越翠苑

營業中

休息中

特色蟹膏湯檬呢間餐廳喺荃灣區內都算係老字號，好多人都推介話幾正宗陳，今日lunch time過嚟試吓一個人冇嗌好多嘢，淨係叫咗個蟹膏湯檬。碗粉一嚟到都幾令人喜出望外有好多唔同嘅餸，有兩塊越南扎肉，豆卜，半個蕃茄，一啲嘅九層塔同生菜，仲有豬紅，當然唔少得嘅就係蟹膏蟹肉啦。蟹膏蟹肉，我覺得不過不失，其他配菜都係正常發揮。反而當中最出色嘅我覺得係越南扎肉，佢唔似得坊間其他餐廳咁，粉漿比例比較重。 佢啲扎肉係彈牙結實，亦都有啲啫喱狀嘅汁，我識到我都想encore。我諗下次我會叫淨扎肉。佢個湯頭唔算好重味精食完唔會太口渴，我都飲咗幾大碗。

中午黎到唔駛等位，叫左個牛肉撈檬，同平時出面食嘅牛肉唔同，佢個牛似係有汁係面，唔係乾身嘅🥹撈檬個汁會另外一碗比你，但都夠用。味道一般，正常檬粉。下次可以試下法包，睇下會唔會有驚喜。

今日去小紅書同Openrice都好多人贊的越南餐廳。因為12點前去到，所以無乜人。舖頭主色黃色，都幾醒神，當然吾覺得有特別越南特色。雖然樓面得一個伙計，服務方面基本到位。價錢就其實同旺角油麻地也差不多，所以吾系便宜，尤其是吾系餐無野飲。另外，2蚊一個外賣盒好似貴d牛肉河粉 ($64)2分—湯底吾夠平時食開越南湯粉咁和味，—牛肉睇落幾好，但食落就比較鞋—河粉比較厚同鞋。雞翼撈檬($64)3分—雞翼真系好香脆，但過火左DD,肉覺得鞋—檬粉系白色似米線，吾同其他越南餐廳食開的透明同幼。但網上話其實檬粉系米粉，所以可能佢系正宗，anyway,個人prefer透明。

今日又來試一間好食的越南餐廳，突然間想食越南野，上網睇到推介緊呢間就即刻落來試吓，個法包好有驚喜，包身香脆松軟，入面的烤肉都好好味，嗌左個米卷，就普普通通啦，同出邊果d差唔多，特別推介下佢杯牛油果奶昔，同之前台灣飲嘅一樣甘好味，下次再來試其他嘢

想食呢間位於荃灣同大窩口中間嘅越南嘢好耐，咁啱嚟呢度附近買嘢，所以終於食到啦。.叫咗個最出名嘅蟹檬，味道酸酸地非常開胃，仲跟咗好多唔同配料，唔會覺得好單調好空虛，以呢個價錢嚟講非常抵食。.朋友唔太餓，所以叫咗全份越式法包，個包係超級脆，一度食會一度跌啲碎碎落嚟😂 入邊嘅餡都算幾足料，所以就算個包有少少乾身，但係入邊新鮮嘅蔬菜同埋餡料都會中和返。.另外叫咗一個小食拼盤，新鮮出爐啱啱炸起，所有都好好食。特別係個春卷附送埋生菜，將佢哋包埋一齊，清新爽口嘅生菜，平衡咗熱辣辣春卷本身嘅油膩感，充滿層次。蝦餅同雞翼就正常發揮，如果有啲可以點嘅醬就更加好啦。.雖然呢間嘢嘅地理位置唔太就腳，但係嘢食比想像中出色，價錢亦都非常親民，所以我之後都應該會再返嚟食～

久唔久就會返來食一餐，口味好啱我地。湯底唔會話飲完口渴，雖然我覺得飯麵係正常水平，但各樣肉類/湯調味都好入味。今次五個人食左咖啡牛腩法包、雞排撈檬、雞絲扎肉湯河、烤牛肉吹波飯、越式拼盤。個人覺得最好食係烤牛肉吹波飯。上菜速度大概十分鐘左右，場內仲有電視會播下越南YouTube, 開拓了我的眼界😉餐廳仲有賣啲越南甜品，有機會都想試下！值得一提牛油果沙冰好好飲，唔係好甜，應該係用料揀得好，無另外加好多糖。

必吃⭐蟹膏檬粉$60吃了一次自此愛上非常濃郁的湯頭裏面料很多而且份量很多通常我郁跟朋友分吃，有很好吃的煎蛋😂豬肉，札肉，豆卜，蕃茄越式牛肉沙律$54很喜歡吃泰式越式沙律酸酸甜甜很開胃😋超級大盤🙈🙈烤肉串$36正常發揮不過不失魚露雞翼$42炸得很脆 不過沒有魚露味但剛好我只想單純吃雞翼所以覺得好吃飲料朋友點了草莓沙冰$42偷偷飲了一口是好飲的冰沙😛沒有藥水味🙊甜品點了芒果糯米卷$35每次都忘點最後想吃都賣完了這次終於吃到，好好吃😛😛強烈推介❤上次來買了一些外帶糕點味道一般但布丁好吃🙈值得一試平均人均消費大概$130左右價值不貴又能吃到很多種類越翠園（悅來酒店附近）荃灣德士古道36-60號東亞花園地下A101B號裝潢整潔指數：🌕🌕🌕🌑🌑食物美味指數：🌕🌕🌕🌕🌑JC推薦指數：🌕🌕🌕🌕🌑

好味指數😋😋😋😋回頭指數 ⭐️⭐️⭐️開心指數🤗🤗🤗呢間係朋友想嚟食，話佢嘅越南法包好好食，地點上唔太方便，不過我都想去試吓！🍴牛油果沙冰（$38）一叫咗就攞出嚟，明顯係已經整好咗，飲一啖，咦！好飲wor！質感好滑，好香牛油果味，唔係太甜，好味！🍴烤肉法包 - 大（$52）法包好香脆，一路食一路滴住醬汁同肉汁，加埋蔬菜好清新唔油膩，雖然我係芫荽控，不過我覺得佢將連莖嘅芫荽一堆堆咁放，口感上有影響，如果只放葉同埋放得均勻D 會再好味D！🍴蟹膏檬粉（$62）檬粉幾大碗，亦都好足料，有札肉、豆卜、豬紅、番茄，個湯底都幾好味，檬粉似米粉口感，食到尾感覺有少少口渴，可能落咗味精。🍴魚露雞翼（$42）炸得好香脆，幾惹味，唔錯！🍴米紙蝦卷（$38）平時嘅米紙卷通常係配撈檬嘅醬汁，呢個比較特別，配花生醬，每件都有蝦！🍴凍越南咖啡（$35）呢個朋友飲嘅，唔知味道。整體上味道係唔錯，冇裝修，都坐得舒服，不過地點就有D 吊腳，唔會專登去，算係街坊之選～☆My IG @tracyloveliving ☆

都係見啲人話呢間嘢雖然普通但係嘢食高質，就諗住試吓。叫咗蟹膏湯檬同埋豬扒法包。個蟹膏湯檬湯底極鹹，冇蟹膏味，食完超頸渴！個豬扒法包，都係一般，豬扒比較乾。唔明點解咁多好評？

一間門面普通, 裝修簡約的越式小店, 店鋪不太大, 似家庭式經營的小店。▶️小食併盤 - 雞翼4隻 – 香脆生炸, 想吃辣可在枱面自行加辣醬更野味。春卷4條 – 比較細條, 入面有粉絲菜絲都香脆蝦餅4片 -普普通通 中間有一堆紅白蘿蔔絲酸菜- 味度不錯, 酸酸甜甜, 不會過份搶喉▶️咖哩牛根牛腩湯河椰香味比較重的, 口味幾適合撈飯撈麵, 牛腩都炆得好軟淋, 又夠味道, 會不經意地吃多了。▶️豬肉片湯蒙肉片事前有醃過, 又容易咬, 有肉味, 不會用得太多梳打粉, 而無味。湯底濃郁, 似是牛肉湯, 不過就偏甜的。▶️芒果糯米磁由於吃完正餐太飽, 所以糯米磁就外帶回家享用。Size比長洲糯米磁細少少, 糯米皮比較厚, 芒甜甜的, 微微酸, 不是最好, 但可接受。整體來說, 各款都好食, 粉麵相對出色, 下次可以試越式法包, 在店內都聽到幾位點法包外帶。

🙆🏽‍♀️蟹膏檬粉$62🤤超級足料大大碗，鮮味十足🍜🙆🏽‍♀️越式法包$48（大）滿滿蔬菜蘿蔔芫荽扎肉🥒酸酸甜甜，口感豐富🥖🙆🏽‍♀️牛油果沙冰$38口感順滑，似奶昔多d😋香濃牛油果味超級推介🥤🙆🏽‍♀️米子蝦卷$38蝦肉彈牙 蔬菜新鮮爽口🦐配合埋特色醬汁🫔超夾全部食品都好大碟，性價比高😍

星期六晏晝經過荃灣，心血來潮想食越南嘢咁啱抬頭見到又有位就試下！打開Menu，可供選擇嘅食物唔算好多但就有蟹膏檬粉😍檬粉入面除咗有大大嚿嘅蟹膏之外，仲有豬紅、豆卜、扎肉等等⋯🔸扎肉夠厚切，一啖咬落去好彈牙！🔹蟹膏份量多而且大嚿，食落香口之餘仲夾極都有！質地好似滑蛋，但係又有蟹味！🔸豆卜勁索湯，豬紅夠整齊唔易夾散一碗就份量都算中上，女士食會有啲飽，但男士們應該剛剛好。唯一美中不足係檬粉有啲碎，但如果加埋匙羹食用都ok! 食完個檬粉之後，忍唔住order多嚿榴蓮糕。入口有陣淡淡榴蓮嘅香味，但就食唔到果肉，但總括嚟講都夠挺身唔會一拮落去就碎哂！ 味道、環境都對得住價值，唔錯！

話說好想食越南野好耐荃新天地果兩間又貴 又book唔到位小越廚 (荃灣廣場) 果間上菜又慢 又唔夠熱今次就膽粗粗試下呢間😉▫️我地兩個人星期六六點左右到超多位 任揀 心諗「會唔會伏呢？」叫左🙌🏻1. 撈檬2. 蟹湯檬3. 牛肉法包4. 甜品 班蘭糕 同 紅豆糕▫️全部都好好味！蟹湯真係好出色，返屋企冇話勁口渴，即係冇乜味精啦！撈檬多料又多花生，岩哂我！法包好大件，包體明顯有焗脆返，熱既，入面d材料就凍既，口感出奇地好！甜品我本身唔想叫既，因為覺得呢d糕都係死甜，唔想肥。點知🙀🙀🙀 佢真係好低糖，好清新，OMG▫️呢間我會再Encore！性價比高😻

這家位於荃灣悅來酒店附近的餐廳，主打多種越南菜色，蟹膏檬粉、越式法包更是餐廳的人氣菜色，得到不少網友的大力推薦！餐廳環境也算寬闊，大約有55個座位，即使我在下午茶時間到餐廳也有不少客人在用餐。這次我選擇了「雞絲湯河」（$60），店員剛送上桌便已經被份量嚇一跳，河粉份量很多，我相信食量比較大的人也能夠吃飽。湯底很鮮甜，有多種香料的味道，而且九層塔的味道濃郁，雞肉味道同樣香濃，而且口感嫩滑，與鮮甜的湯底和河粉一起吃十分美味，難怪能夠得到這麼多網友的喜愛！朋友則點了「蝦肉卷河粉」（$60），味道同樣美味。如果喜歡越南菜的話，這家餐廳我非常推薦！

最近多咗出荃灣做嘢，偶爾經過一間望落幾企理嘅食越南菜嘅餐廳，不禁引起我嘅興趣。其實我對越南菜印象麻麻，記得好幾年前食過連鎖經營的芽Ｘ、越Ｘ等，感覺越南菜來來去去都係嗰幾味。直到我遇上呢間「越翠苑」。。。夜晚8點左右，喺好奇心驅使下，我入到去坐低，見食客唔多，我就慢慢揭吓個餐牌。嘩～原來除咗撈檬和湯河之外，仲有好多其他越式選擇。我第一次膽粗粗就點咗咖喱牛腩飯，外子就點咗個香茅牛肉河。食物好快就送到，熱氣騰騰。我份咖喱牛腩嘅咖喱汁好有椰香味，用筷子夾起舊牛腩，簡直不得了！一夾即溶。我淨係食過乾柴嘅牛腩，從來都未食過咁軟腍嘅牛腩，實在太正了！外子的香茅牛肉河，裡面有九層塔嘅清新香味，鍾意東南亞食品嘅人對九層塔應該非常熟悉。牛肉好有質感，河粉又滑捋捋，一下子就食曬了！隔咗幾日再次回訪，今次試吓佢個春卷撈檬同法包。春卷撈檬的料頭多到滿瀉！裡面嘅香菜喚醒味覺，好醒胃！法包外脆內軟，配埋個咖喱汁簡直一絕。小店只收現金，沒有加一服務費。價格相宜又能提供美味食物，以後亦會經常幫襯的。另外，小店係逢星期一休息，唔好去到摸門釘哦！