趣園麵家 (已結業)

回想返，原來都有好一段時間冇去過麵家去食一碗雲吞麵。趣園麵家，喺疫情時開張。佢開張後第一個星期就入咗去食野。當時我都未開始記錄低平時既搵食足跡。只記得碗雲吞麵有好多蝦子，有韭黃，麵好彈牙，雲吞足料。係我認知既傳統雲吞麵。之後間唔中都會去翻食。今日再入去聽到街坊講，原來佢地做埋今個月就唔做。又一單敵得過疫情，敵唔過租金既例子。諷刺嘅係，咁啱嗰個商場新開咗間連鎖粥麵店。晚飯時間人龍不絶。究竟連鎖食肆啲嘢太好食，定係麵家小店真係冇咩生存空間呢？今晚，同樣叫咗一碗蝦子雲吞麵，本身想叫埋炸鯪魚球，但因為結業人潮，所以沽清。唯有用相片好好咁記錄一下呢一碗麵。希望之後再有機會可以一嘗。蝦子雲吞麵湯頭清澈清甜，配搭韮黃，蝦子，令到味道提升咗唔少。雲吞大細適中，餡料調味夠。蝦肉新鮮爽口。麵身彈牙，冇鹼水味。同第一次黎食一樣，碗雲吞麵係我認知應有既味道。喜愛度(5分為滿分): 4.5

開左係屋企附近咁耐都未試過，睇到FB 有街坊介紹立即去試。星期日一點幾入座，大約三十個座位，有幾台客。豬手、雲吞、牛腩都想試。先試根腩麪同炸鯪魚球。等左五分鐘到，老闆娘端上公雞碗 內有一個麪加三件牛腩三件牛根，分量十足，上面有幾粒韮黃冇落乾曾曾既蔥花，賣相企理。先試啖湯正常唔搶喉，可惜一夾落個麪一陣攻鼻鹼水湧出，心想不妙。一間專賣廣東麪的餐廳冇理由咁基本都做不好。但食落麫條彈牙唔淋，廚房煮得出色，應該係麪煮好冇立即上枱。根腩炆得入味冇得彈。之後炸鯪魚球也很出色，一客有四粒，粒粒有golf ball 大小，即叫即炸，薄薄一層麪包糠，外脆內軟，沒有很重的調味，輕輕點一下蜆蚧醬，恰到好處。四粒魚球加根腩𠄘惠81大元。十分滿足。每枱都有檸檬水任飲，細心。下次去試埋雲吞同豬手。

🍴蝦籽雲吞麵 $38 (8/10)個湯幾清甜，有大地魚香，唔會有鹼水味。個麵好爽口彈牙，仲要冇鹼水味，食落好輕盈！雲吞有4粒，都好足料，有一隻蝦同肉，肉唔會鬆散帶有麻油香，蝦肉爽口，真心呢個價錢好高質，雖然份量比較細，肚餓可以叫撈麵😆推薦指數: 8/10真心唔太餓冇乜胃口，食呢個都好唔錯！好食又平，撈麵都係四十幾蚊，抵！

北角附近，好難有似樣嘅雲吞麵，麥字系列嘅雲吞麵係唔多覺。趣園不在健威花園商場之內，所以有少少輸蝕。趣園雲吞麵出色，湯底甜，麵條雖然唔係麥文記，麥奀記，麥兆嗰種銀絲級數，但絕對可以接受，而且會撒上蝦籽，至於雲吞方面呢，一啲都唔輸蝕老牌雲吞麵店，食得出係海蝦，特別鮮甜。靚嘅雲吞，其實係細粒，而唔係荔枝咁大粒。呢一間雲吞，做得出色， 炸鯪魚球，一樣出色，外層占了米粉一齊咋，鯪魚球內，有香葉，其他店舖，比較難食到店舖有提供酸蘿蔔，任你吃。值得一題，價錢親民，雲吞麵， $35，炸鯪魚球都係30幾蚊。前後幫襯，已經超過一打次數

如果是北角的老街坊，就會知道這一間小店，曾經休業了很多年，現在又回來了。蝦子撈麵~ 麵質很好，彈牙煙韌。炸鯪魚球~ 很好吃 上枱是一整顆的，為了拍照所以切開看裏面的肉質，有質感，有淡淡的檸檬葉香味。豬手~ 我很欣賞這裏的豬手，是因為不會吃落去一口都是毛，清理得算乾淨。 而且炆得夠入味夠淋。炸三寶(雲吞、水餃、魚片頭)~ 這裏的炸雲吞我很喜歡，有很脆的炸皮，而且沒有油益味。炸水餃也可以。 不過魚片頭就非常一般啦，這裏的魚蛋、魚片頭、墨丸、牛丸之類的，感覺都是麻麻，不吃不是損失。炸醬撈麵~ 炸醬味道不錯的，不會很多肥肉，算幾有誠意。雲吞麵~ 雖然麵很好，但是這裏的湯底是硬傷。如果想要吃濃濃的大地魚香湯底， 這裏沒有。 所以我會比較推介撈麵。淨雲吞~ 雲吞一般，比較散，而且湯底也不精彩。 不過如果不跟那幾家大品牌比較的話，還是可以的。牛筋湯河~ 牛筋炆得很淋，河粉也可以。 再說一次，失敗在湯底。牛肚撈麵~ 這裏沒有牛雜，只單單有牛肚。牛肚是沒有蝦子的，所以如果看到圖片上有，是加錢加蝦子。牛肚跟牛筋一樣 也是非常淋。 喜不喜歡見仁見智，喜歡有"口" 和喜歡牛味比較濃的朋友，可能不喜歡。 我

“五一”三天公眾假期下着雨，决意到户外走走舒展一下。北角趣園麵家，久聞大名，評價不一，下午茶時間去一探究竟。小店装修清雅，整潔衛生，堂食坐位大概20。試了招牌雲吞虾籽撈麵，只賣$43，加凍飲一律$6，論性價比，今時今日，實屬超值。但論口味，就有所失望。銀缐細麵，勁度十足，沒有梘水味，自覺過硬。雲吞五粒，食味較淡，大地魚味欠缺，肉餡有渣，肥豬肉「一抽一抽」，完全沒有切碎。跟湯偏咸胡椒味重。點晴之蝦籽不多，此價錢亦不期望會多，但蠔油已經蓋過蝦籽味道，建議蠔油可以另上，多少適隨尊便。從其他細節，可見店主應該是有心之人，對於招牌菜式，希望能夠多多留意。

唔記得呢間麵店已經第幾次易手新開張時候牛腩好靚牛筋又好入味所以好鍾意食後來越做越差連雲吞都林啤啤牛腩就硬到咬唔開今日行過決定俾多次機會叫咗一碟炸醬撈麵攞到返屋企麵質依然爽脆彈牙炸醬辣甜酸味夾得好好豬肉絲非常入味叫咗一碗淨雲吞OK啦 質地好返雲吞皮好爽口蝦同豬肉又有口感好食返啊仲叫咗一客炸鯪魚球我家姐以前好鍾意食今日熱辣辣食咗一粒佢話水準翻返嚟外脆內爽我就聞到都覺得腥所以我冇食啊連碟$16嘅芥蘭都充滿誠意 好翠綠好嫩希望繼續保持水準會再幫襯嘅

今天本來去北角shopping，臨上車時記得睇過youtube有一間賣蝦子麵的麵店，因為片中的蝦子🦐麵好吸引，就同埋2個朋友一齊去食，到達時見到係一間小店裝修唔錯，期待度都好高，當我睇餐牌時，我朋友首先點了一個牛腩湯幼麵，（我當時未點菜）我就問個侍應個麵有冇蝦子，佢答我「有」我就再望個餐牌叫麵，佢個餐牌「麵」就分2排（上、下）上面有牛腩、牛筋、豬手之類，在下面的有雲吞&水餃、牛丸之類的麵，而下面的雲吞&水餃兩個item上有「蝦子」2字我當時再問個侍應，如果雙拼的麵是否計貴個個麵的價錢再加$6，佢答「係」咁我就落左一個牛腩水餃撈粗麵，我另一個朋友就落左一個雲吞鯪魚球撈粗麵，再落3杯飲品咁之後就先到左個牛腩湯幼面，就見到個湯麵佢上邊係冇蝦子嘅，咁我就問個侍應（係另一個男侍應）個侍應就先叫我等等，跟住隨手個侍應就攞埋另外兩個撈麵出嚟，我都係見到兩個撈麵都係冇蝦子嘅，咁我就問嗰個男士應我話我哋叫咗啲麵點解冇蝦子嘅，個男士應應該唔係好清楚就叫我等一陣間，然後佢就去咗廚房個位置度問個師傅，我就聽到個師傅個答案好出人意表，個師傅話如果個面雙拼係唔會有蝦子嘅，如果要蝦子係要另外加錢，我聽到就愕左然⋯⋯

又係早D去食唔洗等唔洗迫.樽酸蘿蔔真心正, 忍唔住口, 前後食左10粒, 有當年灣仔永華麵家的水準.呢碟炸醬牛腩撈. 炸醬係正宗舊時的京都炸醬味, 鍾意食o既一食就知, 除左肉絲, 必要有冬菇粒, 牛腩係舊式炆牛腩, 即使瘦都淋, 最正係搭兩件筋, 唔洗另外雙併. 麵就爭少少, 有鹼水味, 要加辣加醋.單併撈麵46, 雙併只加6蚊, 加6蚊在區內算抵, 凍熱飲都係加6蚊.  食飽已1小時, 少少口渴. 暫時係附近最好食+抵食.

The ladies taking orders 90% of the time got the orders mixed up and thats enough for me to blacklist them because the fact they screwed up the orders actually impacted the quality of the food such as temperature and flavor of the soup, its kinda sad as their food is not bad if they present it right but i wont give it another shot to find out.

喺社交平台北角群組見到多位group友力讚呢間趣園，仲以為係打手所為決定親身一試趣園麵家喺好多年前已經喺北角立足，仲有group友post咗舊相證之但礙於相片版權，唔可以喺呢度post對於喺北角長大嘅我，都有少少印象最近喺北角開張，聽講老闆係當年趣園嘅徒弟(已經60幾歲)今日去買外賣(打電話預訂好方便)，要咗雲吞同水餃有驚喜...有驚喜，好新鮮，蝦好爽，湯好味，湯裡仲有蝦籽，相當落本，飲晒啲湯都唔口渴聽講佢地係用上新鮮豬肉同海蝦聽日會再買外賣，會試埋蝦籽撈麵店鋪面積其實幾細，但裝修都算靚如要去洗手間，要去返商場健威坊Fit Fort呢間鋪之前做乜都好快結業，如趣園能keep住水準，再加上口碑，一定會做得住，加油

麵食份量唔係多 但係由個麵到個湯到個餡料都充滿驚喜 簡單啲講用新鮮同皮薄餡靚去形容甚至個人認為用東區出佳咁稱呼都唔過份 店家係咪自家制同冰鮮料一係一食就知家陣去食麵可以令你食麵食到連湯都飲埋既麵館應該無幾間 回頭率十足既小店

小弟住筲箕灣平時去開健威多數都叮叮去，有晚落大雨叮過去見到健威個角位多左間麵店，叫趣園🤔 我以為似中學時代筲箕灣大街個間桃園🌝 十蚊碗麵，然後就同女朋友落叮，行過去，望一眼🤡 佢個隔局原來似茶餐廳咁，紫色為主色，如果有去開桃園就知多數圓枱，六個人一張 迫到你呀媽唔認得。佢呢度大部份卡位自由度高d，不過個場就比較靜，有問過個伙記裝個電視播下新聞唔好咩，🤔然後佢話佢驚變左睇馬個d茶記🥲 都真既一到跑馬日 呢d地方就變好多麻甩佬🙄，所我真後建議佢播mirror 宣傳😂。食物方面我個日就叫左雲吞麵，炸醬撈麵，炸雲吞！雲吞麵！老闆一整起就叫我快d食，我心諗要唔要咁急趕我走🥲然後完來佢話浸耐左d麵會唔彈牙，😆 所以我9秒9食左 又真係幾彈😳但我覺得係個雲吞超乎我預期，皮滑薄d蝦係新鮮蝦，我預期係佳寶個d冰鮮雲吞🤡，所以係出色既！炸醬撈麵又一推介，小弟好鐘意食撈麵，咩鬼芝士撈呀，沙嗲撈呀，水晶撈呀，唯獨炸醬撈麵，我以為係韓國炸醬麵🌝 佢係港色炸醬撈麵，唔係譚仔個d嘔吐炸醬🤡 佢有一條條肉絲，食落去實在d👏🏻最後炸雲吞小弟覺得正常發揮啦 唔同酒樓食個d，似終呢間野係食麵，我口痕先加炸雲吞，半隻手掌大

健威坊附近有間新嘅雲吞麵店。平時返工lunch日日都食飯。都想食下麵，就去試下。叫咗個炸醬撈麵加雲吞，同埋炸鯪魚球。炸醬撈麵好有傳統嘅香港口味，有鮮蝦味加上炸醬混合一起。很美味。而炸鯪魚球亦皮脆肉軟。令我意想不到，雖然只是一間小店，但感覺就係實而不華，不靠讚美宣傳。亦沒有貴麗裝橫。值得下次再次食。

見到新開張，即管試吓 炸鯪魚球無骨，我個仔追住食呢個真係必食推介我個人本身麻麻地，炸鯪魚球因為好多都會有骨，呢間做到無骨，仲好好食😋好快變飯堂🤣啲麵同平時麵舖有小小唔同平平地又有水準嘅麵舖真係得好少