13
4
3
電話號碼
23230368
營業時間
今日營業
11:30 - 21:30
星期一至日
11:30 - 21:30
以上資料只供參考, 請與餐廳確認詳情
講起食Pizza 我都有一排無食.因為我哋多咗係出面搵食.今日同埋太太一齊喺葵涌廣場掃街.兩個人未覺得太飽.突然之間想起我哋最喜歡嘅Pizza 店 （趣意廚.葵興店）兩人商討後決定從葵廣出發.慢慢散歩行過去.大家傾傾講講.好快到達.在餐廳內見到幾個外賣速遞員在等待取餐.我哋今日因為唔係太肚餓.所以叫咗個12＂寸泰式辣香雞大批.$108元.等咗十五分鐘.成個大批好大個咁揪回家。返到屋企打開批盒.一陣香噴噴.熱辣辣嘅Pizza香味撲鼻.二話不說.又開餐啦.批底都夠脆.泰式鷄及千島汁好好味.如果批底再脆少少更加好.但整體來說都合格之上.我最鍾情此店.今次無叫奇脆炸鷄及吉列海鮮欖.下次再食.講起已經好想再食！🚶🏻♂️👉📌趣意廚 (葵涌) (葵涌)葵涌青山公路503號友成大樓地下B號舖
繼續閱讀
被呢間超多唔同口味嘅pizza吸引，好在可以雙拼，啱曬選擇困難症（雖然仲有好多款都想試🤣）今次就揀咗泰式辣香雞同櫻之花，餅底厚薄都可以自己揀～泰式辣香雞用咗泰式辣醬做醬底，幾有創意，同on top配料都好match，食得辣嘅推介試下呢款！櫻之花係店員推介，用咗千島醬做醬底，on top配料有煙三文魚、獅子狗魚蛋同蟹柳等等，酸酸甜甜都幾開胃👍🏻「乳酪炸雞」都係店員推介，炸雞面頭本身已經撒咗好多芝士粉，入口芝士味超濃郁，再點乳酪食味道即刻fresh咗，炸雞嘅油膩感減輕咗好多😆「和風拼盤」有齊三款小食。奶油薯餅好香忌廉味，紫菜羅卷幾特別，好似食緊包住紫菜嘅炸魚蛋🤣芝士年糕就略嫌炸得唔夠脆，比較黏口，個人唔太鐘意呢種口感🙉飲品我地揀咗「奶蓋白桃烏龍茶」同「海洋世界」，前者正正常常，奶蓋味道可以再重多少少。後者頗吸睛，同個名好match😍係好清爽嘅檸檬梳打～呢間鋪雖然位置唔算太方便，但整體食物cp值都唔錯～咁啱喺附近都推介去試下！
繼續閱讀
平日經過都多人買，諗住試下！！試左炸雞，意粉，pizza同埋沙律炸雞同pizza有驚喜！！炸雞味道岩岩好，好入味，而且唔會太多油，啲炸粉吾算好厚，有種食完想食既感覺 🤘🏻相反覺得意粉就有啲普通🙈
繼續閱讀
因為住附近，食到冇嘢好食，最尾揀咗呢間入嚟，老實講，係有少少後悔嘅🥲首先Pizza黎講，佢個底有啲太厚，食Pizza食到好似食麵包咁😑上面啲料唔夠多，啲料都似唔實個底， 一蚊起，成舊肉都跌咗落嚟，得返個茄汁pizza底，要自己人手夾返上去🙃然後叫咗個焗飯，白飯乾爭爭，仲衰過我去嗌碟頭飯🥲好似就咁用冇味嘅白汁撈飯咁飲品就比較正常嘅，唯一好嘅就係個炸雞真係揸得幾好食，但係個價錢仲貴過麥當勞😅我亦都唔會為咗啲炸雞入去食多次
繼續閱讀
今日喺樓下搵吓有咩好食，我見到一間Pizza舖，都想試好耐🤣今日就去試吓啦入到去就見到都係啲正常嘅Pizza，一般出邊都會見到嘅口味，三個人就叫左一個九吋，一個六吋嘅Pizza，一個就辣肉腸味，一個就係千島醬先講佢嘅Pizza底，係我最唔鍾意嘅厚批☹️食到好似麵包舖啲麵包Pizza咁，千島醬呢啲口味就冇乜好講，正正常常；而個辣肉腸，佢嗰個辣肉腸似係司華力腸嘅口感🙄仲要一拎起塊pizza，上面啲芝士切唔開，成個面啲料都扯晒出嚟🥲賣相好唔美觀😶但係喺呢個地區呢個價錢，講真唔好抱有太大期望。然後仲嗌咗個菠菜龍脷柳焗飯，同埋芝士炸雞。菠菜龍脷柳焗飯，啲龍脷柳得三四舊，佢仲要係白飯底😓唔建議大家去試焗飯；但係出奇地，佢個芝士炸雞炸得好嫩滑，呢個係超級加分為🥰係Juicy嘅，而個芝士粉出奇地濃味得黎又唔係好鹹，我個人就幾推薦🤪我哋仲話下次如果嚟食，淨係食炸雞好啦😅總括來講，呢啲小店係有一啲細微嘅位值得推介，但係啲大路嘢就一般般🤷🏻♀️
繼續閱讀