4
2
2
港鐵上環站 A2 出口, 步行約5分鐘 繼續閱讀
電話號碼
2529 3891
2347 6118
營業時間
星期一至六: 07:30-18:30 星期日及公眾假期: 休息
付款方式
現金
座位數目
36
其他資料
酒精飲品
食評 (12)
等級6 2017-02-15
1450 瀏覽
早前,經過上環蘇杭街,見到開業不足兩年的 cafe Little Break Coffee & Kitchen 已結業!就算得知開業初期有試食,卻是難逃結業厄運!十二月尾經過才發現有間新店 <車仔麵專家>,一於找天幫襯吧!沿這條街走一趟!會發現有4間車仔麵店!包括:<麵尊>、<車仔麵世家>、<90后車仔面&糖水> 及 <車仔麵專家>!當日星期六中午幫襯,坐下來最驚喜見到以 Star War 的白武士作裝飾! 期間,有位著住中袖衫的大陸女食客覺得冷氣凍,要求店員調一調!店員服務好,有求必應! 果然是顧客至上!講真,遊客生意做一次半次,還以為店員不會理會,因為滿足一位食客,可能較細了冷氣而令附近的食客覺得熱呢!最緊要有食客番單,新客變成舊客!餐牌蠔油齋、豆卜釀蝦膠、時菜 配豉油撈腸粉 $34蠔油齋以為是蠔油醃製柔軟質感的麵筋,怎料食落乾曾曾!豆卜釀蝦膠算是較好的一款吧! 豆卜表面乾身兼淡茂茂!全靠豉油汁提味,蝦膠尚算彈牙可口!.生菜吸收豉油汁,即時惹味起來!貪新鮮感而點了豉油撈腸粉,豉油稀汪汪, 腸粉滑溜程度一般,質感不過不失!老實說,入口不算熱,就算我坐的桌子距離廚房最近都無補於是!放涼了就放涼了!小店的貨色比這裡更勝一籌,就算我買外賣返公司,行 5分鐘路程,打開發泡膠飯盒盛載的腸粉依然是熱辣辣!怪在自己錯配!連樽裝麥精奶 $6,總數 $40 好抵食! 繼續閱讀
(以上食評乃用戶個人意見 , 並不代表OpenRice之觀點。)
等級1 2017-04-22
75 瀏覽
係上環返工試過好多間車仔麵,見佢都開左一陣入去試吓,我叫在三個餸一個麵分別係、酸齋硬,牛腩只有有兩件味道一般,魷魚新鮮,但湯一般總結唔想係街頭排隊又好想食車仔麵可以一試 繼續閱讀
(以上食評乃用戶個人意見 , 並不代表OpenRice之觀點。)
超咸,...前幾日偶然經過呢間車仔麵店,嗰日基本上好多野都賣晒,隨便叫左幾樣基本嘢食,每食一啖,感覺生命逐漸減短,味道只得一種...咸,仲要係死咸,到最尾要攞返轉頭叫佢加水,店員(應該係老闆娘)服務態度幾好,有禮貌,環境都乾淨,希望佢哋會改善 繼續閱讀
(以上食評乃用戶個人意見 , 並不代表OpenRice之觀點。)
等級1 2017-04-13
86 瀏覽
一星期一連三日都忍唔住走去食!今次就試左油麵加魷魚蘿蔔同雞翼尖個魷魚第2次見到有一堆醬放台面既既原來就係佢!雖然魷魚係涼唔熱既不過真係好好味!食過麵專既魷魚,佢既係咖哩魷魚,仲要係幾辣,唔係我鐘意既香濃辣蘿蔔雞翼尖都係好淋入味~之前食過麵專又係好幾次我個人比較鐘意去呢間食多啲應覺價錢平啲,3餸都係32蚊!油麵雖然係細size,但對女仔黎講係完全夠食湯底唔加辣係唔夠麵專濃不過將啲辣(有得另上辣!)加埋一齊就變得好香好濃個人鐘意香濃辣多過麻辣而麵專既咖哩係未試過,如果係咖哩魷魚既辣,就唔洗試,一味辣仲有食完呢度係唔會有成陣味嫁!不過係冷氣真係好鬼凍!btw,落單姐姐把聲好好聽同埋好有禮貌~!睇黎今日又會走去食~~ 繼續閱讀
(以上食評乃用戶個人意見 , 並不代表OpenRice之觀點。)
等級1 2017-04-08
120 瀏覽
之前未試過,諗住試下,點知呢一次亦都係我最後一次幫襯呢間野,叫個雙併麵,肉丁腸一丁外賣,一打開搵極都係得兩粒肉,重要吳完整,做到咁無非都係想人地吳再幫襯ja,你地完全做到👍👍一律劣評 繼續閱讀
(以上食評乃用戶個人意見 , 並不代表OpenRice之觀點。)