影片
從社交平台得知大角咀有一間越南餐廳，所以weekend一家三口來試下。我地點了兩個越式法包、一個雞飯。法包係即點即焗所以好香脆，內裡有一層肝醬、酸蘿蔔、而且牛肉豬肉夠juicy，好食。雞飯嘅雞有點overcooked，但飯都幾香。相比之下，佢嘅pho比較出色 (其實我早前都有試過佢嘅pho，但我冇出post。)簡單來講，呢間餐廳嘅定位係做街坊生意，定價合理，而且老闆娘態度友善，好過大角咀附近好幾間連鎖越南餐廳。
繼續閱讀
法包係即叫即焗嘅，要等十分鐘，一出嚟香脆無比。擺蟹膏湯檬唔係周圍都有得食。套餐加小食相當實惠。夜晚食飯跟餐特飲都只係半價，熱飲仲免費添。20座位嘅街坊小店一位廚師加一位服務員，好有可能兩個都係老闆，點餐時廚師即時炮製，繁忙時間要有少少耐性等一等。
繼續閱讀
好耐冇寫食評，這家大角咀新開越南菜真心正，環境乾淨衛生蟹肉蕃茄湯檬～配料有蝦及扎肉， 蝦腸有清乾淨，必須點讚，湯亦好惹味肝醬香茅豬扒法包～好脆香茅豬扒醃得很入味，必點牛油雞翼～用嘅係大雞翼，平時唔識吃雞翼㗎，我都可以食得一乾二淨嚟到大角咀，記得去試吓
繼續閱讀
本人好少寫食評, 不過, 呢家越南小店, 值得一讚！👍👍👍老闆娘好有善, 雖然店內裝修簡單, 但用料十足、價錢超值！食物方面：- 湯底用豬骨熬製, 完全沒有味精, 飲咗唔會口渴！- 越南包材料十足, 依家好少有連肝醬, 由頭到尾都食到有料, 超值！- 佢啲豬扒炸得超好味！- 咖哩飯嘅汁好香, 帶辣又唔係太甜！唔怪得咁多印度朋友嚟幫襯°- 蟹膏湯底用真蟹攪碎熬製, 真材實料！- 檸檬茶底好飲其它食物有待大家發掘！希望大家支持小店！🙏🙏🙏
繼續閱讀
您可能會有興趣的...