越軒牛肉粉專門店 (已結業)

本人真系未點試過食完野之後肚屙，但就系食完呢間野之後，晚黑就開始肚屙。其實一入去餐廳，環境就唔系太令人滿意，加上廚師時不時行出來又唔帶口罩，D野食其實味道都唔差,不過我同屋企人食完之後其實大家都好似覺得有D唔舒服，尤其系我仲開始胃痛+肚屙以後都唔會再食啦！如果大家仲要食就備定整腸丸先啦！…查看更多

早幾日到左大角咀返工，天氣又熱😓又要體力勞動真係熱到人都癲，中午都冇咩食慾但又好肚餓！同事就帶左我去食一間越南小店！一入去已經覺得有種小清新的感覺，淺綠餐椅+淺啡色餐枱+透明玻璃水瓶，給你一種簡單舒服配置！講返食物就叫左個海南雞飯🐤+凍好立克，另與同事share 兩個小食，等左幾分鐘黎左兩個小食-首先係越式酸辣鳳爪，凍凍地加上酸辣汁好開胃，鳳爪夠彈性！越式蝦🦐多士，有蝦味同幾香口，但可能整好立即上枱就油左d主食海南雞飯啦！上枱時有兩個失望位！冇湯、跟白飯🍚！😞飯粒分明但好乾，雞（雞腿位） 就好滑夠濕潤幫補少少飯乾問題！整體來講都係好食，再睇埋個價錢就變得好好食！…查看更多

疫情下，沒有多少餐廳開門，隨心挑了一間越南小店吃個生牛肉湯粉。沒想到喜出望外，牛肉超大塊，湯底也不錯👍🏻👍🏻叫了杯鹹檸檬水，慢慢坐。離開時，有人在吃二人餐，看上去也不錯，下回一定要試！…查看更多

17/11/2019晚上19:35落單等了20分鐘先上雞翼撈檬及2杯椰汁冰，其中一杯椰汁冰仲要沒有甜味,即漏落糖。去到20:00我問佢著便服的男仕叫佢幫手跟一跟碗綜合牛肉湯河。等到20:25我老婆碗撈檬食完佢都未出。跟住再追單,我問點解可以等甘耐?綜合河生牛肉,牛腩湯已經有係度,但居然出餐仲耐過雞翼撈檬?炸雞翼都要等雞翼炸好都要8分鐘啦,但湯河居然要等甘耐。本黎甘嘅價錢,我都唔計較你的味道。但真係堅嬲,1.等咁耐2.食物質素垃圾(椰汁冰無味,撈撈雞翼overcook無肉汁,連撈檬嘅魚露醋都唔合格)…查看更多

朝早11點，見呢間無人又坐得幾舒服就入左去，一睇餐牌估唔到小店有咁多選擇，貼係牆上面既相片好一般原本無咩期待生牛肉湯粉上菜估唔到好吸引！超多洋蔥、金不換、芽菜同葱，至愛廚師好細心，用一件超厚蘿蔔墊起左d生牛肉，到食果時唔會老哂，蘿蔔重要超入味食過最好食既生牛肉河牛肉肥同瘦每種有d，撈埋配菜食真係堅正呀另外叫左豬頸肉喇沙就一般，:)可以食其他呢餐真係好抵，可惜唔係住附近生牛肉河粉係必食，好有驚喜店員都好有禮貌…查看更多

這晚約在大角咀見面，我倆都喜歡去越南，來回味一下吧。這裡很簡單，小小越式風格，簡簡單單。可以單點或套餐，價錢相宜。叫了我最愛的椰青（$14），好抵飲，清甜又解渴。他叫了香茅牛肉撈檬（$42），這只有越式才有，加了魚露，很開胃。牛肉有點韌，不好咬。我點了生牛肉湯粉（$43），湯可以再熱些會較好，還有一杯芽菜可以加。再叫了一客蝦餅（$38），油了一點，尚可接受 只是口癢想點來吃，蝦味尚可。這晚我倆都累，靜靜地過了，但彼此感覺到存在就夠了(*^_^*)…查看更多

之前已經被門口的推廣青買一送一所吸引，入去仲多優惠。這裡裝飾及陳設也有少少心思。撈牛肉乾檬有超多蔬菜，中規中矩。也叫了柚子蝦沙律，又一大盤蔬菜,很健康，擺盤也靚， 但柚子有少少苦。越式牛腩湯河，根據外子所講湯底很好，是牛骨湯，我覺得牛腩超腍及香，牛腩好吃。椰青$28買一送一，簡直蝕本推廣價，用可愛的竹籃奉上，很厚的椰肉，厚匙子真的很難取椰肉吃，原本對椰肉束手無策，但後來女兒努力的掘掘掘， 打底的椰肉都挖出來吃了。我再努力嘗試，首先要幫椰青脫帽，然後我就再嘗試由邊入手，出奇地可以緣邊整片挖出，兩個椰青都可以，可能是底部的椰肉已經脫離，喜歡椰肉的可以試試。後來加了$9千層糕，有薄的匙子，用這個食椰青肉也許方便，可以試試下。這裡也有其他特色火窩及套餐，帽子火窩實在特別，希望下次可試，食物一般，但勝在價錢非常相宜。牛腩，沙律，椰青…查看更多

星期六一個人搵食，見到呢到早餐20至30幾就入黎試下｡ 街坊小店一間，不其待有甚麼服務，但也有禮貌。叫左蕃茄海鮮檬，包炒疍、蒜蓉包及飲品，$32｡炒蛋有重牛油味，滑｡蒜蓉包係法包，新觧熱辣，稍為不夠脆｡多焗1分鐘應會更好。檬是很大的一碗，滾熱辣｡急凍雜錦海鮮但有一隻青囗和大蝦仁。味道不錯｡咖啡是即溶越南咖啡，稍為失望。總括而言，這個價錢，這個份量，不失為一個好的選擇。…查看更多

此店一共食了兩次，第一次食左鮮茄海鮮湯檬，番茄湯太酸，海鮮祇有蜆肉同埋青口一隻，但有雪藏味及霉，第二次食紮肉雞絲湯檬，味道ok，可惜兩次飲奶茶都勁難飲，又苦又澀，顏色仲近乎深啡黑色，食物以外那夥計態度更是問題，事緣當我食完碗準備埋單走，我取出8蚊散紙放枱面，再準備取出廿蚊紙時，電話響起，因店內有電視聲，所以企喺長期打開門口講電話，那店員企係我身後講咗兩三次爭廿蚊，我只講了十幾秒電話，收線後立刻問佢，你見唔到我個背囊放喺凳度咩，你見唔到我企喺門口講電話咩，你見唔到我放8蚊喺枱面咩，淨係個背囊都值幾百蚊，仲未計裡面D嘢，我會唔會為咗廿蚊走數而唔要個背囊，我要走數仲乜放八蚊喺度，走廿蚊又是走，走廿八蚊又是走，點解唔走廿八蚊，點解我走數仲要企喺門口，佢仲答，""我點知呀""，難怪我坐咗近一個鐘都冇人入嚟食。…查看更多

香葉辣肉燥炒飯，夠香辣，特別喜歡佢多香葉，食呢款炒飯，香葉先係主角嘛。聽到有客人嫌香葉太多，味道太搶。飯，好大碟，一個女生唔會食清光。最可惜係啲飯未完全炒到散晒一粒粒，仲有一舊舊白飯，而且食到有生米。呢兩個扣分位確係好甘，不過，酸辣鳳爪撈檬（個酸辣味調得啱啱好，惹味）、青檸薄荷冰（味道清新，凍飲唔使加錢），跟餐紅豆糕（甜度適中）都幫手追返啲分。至於香茅牛肉湯檬，上枱時自動變咗湯河（趕住返工，照食）。用杯仔另上配料，夠細心，材料豐富（喜見最愛的青檸）。牛肉係全熟牛，比較老，湯頭唔太重味精。撈檬好味過牛湯河。落單要自己劃紙仔，紙上的選項設計非常特別，幾個人初嚟報到，花咗唔少午餐時間研究一輪先落到單。會再嚟食晏的，希望見到改善喇。…查看更多

唔想煮飯嘅今晚，行咗仲過嚟依條巷仔搵飯食。想食啲熱熱哋嘅嘢，就入咗嚟食越南嘢。每人叫咗個飯/粉，免費送港式餐飲，轉其他飲品半價。我本來叫咗香茅牛肉撈檬，點知後尾話剛剛賣晒香茅牛肉，咁就轉咗扎肉撈檬。（明明話食熱嘢但想食啲菜😅）扎肉檬粉 - 有菜有青瓜有滿足到我想多啲菜既渴望，主角扎肉係爽口啲嗰款，中間仲有啲疑似軟骨脆口既材料，檬粉軟硬程度對我來說適中，醬汁都OK，係冇乜驚喜估佢唔到個三色冰竟然係是晚Highlight!!! 冇叫珍多冰，因為以前叫親啲綠色珍多都硬掘掘，今次都係博一舖，點知超驚喜!!!佢既三色冰有珍多、紅豆同綠豆︰第一驚喜，啲珍多質地軟滑；第二驚喜，椰汁有少少冰沙feel，但係軟身既冰沙，濃郁好味！我覺得我會為左杯三色冰再返去食XDP.S. 我地仲叫左千層糕，但係佢並唔係相入面個啲千層糕，而係玫瑰形嗰種椰汁糕，有啲失望…查看更多

同老婆仔女一起來這家新店，點了叻沙、越南牛肉河、雞翼和越南咖啡.. 叻沙湯底夠鮮，牛河牛肉多，抵食！雞翼好香，咖啡越南特色，又甜又香，帶哋苦，比得上喺越南朋友家試過，問老闆娘陳太哋叻沙湯底係咩，唔肯講不過性價比高，下次仲會來....…查看更多

呢間#越軒牛肉粉專門店 6月頭新開喺大角咀 主要做街坊生意 所以價錢都好貼地 店鋪裝修設計以藍綠色田原風為主🌿座位寬敞 環境令人坐得舒服👍🏻---------------------------越式生菜包(豬肉) $32呢個生菜包有別於平時食既泰式生菜包 多左豆角粒口感多左之餘食落亦較清新 加左辣椒有少少辣好惹味😋豬肉唔會炒到乾 炒得好香口真係好好食 必試！.越式春卷 $32春卷最緊要炸得鬆脆 呢個春卷夠脆而且好香胡椒味 點辣醬食酸酸甜甜咁好開胃 連埋生菜同蘿蔔絲包住食一啲都唔油膩😜.豬頸肉叻沙湯粉 $48就咁望豬頸肉同叻沙湯粉都好吸睛😍豬頸肉唔會燒到乾乾柴柴 食落甜甜地 叻沙湯入口有好香濃既椰香 唔會好辣 唔食得辣既人士都會接受到😎檬粉唔會好碎而且勁索湯☺️.生牛肉湯粉 $42估唔到份量咁多🙊生牛肉有大約六大塊 肥瘦適中且牛味重 河粉幾滑溜 湯底濃郁而不重味精 加埋青檸同九層塔等等既香料增添味道層次🤓.柚子鮮蝦沙律 $62鮮蝦同柚子鋪滿喺面頭 賣相好靚😍檯上有碌冧可自己斟酌份量淋落沙律到 柚子微酸但唔苦澀 撈埋底下既青瓜絲同蘿蔔絲 成個感覺好清新☘️食完重口味既野refresh下岩哂😇.斑蘭千層糕 $18 兩件| $32 四件千層糕切成薄片方便食 斑蘭味突出 如果更煙韌冇咁實就更好了😛.泰國椰青 $28身為椰青控真係太愛飲椰青🙈黎到越南餐廳都要抵擋唔住誘惑 呢個椰青同泰國果啲有得揮 清甜多水而且夠冰凍！正啊💦😚.椰汁冰 $20超重椰奶香味🤤飲落好creamy 沙冰夠細夠碎 感覺似飲smoothie 咁熱既天飲番杯都咪話唔爽🤣…查看更多

<Happy Friday - 遇上大大碗火車頭>_大角咀越軒牛肉粉專門店：火車頭$98 , 椰青$28 ,越式春卷$32,酸辣無骨鳳爪$32_終於星期五了，可以出動去大角咀覓食一下，由於今次旅行飛唔成越南🇻🇳，所以一於彌補下食下越南野，決定試試新餐廳-越軒牛肉粉專門店入到去先叫個椰青爽下先，個椰青超大個，入面勁多水，唔似出面餐廳入兩啖就冇哂😂，多水夠甜，唔錯👍🏻之後上既，就係酸辣無骨鳳爪$32，首先值得點讚係夠涷，而且夠辣夠酸，最特別既地方係第一次食帶有少少西芹味既無骨鳳爪，可以一試😋跟住再上係越式春卷$32，依個就冇太大驚喜，正正常常，不過份量就比較少得四件同有油左少少最尾，戲肉來了大大碗火車頭，我就為左依個而入黎的😂，睇下能否安撫我冇得去越南既心，店家聲稱話係2人份量，上到枱我目測唔止2人份量喔🤫，隻碗仲大過面盤🙈首先湯底，有牛骨湯頭濃既，河粉重點喔，唔會太散，夠滑，至於生牛肉就唔會太過肥有牛味，牛腩同牛筋亦夠淋，牛柏葉就唔太老，唯一可惜係牛丸唔夠彈，整體依碗火車頭合格既😌…查看更多

最近大家有無留意，之前做左好耐果間堅火鍋執左，開左間越南餐廳，果晚剛啱行過，見裝修同之前完全唔同，感覺幾清雅，於是乎坐低叫左碗生牛河，一食發覺湯底超好味，離開時碗內的湯全給我渴清，真係比個👍小食叫左蔗蝦同鳳爪,味道十分好,下次會再試其他!…查看更多