邊🤢點知店名同食物質素完全圖文不符。我揀左牛腩，豬大腸和午餐肉😪牛腩未煮淋，硬到咬唔開.....而且裏面仲有少少骨。豬大腸好似未洗乾淨，食落味道小小腥🤮🤮至於湯底味精好重，食到一半已經好口乾。估唔到午餐肉已經係最好食嘅一款，有兩面煎過。劣😫😫可能係因為佢嘅時間太早，未完全準備好啦。希望會有改善～.🏠車仔麵專家 (上環)上環蘇杭街104號秀平商業大廈地舖…查看更多

中上環一到Lunch time 就周圍都多人到爆，好彩我食12點，行到去呢間車仔麵都唔係太多人，但食食吓就越嚟越多，有時見要等位，但車仔麵流量都快，所以等位嘅人一般都唔需要等好耐。今日揀咗幼麵清湯底、豬大腸、蘿蔔、貢丸3餸，加一支Zero 可樂。豬大腸好入味，蘿蔔都煮得唔錯，但有少少渣，貢丸好彈牙。至於店內裝修好特別，有一邊以黑白武士頭盔作擺設，另一邊有幅以Q版掛畫做主題，非常有趣。店內不算大但整體坐得舒服，唔會有太迫感覺。價錢亦算合理。Q版主題掛畫餐牌黑白武士頭盔落單食物…查看更多

之前也來過多次，食物水準依然好味，仍然是我的至愛。我的心水是四餸，麵底可以選腸粉，這在同區是找不到的，即使在別的區域，也很少有。腸粉的水準還可以，未到上上質素，但也絕對是合格之上。醬料齊備，撈起來吃，很滿足。再加一杯豆槳，很完美。餸的選擇甚多，每個人也有每個人的心水；我的選擇必然是魚蛋，陳皮味夠，咬下去彈牙；豬大腸，煮得很冧，份量也多，當然不太健康，但不健康的東西才好吃，兩難很難想，唯有下次再想吧！最近加了的心水是蝦膠豆卜，蝦膠有味，而且豆卜沾了汁醬，滋味非常。另外一提的是，這裏的下午茶在 14:30 後，更為超值，兩餸再腸粉或粉麵再加豆槳只是 HKD27.00, 冠絕全上環。小店有心做而且水準甚高，我樂意推介。…查看更多

又再去食車仔麵專家， 下午茶由2點半至6點 喺門口見到有寫4餸40蚊連嘢飲及粉麵等等， 下午茶， 一餸連飲品和麵20蚊 ，2餸連飲品和麵25蚊， 3餸35蚊連飲品和麵 。落柯打嘅時候，就講咗要4個餸，魚蛋、墨魚丸、豬皮、蠔油齋， 連飲品應該40蚊 。但係佢話下午茶2餸另外再同你加兩款食品41蚊，又解釋唔到原因畀我聽， 點解你門口介紹寫明是4餸40，我入嚟畀錢嘅時候，會多咗1蚊 。錢唔係問題最緊要數目要清楚， 依依哦哦就當解釋咗😕😕😕 點咗油麵， 正常冇問題，麵唔會過軟亦都唔會過硬， 魚蛋浸泡太耐，琳魚蛋唔好食。 墨魚丸唔新鮮，即刻吐出來， 2粒墨魚丸都係。 豬皮應該爽，豬皮又係琳， 琳到就快要變溶化水漿糊 蠔油齋又係水漿糊一pat。 辣醬今日直情唔香 ，又唔辣，發生咩事！！！係咪因為今日星期一，星期日全部剩下，雪櫃嘅貨尾 ，淨返嘅貨品，今日推出嚟 呢間舖食品近來非常之唔穩定， 越趨下 ，下降食物質素。…查看更多

朋友介紹這間車仔麵給我認識，因為內裏有很多Star Wars擺設，和店外很多有本地特色的壁畫。侍應有點似吳浩康，朋友說是老闆的親戚，在店內打點一切。他叫我先在點餸紙畫上自己想要的食物，然後到收銀處付款。大約過了5分鐘，職員叫號碼自取。麵的賣相雖然不佳，但食完感覺良好！幼麵彈牙，湯夠濃，魚蛋雖然冇魚味（講笑）但係有街邊風味，炸魚皮夠大塊，雞翼多肉。略嫌紅腸太細，冷氣不足。最喜歡Star Wars擺設，和連續播放周星馳電影，有品味，值得再試🤓…查看更多

叫左個3餸，每樣餸都好淡，似無腌過。好似食左個滾水碌麵咁。。。。$41蚊有野飲呢條街來講都唔太貴。不過本人絕不會再幫襯，自己係屋企食味精落重手啲都好食過佢。。。…查看更多

如要儲錢只能食$40以下，又喜歡食車仔麵的話，這裡是好選擇。這間店專食車仔麵，價錢最低只係$35，有3餸一麵，包埋$8或以下的飲品。每款餸份量算平均，個人覺得夠飽，味道方面要視乎叫左咩湯底，我自己叫左蘿蔔湯底，所以整體d餸味道較清淡；另外果碗麵加左腩汁，所以較重味。不過lunch時候較人多，如2人一齊食就比較難找位。…查看更多

依幾日做野OT 到七八點，小小肚餓但又唔想食飯，想係上環食車仔好似都唔係好多選擇，因為好多間車仔面舖都係六點幾就關門。但依間就好D，平日既話9點幾先關門，所以就滿足左我想食車仔面的願望。 叫左個四餸面套餐，叫左紅腸、時菜、魚蛋同埋牛肚，配埋個凍豆漿。都幾足料，加左小小辣個味道都唔錯，個牛肚整得幾好味，但牛肚就好似少左小小。整體黎講，車仔面比人既感覺好似係好地道，但依間舖既裝修都好企理，整體黎講都幾乾淨，可以encore.…查看更多

想食附近餃子，但星期日休息，於是黎左呢到食車仔麵...星期日無套餐，不過套餐都只係跟盒裝/罐裝飲品...不討好，但車仔麵餸既款色多👍🏻但質素唔知...：叫左「好味推介」甜酸齋、「自家製」韮菜豬肉餃、清湯米粉...$26，算平既☺️先試湯底，偏鹹，屬一般水準；米粉：普通彈牙米粉，有大中小份量揀（價錢都有不同啦），好貼心既選擇。女仔點個細既都一定夠食☺️；齋係好食既，脆身！，有4舊，都不俗!餃子就...得兩粒，皮小小厚😔皮邊仲有d硬...韮菜份量少、豬肉唔彈牙...劣評！…查看更多

去到上環想食d價錢親民少少嘅食物經過呢間車仔麵，裝修都幾別緻！所以就試下啦😆😆Decoration 值得一讚😆👍🏼有一排排嘅白兵黑兵頭😎超得意丫！隔黎幅畫係marvel 食緊車仔麵專家！圖中嘅店鋪環境係到真實一樣嫁！super cute 😍我叫左2餸麵餐連飲品$35 加底 $5 係枝裝可樂呀😍👍🏼👍🏼👍🏼真係好飲d個人覺得車仔麵嘅湯底係最重要！因為d餸菜味道唔會出入好大！我叫左腩汁湯底！味道有d淡😩有待改善！不過加底麵分量真係好多👍🏼…查看更多

味道ok嘅，係全條街比較好食嘅車仔麵。個面底可以再做得好少少，餸唔錯，幾入味。抵食，連嘢飲既套餐$35（三餸）， 比起附近上環餐廳嚟講好抵食。下午茶時間人唔多可以慢慢坐， 近窗位玻璃有自然光，舒服。…查看更多

現時的午餐，有時會待兩點半才來這間車仔麵舖吃，貪其少人以及價錢相宜，而且好味。他們有下午茶，只是 HKD25.00 一個人，可以包了兩餸，不要粉麵可以選腸粉，還有一杯豆槳；這個價錢，真是無敵。腸粉做得非常好，很軟熟，而且夠熱，重點是有很多醬汁，吃腸粉醬汁是很重要的；撈在一起吃，有合益泰七成水準，但不用排隊，不用特意過去吃，吃得舒服。兩餸我選了豬皮及魚旦，魚旦是無敵的，必叫，有陳皮香；豬皮中上，略嫌有點硬但可以接受。如此價錢在上環，你在普通茶餐廳吃一個茶餐也絕對不止此數，卻有如此美味的食物及吃得飽肚，大滿足。…查看更多

今日中午要去中環L place開戶口，順便搵下好野食！原來蘇杭街有咁多地道小店，車仔面，茶記！我簡左一輪，決定食車仔麵專家釀豆卜豬腸九菜餃湯底辣汁豆腐面既份量可以簡大中細，細都已經勁飽！…查看更多

這間車仔麵專家我去過多次，今天午飯來個快吃然後見客，就來了這裏。說價錢，一點都不平宜，五十多元一碗麵加飲品，不過只要味道好吃就可以。我叫了豬紅，魚蛋，豬大腸，咖喱齋，一半好，一半不好。這裏比較特別的是，你可以不叫粉麵底而叫腸粉，我今天也叫了腸粉。先說腸粉，味道是可以的，腸粉的感覺像是合益泰，將腸粉撈在豉油，甜醬一起吃，很有風味。豬紅也是好吃，吃出味道，而且豬紅有咬勁，不會是軟腍腍那種。魚蛋，沒有吃過比這裏更好味的了，陳皮味道清楚，魚蛋不會很大粒，鮮甜而且有咬口，來這裏叫魚蛋必然沒有錯。豬大腸味道可以，不過不是很軟熟，未知是煮的時間不夠長還是怎樣，尚算可以。齋則完全不行，既冰凍而且醬汁混在一起，吃下去很不開胃；未知是否和天氣凍有關，如果在冬天來就不要叫這個了。…查看更多

上環情報：期望過大的車仔麵店-試食餐廳：車仔麵專家（上環蘇杭街104號秀平商業大廈地舖）美味指數：$29三餸車仔麵（5/10）$28炸雞脾配薯條（4/10）-早前元創坊舉辦了日本文化祭，場內有由日本遠渡而來的小食店，又有請神儀式的示範，濃濃的文化氣色吸引了小女子。所以，小女子先與男友仔在上環進餐，再到該處拍照，眼見蘇杭街的車仔麵店頗為地道，又有薯條出售，毅然選擇光顧。-小女子與男友仔點了三餸車仔麵，包括$6雞翼尖、$6炸魚皮與$8韮菜豬肉餃，配腩汁湯油麵。先說腩汁湯底，它沒有平日在麵店喝到的腩汁湯味，反而更多是焯麵的鹼水味，雖然也算好喝，但及不上腩汁的惹味。油麵底未有掛湯效果，配料一般，雞翼尖入味且量多，但魚皮有數塊不為鬆脆，應該是存放過久所致。-另外，炸薯條都令小女子大失所望。店員說炸雞脾拼薯條要等候20分鐘，小女子理解它是即叫即炸的，誰知等候了30分鐘、麵也吃光了也未有，追問店員，她說不知炸爐為何未啓，最後等了40分鐘才有。可是，味道令小女子更為失望，雞脾似用了一些香草醃製，味道似燶又帶怪味，愛吃雞皮的小女子也不願吃皮，薯條只放有一點淮鹽，幼身無味。…查看更多