越食 (已搬遷)

唔好睇越食舖仔細細，佢哋個秘製濃汁牛丸湯粉質素都幾高，最出色係啲牛丸，有濃厚嘅肥牛味，肉質彈牙有油脂，入口有幸福嘅感覺，同混醬坊嘅名物和牛牛丸有得揮，高汁👍；另外，兩嚿白蘿蔔又甜又腍又入味，好食；至於個湯底雖然較清淡，但入面嘅洋蔥，芫茜，蔥粒同大蔥令鮮味得以提升，再加埋另上嘅辣椒，薄荷葉同青檸汁，湯底味道當堂變得豐富起嚟。…查看更多

第一次寫食評，原來要寫夠200字先至可以評分，見佢咁好食就幫佢寫夠200字啦。已經幫襯過三四次，每次都係一路食一路讚。睇得出老細好有心機煮好嘢食，服務又好。基本上所有食物都好好食，非常有驚喜。特別推薦牛丸，炸雞翼，芽車快。佢嘅牛丸真係第二度食唔到，冇諗過牛丸可以咁好食，好Juicy，啲炸嘢又揸得好好，又香又脆口，唔油膩。店仔細細，坐到十人左右。舖面都唔起眼，希望多d人幫襯，令間咁好食既越南嘢可以繼續做落去。…查看更多

這間的牛丸係特別裝造，好濃牛味，好juicy, 今日想試下扎肉會撈檬，又想食牛丸，menu上牛丸沒有撈檬的，老闆話牛丸建議配湯，但都可以應我要求特別整比我，非常體貼客人。食物來到。，三片厚切扎肉，兩粒牛丸，還有新鮮青瓜生菜葱油作伴，一吃之下，驚為天人，扎肉混入豬耳，非常香和彈牙，牛丸一如以往的好味!!!!!小店人流不多，來過兩次都沒有其他客人，但食物質素實在值得推介。扎肉和牛丸還可以外賣，下次買返去打邊爐先得!…查看更多

個雞湯清到次次都飲晒 飲完都唔會飲味精湯咁口乾仲有即整嘅雞翼好食到唔記得影 服務好好 有暖水 牙簽提供鋪位雖細但坐得舒服發雞盲搵唔到間鋪要打電話去教我行😂😂難得嘅良心小店❤️…查看更多

第一次叫係一個餐，餐（98蚊）有包一個小食木瓜沙律（有字眼寫住少份量）。第二次叫外賣單叫木瓜沙律（58蚊）， 份量同餐包的小食木瓜沙律一樣份量。打電話詢問話係甘大😐🤨😐🤨😐🤨😐🤨😐😐🤨😐🤨😐會唔會係甘？味道可以啦，但係份量真係好唔統一☹️☹️☹️☹️☹️☹️☹️☹️☹️☹️因為怕他俾錯，所以有打去詢問，但係話無俾錯☹️☹️☹️☹️…查看更多