2
4
0
營業時間
星期一至五
06:00 - 21:30
星期六至日
06:00 - 20:30
以上資料只供參考, 請與餐廳確認詳情
招牌菜
今日山長水遠去屯門，主要唔係食呢間野，不過經過見到佢有好多舊式包點，所以入去睇吓，順便買下嘢食。見佢有舊式朱古力曲奇，舊式椰撻之類，最吸引到我目光係舊式三角朱古力蛋糕，因此買咗一舊。舊式三角朱古力蛋糕$9個，味道就係好舊式嗰種好假嘅朱古力味，菠蘿包$5個，價錢算係幾好，不過好可惜，唔好食嘅⋯⋯平唔緊要，不過最緊要好食囉，全香港咁多間麵包舖，好多都賣得好平，都唔會做到咁樣，麵包冇乜香味，菠蘿包皮唔脆，整體好一般，勝在有舊式嘅野
繼續閱讀
因為天雨取消了計劃好嘅主題公園行程，所以無訂蛋糕慶祝媽咪生日，但今日去媽咪屋企，都唔可以兩手fling fling，所以買個蛋糕補償，揀咗個半磅裝芒果蛋糕，（$50），店員話加$5可以有塊朱古力生日牌，我想加媽咪兩字，店員好好，叫廚房師傅即刻幫我寫，（為寫呢兩隻字重新坐熱啲朱古力）小店買少見少，若在連鎖式餅店一定唔會做到咁有人情味！蛋糕放到晩上響餐廳先食，蛋糕鬆軟，外層芒果肉片食落好似啫喱咁滑，面頭嘅水果新鮮好味，忌廉幼滑，亦不會太多（可能面頭芒果皮代替了忌廉）不會過甜，好味道！ 芒果蛋糕 - 人情味即製朱古力牌
繼續閱讀
以前我一向都有光顧這店子它出售的麪包全都造得很大件,又有香甜麪包味大部分飽的價錢合理,一個大椰絲奶油包只需$4;一個大芝士條只需$3.3;一個大吞拿魚包只需$4......不過,這裡的蛋糕西餅類卻賣得很貴,雖然很好吃(其實甜了點)有一次,我如常在此店買麪包,當時換了服務員,她的態度很差我在排隊付款時,前面的顧客才剛付了錢準備掉頭走,那人便馬上說:"擺低(載麪包的盤子)啦!"另一人接著說:"無戴眼鏡呀??"這算甚麼服務態度自此,我暫時決定以後不再光顧這家店了
繼續閱讀
是日甘岩出開景峰有野做,,忽然間聞到一陣陣好香既麵包味~個肚又打起鼓來之後周圍望下係邊間麵包店新鮮出爐~跟住發現了哩間趣怡餅店~由於之前一直都未買過同試過,,,於是我就決定入去買包包食..入到去有好多選擇,,好多例牌麵包都有不過我今次就係買左2個芝士麻糬波同1個脆皮麻糬波~因為佢賣$5 3個~見幾抵,,又未食過!所以就買尼試試喇~芝士麻糬波:冇乜芝士味,,但口感幾好~其實也較普通脆皮麻糬波:個皮係菠蘿包皮~甜甜地,,都ok既
繼續閱讀
在輕鐵站碰見齋妹同阿班, 走埋去嚇他們一跳時, 原來他們二人也是剛才在巴士上碰見, 而且在巴士談好, 說要試一試這裡的曲奇.說我們也是第一次來這間餅店買東西, 平常經過, 看見他們的蛋糕同西餅都比較精美. 但一向幫襯慣另一間, 始終沒機會去試. 今次機緣之下, 又有人請食. 對呢塊cookie既評論是完全出於機緣.朱古力曲奇, 是兩塊餅再夾心夾在一起的, 朱古力只沾在餅邊, 說少不算少, 如用心用尺度一度, 應有2至3mm厚. 夾在中間的, 是果醬, 如我味覺是沒有問題既話, 應該係Plum味. 曲奇, 新鮮既曲奇不用超脆, 要食脆的請於過時過節時買"藍罐". 咬落外面脆入斫淋, 就是不錯既曲奇餅. 趣怡既曲奇就做得到. 不過, 可惜的是, 牛油香味也許差少少, 香味不夠之餘, 另外牛油既口味又係少左d. 不理了, 有朱古力滿足了兩個女仔的願望.....貪心地, 她們說若果是朱古力夾心.....仲更加一流.
繼續閱讀